250 гр. брашно

125 гр. кафеав шеќер

1 јајце

1 лажичка цимет

5 капки екстракт од цимет

1 прашок за пециво

100 гр. путер

50 гр. мелени бадеми

Малку сол

Припрема:

Во посебен сад ставете го брашното, шеќерот, мелените бадеми, прашокот за пециво и циметот. Растопете го путерот и додајте го екстрактот од цимет па матете со миксер. Потоа додајте го јајцето, изматете со миксер, додајте ја смесата со брашно и солта, па со рака измесете ги состојките за да добиете меко тесто.

Направете цилиндар од тестото со дебелина од околу пет сантиметри. Завиткајте го во проѕирна фолија и оставете го да отстои преку ноќ во фрижидер. Утредента извадете го од фрижидер, отстранете ја фолијата и исечете колачиња со дебелина од пет милиметри или еден сантиметар.

Во тавата за печење ставете хартија за печење и печете во загреана рерна на температура од 180 степени целзиусови околу 15 минути, па оставете ги колачињата да се изладат. Добар апетит!

Потребни состојки:

300 гр. брашно

100 гр. путер

150 мл. вода

20 гр. путер

150 гр. шунка

1 главица кромид

200 гр. домати

200 гр. кашкавал

1 јајце

250 мл. млеко

10 гр. брашно

Морско оревче

Копар

Сол и црн пипер

Припрема:

Исецкајте ги кашкавалот и шунката на ситни коцки. Ситно исецкајте го копарот.

Во посебен сад ставете го брашното (300 гр), водата и путерот (100 гр), додадете една лажичка сол  и замесете го тестото. Оставете го да отстои 15 минути прекриено со фолија, а потоа расукајте кора во дебелина од околу 3 мм. Исечете ја кората на кругови кои одговараат на големината на вашите калапи за тарт, кои претходно сте ги намачкале со путер.

Излупете ги доматите и исецкајте ги на коцки. Загрејте го путерот (20 гр) во тавче на оган, па додајте го ситно исецканиот кромид и оставете го да се пропрж со повремено мешање. Потоа тргнете ја тавата од оган и исцедете го вишокот на маснотија.

Во посебен сад додајте ја шунката, кашкавалот, пржениот кромид, доматите и копарот. Наросете сол и црн пипер. Промешајте ја смесата и додадете ја врз тестото во калапите за тарт.

Во посебен сад измешајте ги јајцето, млекото и ренданото морско оревче. Со оваа смеса прелијте ги тартовите и ставете ги во рерна да се печат околу половина час на температура од 220 степени целзиусови.

Откако ќе се испечат, наредете ги во чинија за сервирање и послужете ги со павлака. Добар апетит!

Многу вкусни, традиционални лепчиња …

Потребно е:
900 гр брашно
1 лажица шеќер
1 лажица сол
1 квасец
300 мл млеко
80 мл павлака
2 лажици маслиново масло
1 јајце, малку изматено

за премачкување:
100 гр путер
2 чешниња лук
малку сецкан магдонос

Подготовка:
– Во сад со средна големина, промешајте ги брашното, квасецот, солта и шеќерот и тргнете го садот настрана.

– Во друг сад помешајте ги млекото, павлаката, маслиновото масло и јајцето. Потоа во него префрлете го миксот со брашното и заедно измешајте ги убаво, додека не добиете тесто. Со миксер за тесто, промешајте го тестото барем уште три минути.

– Потоа извадете го тестото од садот и ставете го на набрашнета работна површина. Исчистете го садот убаво, намачкајте го со путер и вратете го тестото назад. Оставете го да стаса 30 минути.

– Загрејте ја рерната на 250 целзиусови степени.

– Откако тестото ќе стаса, поделете го на 12 еднакви парчиња и покријте ги со крпа или со целофанска фолија. Земете неколку, растегнете ги во еднаква должина и ширина и ставете ги во тавче намачкано со путер. Вака приготвените лепчиња во тавата, ставете ги да се печат барем 10-тина минути, додека не заруменат малку, но притоа проверувајте каква е состојбата бидејќи секоја рерна е различна.

– Откако индиските лепчиња, традиционално наречени „наан“ ќе се испечат, можете да ги намачкате со сос од лук, магдонос и путер. Стопете 100 грама путер на оган и во него додадете 2 истолчени чешниња лук. Додека е сосот топол, намачкајте си на индиското лепче и одозгора посолете малку сечкан магданос.