Најновото истражување целосно ги открива навиките на љубителите на кафе, а според резултатите дневно во просек се пијат 2,2 шолји, додека секој го прескокнува бескофеинското кафе.

Во истражувањето во кое учествувале 1.700 доброволци, 83 отсто од нив одговориле дека секојдневно уживаат во омилениот напиток, додека кафето за нив претставува дневна рутина. Околу 12 отсто пијат кафе неколкупати неделно, два отсто пијат неколкупати месечно додека еден отсто неколкупати годишно.

Како дневна доза на кафе се посочени 2,2 шолји, додека помала група на луѓе посочила дека успеваат да ја намалат консумацијата неколкупати неделно. Истражувањето покажало дека бескофеинското кафе не е многу популарно така што само пет отсто преферираат да го пијат.

Новото истражување покажа дека љубителите на кафето нема да престанат да го пијат дури и во кризни времиња. Кога кафето почнува да се пие на помлада возраст, подоцна е потешко да се одвикнете од навиката. Најголем број луѓе почнале да го консумираат на возраст меѓу 15 и 19 години.

Научниците сметаат дека токму овој факт е пресуден зошто одвикнувањето е толку тешко. Дури 42 отсто од испитаниците признале дека не можат да се одречат од кафето, пренесува Huffington Post.

Кафето нè буди по автосугестија

Ако сте еден од оние кои мислат дека нема да го издржат денот без утринското кафе, тогаш се лажете. Научниците докажаа дека во прашање е автосугестија. Големиот број луѓе се чувствуваат успорено и поспано во текот на целиот ден доколку не се напијат утринско кафе, а ако не го испијат и она попладневното, стануваат нервозни.

Иако и научно е докажано дека кофеинот предизвикува лачење на адреналин во нашиот организам, едно лондонско истражување покажало дека влијанието на кофеионот на нашиот организам пред сè е во нашите глави. Ако пиеме кафе за да се расониме, нашиот мозок така и ќе реагира.

Научниците ги поделиле испитаниците во четири групи, давајќи им на дел од нив обично кафе, на некои исто така обично кафе но им било кажано дека е безкофеинско, а на останатите им било дадено кафе без кофеин за кои биле уверени дека е обично. Резултатите покажале дека луѓето кои пиеле безкофеинско кафе мислејќи дека во него има кофеин, подеднакво добро ги решиле тестовите кои им биле дадени и на оние кои пиеле обично кафе.

Кафе со шеќер за идеален почеток на работниот ден

Утринското кафе многу подобро ќе ве расони и ќе го подготви вашиот мозок за работниот ден ако го консумирате со шеќер.

Кафето со шеќер ја зголемува ефективноста на мозокот

Шпански научници тврдат дека кафето има многу посилен ефект врз работата на мозокот ако се консумира во комбинација со шеќер.

До овој заклучок тие дошле откако им го скенирале мозокот на 40 доброволци кои се напиле кафе, кафе со шеќер, консумирале само шеќер или се напиле само вода.

Истражувачите откриле дека кај учесниците кои консумирале кафе со шеќер била забележана поголема ефективност на мозокот во областа задолжена за задржување на вниманието и областа за т.н. „работна меморија“ (способност да се помнат сите неопходни информации, релевантни за определена задача).

Ако не сте обожавател на кафе со шеќер, тогаш заедно со кафето каснете некое мало колаче и ќе бидете подготвени да се фрлите на работа.

Ирско кафе

По долга прошетка низ снежните улици, еден од најдобрите начини да се затоплите е топол пијалок, а ирското кафе секогаш звучи многу примамливо.

Ирското кафе е коктел од топло кафе, ирско виски, малку шеќер и слатка павлака. Не одзема многу време за приготвување, па набрзина можете да си го направите во домашни услови и да му се насладувате на богатиот вкус.

Оригиналното ирско кафе за прв пат било направено од Џозеф Шеридан, кој работел на аеродром во западна Ирска. Со цел да ги затопли изморените патници, во една зимска вечер, тој ставил во кафето виски. Кога задоволните патници го прашале дали станува збор за бразилско кафе, тој им одговорил дека пијалокот е всушност ирско кафе.

