Вести

Заспани "убавици" со полна мрежа

* Бевме аутсајдери, но не очекувавме ваков дебакл. Мртвило во играта на нашиот тим. Што е ова!?

Холандија - Македонија
Холандија
Стекеленбург
Ван дер Вил
Ојер
Матијсен
Ван Бронкхорст
Ван Бомел
Кајт
(81' Афелаи)
Де Јонг
Хунтелар
Шнајдер
(77' Ван дер Варт )
Робен
(46' Бабел )
Селектор: Берт ван Марвијк

Македонија
Пачовски
Новески
Попов
Седлоски
Митрески
Тасевски
(Мазнов 46')
Гроздановски
(Лазаревски 57')
Шумуликоски
Пандев
Наумоски
Трајанов
(Положани 64')
Селектор: Среќко Катанец

Стадион: "Амстердам арена", во Амстердам. Гледачи: 47.750
Главен судија:  Петер Расмунсен. Помошници: Сондерби и Вулф, (тројцата од Данска).
Делегат: Петр Фоушек (Чешка).

Ж.Картони: Положани (М)
Стрелци: Кајт 16', 41', Хунтелар 25', Ван дер Варт 84'

Играч на натпреварот: Дирк Кајт

Нека ни е на здравје. Како игравме добро и поминавме. Само 4:0!!! Тимот на Среќко Катанец не сме го виделе во полошо издание. Холандија синоќа на својата "Амстердам арена" н$ прегази во буквална смисла на зборот. Но не дека беа тие толку силни колку нашите фудбалери очајни во текот на сите, ама баш во текот на сите 90 минути. Без ниту една шанса за гол и со преубедливи 3:0 по првите 45 минути. Вистинска катастрофа. Од она што го видовме треба да се срамиме. Репрезентативците ни нанесоа тежок срам. Не е важен резултатот колку односот на теренот. Заспаните "убавици" на Катанец не се мрдаа на теренот, а во некои делови од играта како да не можеа да одат. Што се случи со овие исти фудбалери кои на стартот од квалификациите ветуваа многу повеќе, а еве сега на половина од циклусот докажуваат дека во нив не треба да се има надеж.

Портокаловиот пекол почна да ги јаде живи нашите фудбалери уште на стартот од средбата. Се играа 16 минути кога го примивме првиот гол. Премногу грешки како во одбраната така и на средината од теренот. Има ли Катанец очи! Што работи овој човек кој се гледа дека н$ води во пропаст. Точно дека "лалињата" се сила, но вака не се губи натпревар. Да не се покаже ништо за цел еден натпревар. Е тоа не може да се прости. Ништо не ни одеше како што треба, а ако домаќините продолжеа во ист ритам можеби ќе доживеевме и поголем дебакл.
А вака!? Ќе кажеме дека Холанѓаните ни приредија една класична и модерна лекција. Но лекција значи дека нешто од истата си научил. Тешко дека ние нешто вчера научивме. Нашите загубени фудбалери можат да се покријат извесно време и да не зборуваат многу. Немаат никакви оправдувања за ова што се случи тука, во Амстердам. Немаат!!!
Сепак, сега се поставува и второто прашање. Атмосферата!? Таа е нарушена по оној дуел Пандев - Катанец. Сега натпреварот заврши, а до следните има доволно време за расчистување на сметките. Мора да се расчистат сите сметки затоа што ако вака се продолжи може да следат нови катастрофи.

КВАЛИФИКАЦИИ ЗА СП 2010 (ЕВРОПА) - ГРУПА 9
РЕЗУЛТАТИ - 5. КОЛО
Холандија - Македонија 4:0 (3:0)
Шкотска - Исланд 2:1 (1:0)
ТАБЕЛА:
1. Холандија 5 5 0 0 12:1 15
2. Шкотска 5 2 1 2 4:6 7
3. Исланд 5 1 1 3 5:8 4
4. Македонија 4 1 0 3 2:7 3
5. Норвешка 3 0 2 1 2:3 2
СЛЕДНИ НАТПРЕВАРИ (6 јуни 2009)
Скопје: Македонија - Норвешка
Рејкјавик: Исланд - Холандија

Најтешкиот пораз со Катанец

Катанец продолжува да руши неславни рекорди. Поразот синоќа во Амстердам беше еден од најубедливите за нашиот национален тим. А е најубедлив откако на нашата клупа седи Среќко Катанец. Претходниот неславен резултат беше оној 3:0 со Русија во Москва. Еве сега "покер".

Ристиќ најскап гледач!!!

Стевица Ристиќ беше најскапиот гледач вчера во Амстердам. Тој мина долг пат. Дојде од Јужна Кореја за да не биде ниту во 18-те фудбалери во записникот. Па за што го викаше, зошто толку пат, зошто толку скапи билети? За ништо. Среќко нема контрола. Не знае што прави. А покрај Ристиќ синоќа селекторот предвреме се откажа уште и од Петров, Емини, Мојсов и Георгиевски.

