Нацрт-договор за добрососедство со Бугарија или..?

Читав сега дека Милошоски на колегата од Бугарија му доставил своја нацрт-верзија на договорот, но одбива да коментира што има во неа.
Сега бугарите се на потег да ја разгледаат нашата верзија, се надевам дека во неа не се прифаќаат сите отстапки кои се побарани од наша страна и дека нашите власти имале сенс за реципроцитет во односите при пишувањето на предлогот.

Следната недела бугарскиот министер за надворешни работи треба да пристигне во Македонија на разговори со Милошоски околу договорот за добрососедство со Бугарија.

Само за потсетување, неколку дена претходно на македонски граѓани не им беше дозволено да појдат на чествување на гробот на Ј. Сандански. Нашите власти конечно реагирале и побарале официјално објаснување за случајот, вообичаено нели, со неколку дена задоцнување.
Не е ни за очекување дека одговорот ќе биде поразличен од оној дека “не станува збор за дискриминација од политички побуди, туку за, наводно, немање потребни документи за влез во Бугарија“, но барем реагирале де...

Дали во договорот ќе треба да се вметнат и некои посебни точки, со специфични барања и услови кои ќе важат само за вакви посети на македонски здруженија и граѓани?
Се разбира, за да биде се во дух на добрососедските односи...

Според она што го пишува Дневник, предложениот документ доаѓа како условување и настапување од позиција на сила, што е потенцирано уште во предлог-преамбулата:

...“билатералните односи ќе се градат врз основа на фактот што Бугарија е членка на ЕУ и на НАТО, а Македонија е земја со стратегиска цел за членство во тие организации.“

Неколку спорни членови, во кои од македонската страна се бара “поддржување акции на владини претставници на Бугарија и на бугарски невладини организации и здруженија во обновата и одржување на бугарските воени споменици и гробишта на територијата на Македонија“, без реципрочна обврска и за Бугарија.

Се бара недозволување говор на омраза, но само од македонската страна, затоа што во Бугарија нели терминот говор на омраза е непознат поим.

Владата молчела година ипол за овој предлог!
Редно е да се отвори дебата во јавноста за оваа понуда, за да не ни се случи уште една Привремена спогодба по теркот на грчката или да излезат некој ден во медиумите со соопштение дека потпишале документ, со кој на другата страна и даваат основа за понатамошни преговори и ценкања!

Ште чекаме да видим што ке стане!

Хипотетчино ако не сакате договор може веднага да кажете!!

Мислиш лесно ке ги празнуваме празниците заедно!?!?

Секое чудо за 3 дена.... Ќе помине како и да не било....
Битно Спаска може да си брка работа и да кука во Бугарија... Во Македонија .... ЈОК....