Вести

Белами преминува во Кардиф

Доколку им се верува на велшките медиуми, најдобриот нивни репрезентативец и фудбалер на Манчестер Сити, Крег Белами, се враќа дома и тоа во тимот на Кардиф Сити како позајмен играч. Иако тимот минатата година не успеа во борбата за влез во Премиер Лигата, сепак на Белами тоа како да не му пречи. Сити веќе дал зелено светло за позајмицата на велшанецот, а Кардиф се надева дека ќе може да го задржи и повеќе од договорените 6 месеци. Во трката за Белами беа вклучени и премиерлигашите Евертон и Фулам, како и Тотенхем.

Бундеслигашот Хамбургер не го дава Елија

Само еден гол, само лошо реми
Малта - Македонија 1:1 (0:1)

Прв позитивен скор за репрезентацијата на Малта на дуелите со Македонија. По досегашните 5 порази домашната селекција синоќа на дуелот во Ла Валета имаше можност да стигне и до првиот триумф. Голманот Томе Пачовски при резултат 1:1 во 63. минута со добра одбрана спречи водство и нов гол на Мајкл Мифсуд. Најдобриот стрелец на Малта и поранешен играч на Ковентри и Барнсли беше најдобриот поединец на теренот. Го постигна голот за израмнување, а имаше уште две шанси со кои можеше да & донесе победа на својата селекција. Малта по точно една година заврши натпревар без пораз.

Македонските репрезентативци разочарани го напуштија теренот, а знаци на нервоза имаше и кај стручниот штаб. Овие 1:1 се неуспешен тест за гостите, кои дојдоа по победата, а заминуваат со лошо реми.

Репрезентативците на Македонија можат да жалат за првиот дел од средбата во кој доминираа на теренот, ја имаа топката, но и неколку зрели шанси за гол. Пандев го погоди дирекот, Наумоски беше постојана закана за голот на Хог. Фудбалерот на Матерсбург се најде во идеална шанса за гол во 14. минута, но од два метра шутираше во гредата на Малта. Пандев и Наумоски беше ударниот тандем на гостинот, но голот на Хог го погоди Тричковски, кој беше на вистинското место во пресудната 36. минута кога резултатот беше 0:1. Со таа шанса завршија и шансите за составот на Македонија.

Почетокот на вториот дел донесе возбудувања уште во првите секунди. Муфсуд го израмни резултатот уште во 47. минута кога доби добра топка Брифа. Во вториот дел Малта доминираше на теренот. Фудбалерите на домашната селекција доминираа со средината од теренот каде имаше лоша игра од страна на гостинските репрезентативци. Гостинот за цело полувреме не создаде ниту една зрела шанса за гол, а главна карактеристика беше тоа што нивниот селектор Мирсад Јонуз во моментите кога Малта играше да го даде вториот гол постојано ја сецкаше играта со тоа што во игра ги стави сите играчи кои беа на клупата. Ниту резервите во составот на Македонија не успеаја да внесат живот во играта па така со оглед на шансите овие 1:1 се реален скор од дуелот во Ла Валета. Македонија доминираше во првиот дел, а Малта во вториот. Овој тест беше последна проверка на силите за двете селекции кои во септември го почнуваат квалификацискиот циклус за пласман на ЕП 2012 година.

Хоџсон го враќа Крауч во Ливерпул

Новиот менаџер на Ливерпул, Рој Хоџсон ќе се обиде да го врати на Енфилд повремениот англиски репрезентативец Питер Крауч две години откако Рафа Бенитез го исфрли од екипата. Хоџсон се соочува со дефицит од квалитетни напаѓачи и подготвен е да го тестира Хари Реднап со тоа што за 201-сантиметри високиот голгетер ќе понуди десет милиони фунти.

Крауч беше член на Ливерпул во периодот од 2005 до 2008 година и со него "црвените" освоија трофеј во ФА Купот, а играа и во финалето од Лигата на шампионите во 2007 година против Милан.

Дури и кога Крауч беше исфрлен од Ливерпул пред две години, навивачите на клубот се чудеа на одлуката бидејќи робусниот напаѓач имаше солиден ефект, како во екипата, така и во англиската репрезентација.