Априли-ли-ли со Македонија

Македонија за мајтап. Така може да се коментира рекламата на еден од спонзорите на холандската федерација во брошурата за синоќешната средба. Таму напишани: Холансија - Македонија 0:8. Добро читате, но тоа е само дел од првоаприлската шега. Спонзорот претера. Шега ќе беше и да напишеше дека Холандија победила само со 1:0.

Минута молчење за жртвите

Квалификацискиот меч во Амстердам како и сите други кои вчера и денеска ќе се играат во рамките од квалификациите за пласман на СП 2010 година почнуваат со минута молчење. Им се оддава почит на трагично загинатите 22 навивачи во Африка кои загинаа при уривањето на трибината на квалификацискиот меч во Брегот на Слоновата Коска.

СТАТИСТИКА
6 корнери 2
16 прекршоци 14
12/10 удари/во 3/1
5 офсајди 1
/ ж.картони 1

Минута по минута...

6' - Кајт комбинира до Хунтелар, а овој "распали" од 17 метри, но за малку непрецизно и над голот.
13'  -Гроздановски на 7-8 метри од нашата мрежа правовремено ја избива топката во контра и пред брзиот Робен.
1:0 - 16' - Спие нашата одбрана, а Кајт тресе за 1:0 од 5 метри пред Пачовски и Попов, а претходно работата ја завршија Снајдер и Робен.
18' - Ван Бомел со силен удар речиси од мртов агол на 10 метри од голот, но овој пат Пачовски е на место.
20' - Робен како брз воз, но премногу се затвори, но шутира, а Пачовски со нова интервенција.
22' - Пандев во гол шанса на 12 метри лошо ја прими топката од Попов, но шутира млако и по средината и без опасност по сигурниот Стекеленбург.
2:0 - 24'  Хунтелар!!! Нов превид на одбраната, Митрески не го затвори Хунтелар, а овој со малку среќа при примањето на топката се најде во зицер и од 5 метри не греши.
3:0 - 41' Снајдер украде наша топка на средината од теренот со долга топка го вработи осамениот Кајт, кој сочека, се намести во подобра позиција и од 12 метри стрела во долниот лев агол.
52' - Бабел се пробива по левата страна и е во гол шанса,  Пачовски со крајни напори го брани неговиот удар, а Попов избива во корнер. По ударот од аголот закана со глава од Ојер при што топката оди над пречката.
76' - Пандев добро го пронаоѓа Наумоски, кој од 10 метри со глава упати удар за малку над голот.
80' - Ван Бомел со добар удар од 16 метри по средината на голот и во рацете на Пачовски.
4:0 - 84'  Ван Бронкхорст низ еден куп нозе го проигрува Ван дер Варт, а овој го измани Митрески и во паѓање успева да шутира и да ја смести топката во долниот лев агол на Пачовски.

Несреќа на фудбалски натпревар во Абиџан

Најмалку 22-ца луѓе загинаа, а 150 се повредени при уривање на дел од ѕид на стадион за време на фудбалски натпревар во главниот град на Брегот на Слоновата Коска.

По уривањето на ѕидот настанала паника, се создало стампедо и газење на навивачите.

Полицијата се обидела да интервенира, но тоа ја влошило ситуацијата.

Натпреварот го следеле над 50.000 гледачи, поради што се стравува дека бројот на жртвите може да биде поголем.

УЕФА со обвинение против Победа Прилеп

Европската фудбалска асоцијација-УЕФА денеска на својата веб страница објави дека е покрената истрага против македонскиот фудбалски клуб Победа од Прилеп, нејзиниот претседател и еден нејзин играч.

УЕФА ги товари клубот, претседателот и играчот за кршење на принципите на интегритет и фер плеј во фудбалот манипулирајќи со исходот на натпревар организиран од УЕФА остварувајќи добивка незаконски за себе и за трета страна.

Под истрагата на УЕФА бил квалификацискиот натпревар за Лигата на шампиони помеѓу Победа и Пјуник од Еременија на 13 јули 2004 година.

Обвинението се базира на извештаи добиени од обложувачката индустрија за нерегуларни уплати и изјави на неколку сведоци.

Дисциплинската комисија за случајот ќе заседава на 17 април.

Изменето од fiks - 28.Март.2009 во 12:22

Роналдо со два гола му донесе бод на Коринтијанс

Со нови два гола, некогаш најдобриот фудбалер на светот Роналдо истакнува кандидатура за најубедливо враќање на фудбалските терени оваа година. Роналдо постигна два гола во ремито од 2:2 на Коринтијанс против Понте Прето во 16 коло од првенството на Паулиста.

Од враќањето на тревникот по низата тешки повреди Роналдо ги демантира сите злобници кои тврдеа дека повеќе нема да игра сериозен фудбал.

Во пет одиграни меча за Коринтијанс, Роналдо постигна четири гола, а пред неколку дена дури и најави дека се уште не ги ставил во заборав амбициите за играње во бразилската репрезентација.