Ирското кафе се служи топло. За поубав изглед одгоре можете да ставите малку изрендано морско оревче или да украсите со стапчиња цимет. Заедно со кафето можете да послужите и мали колачиња со парчиња чоколадо или кекс.

Совет: Оригиналниот рецепт се прави со слатка павлака којашто не е многу матена, скоро течна.

Ирското кафе е совршено за претстојните празници. Наместо со обично кафе, изненадете ги гостите со „жестоко“ кафе за повеќе насмевки и позабавни разговори.

Варијации

Tемната страна на кофеинот

Сите позитивни ефекти  од кафето ни се јасни и познати. На прашањето зошто најчесто се консумира овој пијалок најверојатно сите љубители би одговориле дека кафето е нивна душевна храна која воедно ги држи будни, додека од медицинска гледна точка се поврзува со стимулирање на централниот нервен систем и интелектуалната активност, како и позитивно влијание врз срцето и намалување на можноста за појава на рак.

Но, како и сè останато, и кофеинот има своја темна страна, која треба да ја запознаете, особено ако кафето ви спаѓа меѓу омилените пијалоци.

Најчест проблем кој се јавува заради поголема консумација на кофеинот е чувството на немир и возбуденост.

Пиењето на една чаша кафе дневно, секако, не е опасно, но консумирањето на големи количини на овој пијалок може да предизвика сериозни здравствени проблеми кои го нарушуваат квалитетот на животот.

Имено, кофеинот е вид на дрога и припаѓа на семејството алкалоиди. Како и повеќето други дроги, кофеинот може да предизвика зависност, па во случај да не биде консумиран редовно, постои можност од појава на апстиненциска криза.

Менталната стимулација што ја предизвикува кофеинот е само краткорочен ефект, а неговото често косумирање може да развие проблеми како оние наведени во продолжение.

Анксиозност, несоница и главоболка

Осетливите личности можат да чувствуваат токсични последици од кофеинот со консумирање на само 100 грама дневно, што на пример претставува една чаша чај. Претераната внесена количина на кофеин може да предизвика анксиозност, возбуденост, несоница, главоболка, црвенило на лицето, честа потреба за уринирање, како и желудочни проблеми.

Голема доза на кофеин може да биде сериозно опасна

Анксиозноста предизвикана од кофеинот во некои случаи може да биде толку силна што може да предизвика хипервентилација (забрзано и продолжено дишење). Оваа појава се нарекува кофеинизам. Со кофеинот се поврзува и непријатниот симптом на уморни нозе. Тој синдром, заедно со несоницата предизвикана од кофеинот, резултираат во хроничен замор бидејќи лицето кое ги има овие проблеми нема да има квалитетен сон.

Оваа појава потоа се рефлектира врз сите останати аспекти на животот и на генерално ниво ја намалува човековата продуктивност.

Сериозни и опасни последици

Хроничната косумација на кофеинот е поврзана и со влошен предменструален синдром, како и со зголемена загуба на калциум, што долгорочно доведува до остеопороза и создавање на камења во бубрезите.

Големите дози на кофеин навистина може да бидат многу опасни. На пример, познато е дека 10 грама земени во една доза можат да предизвикаат психотична состојба на инаку здравите луѓе, а во полош случај доведува до појава на шизофренија. Исто така, големите дози на оваа состојка може да предизвикаат конвулзија, застој на дишењето и во најлош случај, смрт.

Кофеинот е општоприфатена дрога која многу луѓе секојдневно ја консумираат. Со ова не ви предложуваме да се откажете од кафето, туку едноставно да не претерувате со неговата консумација. Запомнете, клучот е во умереноста.

Една чаша кафе на ден ќе ја задоволи вашата желба за кофеин, без притоа да резултира во некои од горенаведените последици кои сериозно го нарушуваат квалитетот на животот.