Новости

James Bond Sony Ericsson C902 Cybershot

После успешната соработка на филмовите Casino Royale и Spider-Man 3, Sony Ericsson и T-Mobile ја продолжуваат соработката со Холивуд и на промоцијата на новиот James Bond - Quantum Of Solace.

Во новото продолжение, тајниот агент го користи лимитираното издание на C902 Cyber-shot мобилниот телефон со титан сребрена боја. Со него ги слика доказите, ного користи  и при извршувањето на другите задачи. Уредот поседува 5 мегапикселна камера, со функција за препознавање на лице, блиц и автофокус. Овие опции му овозможуваат на славниот агент брзо да ги испрати високо квалитетните фотографии во МИ6 и брзо да го идентификува непријателот.

Во август 2006 година Sony Ericsson исто така се здружи со James Bond за да го претстави лимитираното издание на James Bond Casino Royale, сребрениот K800i Cyber-shot телефон со фотоапарат, во 2002 година одредени членови од актерската постава на James Bond - Die Another Day се користеа со мобилните телефони Sony Ericsson P900 и T68i.

BlackBerry Bold vs. iPhone 3G: yeah, we definitely went there

Aigo MP5 плеер

Компанијата Aigo во рамки на спонзорството на шампионатот во  Формула 1 неодамна го претстави и Vodafone McLaren Mercedes MP5 плеерот.

Плеерот со кодно име MP5-MK3510, поседува екран со големина од 4,3 инча, кој дава слика со резолуција од 480 x 272 пиксели. Уредот има интегриран e-Book читач, ФМ радио приемник и прегледник на фотографии.

Од аудио/видео форматите плеерот ги подржува речиси сита најзастапени типови на датотеки, како што се: RM, RMVB, AVI, FLV, DAT, MPG, MPEG, како и MP3, WMA, FLAC, APE, BBE и SRS формати.

Апаратот е во состојба четири часа без престан да репродуцира видео содржини, односно 10 часа аудио материјали.

За сега нема податоци за цената и за официјалниот старт на продажбата на Aigo Vodafone McLaren Mercedes MP5 плеерот.

Џебен телевизор за секоја прилика

Компанијата Maplin претстави интересен ултра-пренослив ТВ уред, наменет за вистинските зависници од оваа магична кутија.

Станува збор за LCD телевизор, кој поседува 7 инчен екран. Апаратот може да пронајде и да меморира повеќе од 250 аналогни и 999 дигитални канали.

Дополнителна функција на овој уред е тоа што можете да го користите како дигитален рисивер за поголемите ТВ апарати, бидејќи поседува бројни приклучоци, како што се портови за камера, ДВД систем, звучници...

Малиот телевизор, кој работи на 7,4 V rechargeable батерија, доаѓа во пакет со далечински управувач и слушалки.

Maplin телевизорот треба да се појави на пазарот до крајот на декември, веројатно пред божиќните празници и ќе се продава по цена од 170 американски долари.

Пристига новиот LG Prada

LG го претстави новиот Prada телефон, LG-KF900 со лизгачка тастатура која се извлекува странично.

Новиот 3G HSDPA LG Prada, покрај новата странична тастатура поседува и 5MP камера со Schneider Kreuzach леќи, 3-инчен WQVGA 400×240px touchscreen, Wi-fi, Prada ринг тонови, Радио, ТВ излез, Bluetooth и медиа плеер.

Prada II е комплетен „smartphone“ со веќе докажан, чист Prada дизајн. Од богатата палета на опции, на новиот Prada II му недостига само GPS навигациониот систем

Новиот LG Prada телефон својата премиера на европскиот пазар ќе ја доживее есенва, а според најавите ќе се продава по цена од 600 евра.

LG досега успеа да продаде повеќе од еден милион Prada телефони. Се очекува дека новата верзија ќе ја продолжи успешната приказна на својот претходник.

Телефон - проектор?!

Долго време ИТ фанатиците сонуваат за мобилен телефон, кој воедно ќе може да користи и како проектор. Како што напредува технологијата и како што се намалува големината на проекторите, се чини дека сонот може наскоро да стане јаве. Полека, сепак не очекувајте дека такво нешто наскоро ќе се појави на пазарот иако DoCoMo подготвува прототип.

Станува збор за еден од постојните телефони на DoCoMo, во кој е интегриран минијатурна верзија DLP Pico проектор, која ја изработи американската компанија „Texas Instruments“. Со оглед на фактот што сегашните батерии на мобилните телефони можат да издржат 15 до 20 минутно проектирање, за време на презентацијата на прототипот, апаратот беше приклучен на полнач.

Прототипот наводно може да проектира слика со големина од 20 инчи и со резолуција од 480 × 320. Од DoCoMo тврдат дека првиот мобилен – проектор би можел да се најде на пазарот за три години и оти ќе биде застапен само кај најскапите модели на телефони. Пред сето тоа да се случи потребно е да се направат уште некои измени, како на пример да се намали загревањето, потрошувачката на енергија, трошоците и се разбира димензиите на самиот прожектор.

DoCoMo има за цел да произведе телефон – проектор чија батерија ќе може да издржи и до 100 минутно проектирање.

Прв 3Д дигиталец од Fujifilm

Пазарот на дигитални камери е особено конк*рентен и секој произведувач се обидува да направи нешто што ќе го одвои од останатите. Некои се борат со нудење на што е можно поголем број на мегапиксели, други пак со понуда на HD видео, додека други со понуда на софтвер за препознавање на лице. Fujifilm направи нешто сосема поинакво, ја произведе првата дигитална камера која продуцира тридимензионални фотографии.

Како што можете да забележите од понудената (дводимензионална) фотографија, се уште неименуваниот апарат од Fujifilm поседува две леќи, со чија помош ќе може да ја определи далечината на различните објекти кои се гледаат низ објективот и со кои ефективно ќе успее да ги постави во тридимензионална средина. Се што корисниците на камерата ќе треба да направат за да снимат 3Д фотографија е да го притиснат копчето за фотографирање.

Fujifilm FinePix Real 3D System се очекува да се појави на пазарот во текот на следната година. Се разбира дека ќе ви биде потребен соодветен 3Д дисплеј за слики за да можете да ја видите 3Д фотографијата како што треба.