Кога тој беше продаден на Портсмаут, со парите од него Бенитез го Роби Кин од Тотенхем, но тоа подоцна се покажа како сосема погрешна одлука затоа што Ирецот не се снајде на Енфилд и по само шест месец беше вратен во Спарс, за двојно помалку пари.

Ако Хоџсон не успее да го донесе Крауч, ќе се насочи кон Ешли Јанг, Луис Фабијано, Клас Јан Хунтелар или Крег Белами кои исто така се интересни за 18-кратниот англиски првак.

Ибрахимовиќ моли за позајмица во Милан

Опцијата за враќање во Милано, но во тимот на Милан повторно е актуелна за шведскиот репрезентативец Златан Ибрахимовиќ. Шпанските медиуми вчера објавија дека 28-годишниот напаѓач во средата имал таен телефонски разговор со претседателот на Милан, Силвио Берлускони во кој го замолил да инсистира на трансфер ова лето. Ибрахимовиќ и претходно беше поврзуван со Милан, но поради висината на отштетата "росонерите" се откажаа од таквата можност.

И сега е проблем Милан да плати најмалку 40 милиони евра колку што бара Барселона, но за каталонскиот клуб нема да биде проблем ако се ослободи од него ако се знае дека Швеѓанецот има годишна плата од 12 милиони евра, а во претстојната сезона ќе биде резерва за Давид Виља. Постои опција Милан да го добие на едногодишна позајмица со тоа што идното лето ќе го откупи неговиот договор за значително помала отштета. Со евентуалниот ангажман на Ибрахимовиќ, Милан конечно би ги решил проблемите во нападот каде го има ветеранот Инзаги, повредениот, но и неконстантен Бориело и се уште недокажаниот Хунтелар.

Сепак, овие информации се сосема спротивни на она што во медиуми го кажуваат и Гвардиола и Ибрахимовиќ. Швеѓанецот тврди дека не планира трансфер ова лето, а тренерот дека смета на него и покрај ангажирањето на Виља. Ибра дојде во Барселона минатото лето од Интер за 76 милиони евра и стана најскапиот фудбалер во историјата на шпанскиот првак, но не ги оправда очекувањата од навивачите и тренерот Гвардиола, кој за него го избрка Самуел Ето.

Тетекс очекувано поразен и во Скопје

Резултатот го отвори Стојановски со голот во 30. минута. Во финишот на првиот дел к*рбеговиќ израмни, а со голот на Јаво, Елфсборг по втор пат славеше против македонскиот Куп освојувач кој со една победа, едно реми и два порази го заврши дебитанскиот настап на европската сцена

Селекторот на Шпанија, Винсенте дел Боске, го објави списокот на фудбалери на кои ќе смета за пријателскиот натпревар со Мексико, закажан за следната среда. Дуелот со Мексико ќе биде прв натпревар на „црвената фурија“ по освојувањето на титулата светски првак. Поради натпреварот во Суперкупот на Шпанија, на програмата е на 14. август, селекторот не ги повика играчите на Барселона и Севиља, додека поради повреди ќе отсуствуваат Торес, Реина и Иниеста. Дел Боске во репрезентацијата го врати Санти Казорла од Виљареал, а нови имиња се Игнасио Монреал од Осасуна и Бруно Сориано од Виљареал.
Селекторот на Белгија, Жорж Лискенс за пријателскиот натпревар со Финска го повика напаѓачот на Андерлехт, 17-годишниот Ромелу Лукаку. Одлуката на селекторот не им се допаѓа на челниците на Андерлехт кои сметаат дека Лукаку има повреда на коленото. Ромелу Лукаку, минатата сезона беше најдобар стрелец во првенството на Белгија. Белгија квалификацискиот циклус за пласман на ЕП во 2012 година ќе го започне на 3. септември, противник ќе биде Германија.
Чо Кванг-Реј, како селектор на фудбалската репрезентација на Јужна Кореја ќе дебитира на 11. август против селекцијата на Нигерија. Во однос на екипата која настапи на СП во ЈАР, Кванг-Реј повика шестмина нови фудбалери. Од играчите кои настапуваат во Европа, натпреварот ќе го пропушти само фудбалерот на Болтон, Ли Чунг-Јонг. Јужна Кореја и Нигерија играа во групната фаза на Мундијалот, натпреварот заврши без победник 2:2.крај