Извезени 1 милион килограми праски од Росоман

Извезени се 1 милион килограми праски  на стартот на оваа  сезона од најголемиот регион за производство на праски во Македонија, росоманскиот.

Ова денес го соопшти градоначалникот на Росоман, Стојанче Лазов. 11 шлепери со познатата росоманска праска заминале за Ирак и Сирија, а над 30 шлепери завршиле во руските маркети. Градоначалникот нагласи дека росоманската општина произведува еден процент од вкупното светско производство на овој вид на овошје.

Откри дека прават напори да ја брендираат праската која се произведува во Росоман. Во моментов била во тек бербата на сортата “спринг крес”. Запрашан да ги коментира жалбите на овоштарите дека цената на праската паднала од 30 на 15 денари за килограм, Лазов нагласи дека зависно од квалитетот, праските се продаваат по цена од 15 до 28 денари за килограм.

Според него, поубавите праски завршувале во локалните ладилници, а оние со послаб квалитет ги купувале прекупувачи на кванташкиот Пазар во Росоман

Охридска банка донираше храна

Охридска банка и Банка за храна Македонија под мотото „Храна за сите“ заеднички ја одбележаа солидарноста и хуманоста на дело. Во рамки на акцијата се доделија повеќе од 250 пакети со над три тони храна и средства за лична хигиена. Производите се набавија со донирани средства од страна на Охридска банка преку Банка за храна Македонија, со донација од клиентите и вработените кои донираа над 300 килограми храна и средства за лична хигиена. Храната се дистрибуираше до учениците на Специјалното училиште за деца со посебни потреби „Св. Климент Охридски“ од општина Ново Село, во Специјалниот завод „Демир Капија“, во дневните центри на „Порака“ во Неготино и во Волково, дневниот центар Чашка-Велес, „Арт оф ливинг“, како и до социјално загрозени семејства и граѓани во Скопје и околината

На изборот за мис на Балканот победи Македонка

 

По серијата тепачки во изминатите неколку дена, ноќеска во Министерството за внатрешни работи не се пријавени нови инциденти.

Повеќето од учесниците во тепачките се млади луѓе, а меѓу нив има и малолетници. Продолжува и засиленото присуство на полицијата на терен со цел да се превенираат евентуални нови инциденти.

МВР, како што најави премиерот Никола Груевски и ресорната министерка Гордана Јанкулоска, ќе оди докрај со расчистување на инцидентите, пронаоѓање на сторителите и нивно санкционирање.