Зaчестеноста на мазењето и „случајните“ допири се позначаен показател за стабилноста на врската, отколку податокот колку често се води љубов - открило едно истражување на Кинси институтот во САД. Исто така, често се потценува колку мазењето е важно за мажите и се нагласува нивната насоченост кон сексот - објаснуваат научниците.

„Мазењето пружа чувство на блискост и пријатност, па затоа е клучно за среќна врска. Предноста на несексуалната интимност е поврзувањето на ниво на комуникација и пријателство, што им е подеднакво важно и на мажите и на жените“ - смета брачниот терапевт Паула Хил.

Таа објаснува како хормонот окситоцин, кој често се нарекува хормон на среќата, се произведува под влијание на нежностите и пријатноста од мазењето. Научно е докажано дека колку почесто се мазиме со својот партнер, толку повеќе желба имаме за меѓусебни допири.