Светски ден за заштита на животните

Волци колеле овци, пушката на сточарот законски закочена

Глутница волци завчера вечерта задавиле 15 овци во кавадарското село Палик*ра, а сточарот иако имал пушка не ја употребил поради тоа што волците се заштитени со закон. Крвавиот пир се случил токму на меѓународниот Ден за заштита на животните. Сопственикот на стадото Љупчо Манев тврди дека гледал како волците му ги дават овците, ја гледал и пушката, која не можел да ја употреби, а глутницата ја плашел тропајќи по ламарината од трлото. Реагирал кај надлежните служби, а таму му рекле да си го осигури стадото од 230 овци. Тој вели дека глутници шетале низ селото и по дворовите, каде и порано напаѓале и правеле штети. Сточарот се согласува со тоа што законот ги штити волците, но бара „заштита и за човекот“.