Ако продолжи со ова темпо без оглед на вишокот килограми, Ил Феномено навистина би можел да го облече жолто зелениот дрес со број девет.

Пред 20.000 навивачи на стадионот во Сао Паоло, Роналдо со два гола му донесе бод на Коринтијанс, кој се наоѓа на второто место со 33 бода, четири зад водечкиот Палмеирас.

Првиот гол го постигна од пенал, за кој самиот се избори во 36 минута. Вториот го постигна во 57 минута за водство од 2:1.

Роналдо прими топка во казнениот простор на некои десетина метри од голот, се ослободи од одбранбениот играч и со прецизен удар го совлада противничкиот голман.

Како совршено да се шутне пенал

Професорот по спортски науки од Ливерпул Тим Кејбл соопшти дека заедно со неговиот истражувачки тим дошле до клучните сознанија како совршено да се изведе пенал во фудбалот.

Според студијата на Тим Кејбл ,играчот треба да е оддалечен пет до шест чекори од топката, под агол од 20 до 30 степени и по шутот топката треба да оди со брзина од 104 км/час во еден од голманските агли оддалечени половина метар од стативата и исто толку од пречката.

Ваков шут според професорот за голманот би бил неодбранлив.

Мотивот за ова истражување на англискиот научник биле петте промашувања од шестте изведени пенали на неговата репрезентација на големите фудбалски натпреварувања.

Фергусон: Далеку од пензија и се уште жалам по Јап Стам

Во големото интервју за "New Statesman" менаџерот на Манчестер Јунајтед, Сер Алекс Фергусон говорел за политиката, спортот, сопствените амбиции и грешките.

Еве што изјавил можеби и најголемиот тренер на денешницата:

„Пензионирање, се уште не размислувам. Моментално имам 67 години. Со здравјето сум добар. Чувствувам дека и понатаму имам нерви за фудбалот и доволно енергија“, вели Ферги.

„Ја работам оваа работа веќе 22 години, но се уште се возбудувам кога ќе стигнам на тренинг игралиштето, или кога нашиот автобус ќе тргне на некое големо гостување. Ме радува и откривањето на новите играчи, како на пример двајцата бразилци кои сега ги имам, Рафаел и Фабио да Силва“, додава Сер Алекс.

Најдобар играч кој некогаш играл фудбал?

„Пеле, Ди Стефано, Марадона и Кројф“, наброи менаџерот на Ман. Јунајтед.

А најголем менаџер?

„За мене е Џок Стеин, а во Премиер лигата, Арсен Венгер, Дејвид Мојс и Мартин О'Нил“, вели Фергусон за своите лигашки противници.

Дрим-тим тимот на Манчестер Јунајтед за време на неговиот тренерски мандат:

„Имав среќа да работам со толку голем број генијални играчи што неможам да ги изберам најдобрите 11“, изјави шкотскиот стратег.

Најубавиот гол на Манчестер за неговиот тренерски мандат:

„Тој на Рајан Гигс во полуфиналето од ФА Купот 1999 година на „Вила Парк“. Тоа беше гол надвор од оваа планета“, пофално говореше Фергусон кон ветеранот Рајан Гигс.

Најголема грешка?

„Пуштањето на Јап Стам во Лацио. Без размислување, ова е за мене ужасна грешка“, вели Ферги.

Најголемо разочарување?

„Фактот дека не успеав да го ангажирам Пол Гаскоњ. Беше величенствен фудбалер и можеше да направи многу за Јунајтед“, додава Сер Алекс.

Пет титули оваа сезона?

„Не можеме да успееме во тоа. Важна работа во фудбалот е да бидеш најдобар, но подеднакво важно е да ве следи среќата. Можам само да кажам дека овој тим на Манчестер Јунајтед е најдобриот кој било кога сум го предводел“, изјави Фергусон.

„Во секој меч кој го играме се чувствувам сигурно. Во овој момент секој противнички напад се плаши од нашата одбрана, а секоја противничка одбрана од нашиот напад. Тоа ни влева самодоверба, но пет трофеи во иста сезона сепак е премногу да се бараат“, додава шкотскиот стратег на клупата на светскиот и европски клупски шампион.

Бекам во Милан до крајот на сезоната

Челниците на Лос Анџелес Галакси и Милан постигнаа договор Дејвид Бекам да остане во италијанскиот клуб до крајот на сезоната, јавила денес телевизијата Си-Би-Ес (CBC).

Според наводите на телевизијата, Бекам, кој е од јануари на позајмица во Милан, во јули ќе се врати во Лос Анџелес, а до договор дојде откако Галакси сепак ја прифатија понудата на „Росоњерите“ од нешто помалку од 10 милиони евра.

До крајот на сезоната во Италија останаа уште 12 кола, а Бекам досега одигра 7 натпревари и постигна два гола.

Екипата на Милан го зазема третото место на табелата во Серија „А“ со 48 бода, 12 бода помалку од водечкиот Интер.