Вести

Кака од јануари во Интер!?

По релативно мирното лето, италијанскиот и европскиот првак Интер во јануарскиот преоден рок планира трансфер бомба, купување на ѕвездата на Реал Рикардо Кака. Според тврдењата на италијанскиот Кориере дело Спорт, претседателот Масимо Морати наводно го подготвува теренот за преговори во ноември, а мотив повеќе за реализација на овој трансфер е да го возврати ударот на Милан, кој ова лето го донесе нивниот поранешен играч Златан Ибрахимовиќ.

Италијанскиот весник наведува дека Морати веќе разговарал со тренерот на Реал Жозе Мурињо и добил уверување дека трансферот би можел да биде реализиран во јануарскиот преоден рок. Изданието тврди дека договорот би бил сличен на оној на Ибрахимовиќ, при што "нероазурите" би го позајмиле до крајот на сезоната, а потоа би платиле 24 милиони евра за играчот кој Реал го донесе од Милан за 68.5 милиони минатото лето. Италијанците ќе ги направат првите обиди во ноември кога Реал Мадрид ќе гостува на Сан Сиро против Милан во рамките од Лигата на шампионите.

Кака моментално се опоравува од операција на коленото, а медиумите во Шпанија соопштуваат дека со оглед на брзината на неговата рехабилитација и враќање на препознатливата форма, новите засилувања Месут Озил и Серхио Каналес ќе добијат предност во првиот тим на "Кралевите". Па Бразилецот би можел да биде продаден или евентуално позајмен до крајот на сезоната на Џузепе Меаца.

Се шпекулира дека во трката по Кака е вклучен и Челзи, но ако лондонскиот клуб се реши веднаш да ја плати отштета тогаш Интер би останал со "празни раце".

Милан во претходните години донесуваше поранешни фудбалери на Интер, како Кристијан Виери, Роналдо и Златан Ибрахимовиќ, а сега нивниот ривал посакува да им се реваншира.

Schatzii напиша: веќе сонувам за тоа, нема да можам да отидам сигурно

 

Јуве без ѕвездите во Европа

Јувентус ги изостави Џиџи Буфон, Фабио Кваљарела и Алберто Аквилани од списокот на фудбалери кои сезонава ќе настапат во Лигата на Европа. Тоа не е сторено од каприц или желба на некој од челниците со оглед на тоа што Аквилани и Кваљарела се нови фудбалери на торинскиот клуб, туку поради неможност тие да ги бранат боите на Јуве во претстојната евро-сезона.

Поранешните играчи на Наполи и Ливерпул веќе настапија во Лигата на Европа за своите поранешните клубови и затоа немаат право да бидат регистрирани за Јувентус. Од друга страна, Буфон има тешка повреда и сигурно нема да се врати во тимот до крајот на 2010 година, па затоа не е ставен на списокот. Ако Јувентус обезбеди пласман во 1/16-финалето, тогаш сигурно ќе има место и за легендарниот голман.

На списокот на Луиџи дел Нери се најдоа и летните засилувања Арман Траоре и Леанрдо Ринаудо, но ги нема Хасан Салихамиџиќ и Фабио Гросо кои на овој начин се казнети затоа што летово одбија трансфери во некој друг клуб.

Да.

Конечно им текна и ова,цело Светко слушав само зуење на пчели

УЕФА ги забрани вувузелите


Европската фудбалска унија го забрани користењето на навивачкиот реквизит, вувузела, на ЕП во 2012 година и на натпреварите од Лигата на шампионите.

Од УЕФА велат дека вувузелата не е дел од традиционалното навивање на стадионите во Европа. УЕФА веќе ги извести националните сојузи на 53-те земји членки да ја спроведат забраната.

Вувузелата популарноста ја стекна на СП кое од 11 јуни до 11 јули се одигра во Јужна Африка. ФИФА, со образложение дека вувузелата е дел од културата на Јужна Африка, на Мундијалот не ја забрани употребата на овој инструмент.


Изменето од mungos80 - 01.Септември.2010 во 11:47

"Кралевите" решени да ги симнат "Каталонците" од тронот

Атрактивноста на шпанската Примера сè повеќе се зголемува, особено откако сè поголем број ѕвезди доаѓаат на Иберискиот Полуостров да играат за големите Барселона или Реал Мадрид. Двата најтрофејни клубови во Шпанија секогаш привлекувале големи имиња, а нивното ривалство е меѓу најголемите во светот. Токму овие два клуба и оваа сезона повторно се главни фаворити за престижниот трофеј, а од позадина својата шанса ќе ја бараат Валенсија, Севиља и Атлетико Мадрид. Барселона не реши да купува многу фудбалери, но затоа потроши 49.5 милиони евра за двајца, напаѓачот Давид Виља и дефанзивецот Адријано. Од клубот си заминаа тројца квалитетни играчи за врска, а Пеп Гвардиола не сакаше да носи нивна замена бидејќи реши да се потпре на младите таленти од својата школа. Инаку сезоната им тргна лошо бидејќи загубија во Севиља на гости во првиот дуел од Супер-купот, но затоа во реваншот покажаа дека повторно ќе доминираат во најсилната шпанска лига.

Меси, Чави, Иниеста и останатите се способни повторно да ја предводат моќната Барса кон нови трофеи.

Нивниот ривал Реал Мадрид на чело со Флорентино Перез и ова лето реши да троши, но поскромно од лани. Прва опција беше да се донесе големо тренерско име, а во тоа успеаја со ангажманот на Жозе Мурињо. Следеа низа засилувања како Ди Марија, Каналес, но и двајца Германци Кедира и Озил, кои осетно го засилија средниот ред на екипата. Вака подновениот Реал ќе се обиде конечно да ја прекине доминацијата на Барселона и да го врати трофејот во своите витрини по пауза од две години. Мурињо веќе воведе низа промени и очекува да ги повтори успесите кои ги имаше со Порто, Челзи и Интер. Низ пријателските натпревари испроба неколку варијанти, но фудбалерите не делуваа воиграно, меѓутоа Португалецот верува дека сето тоа ќе се поправи набргу.

Авантурата низ Примера "Кралевите" ја почнуваат на гости кај Мајорка, додека, пак, нивниот ривал Барселона кај Сантандер. Првиот гигантски меѓусебен дуел ќе го одиграат дури во 13 коло (ноември) на Ноу Камп, а реваншот следната година (април).

Реално, останатите екипи во првенството Атлетико Мадрид, Севиља и Валенсија немаат сили за шампионскиот трофеј, па се очекува да водат "војна" за третото и четвртото место за Лигата на шампионите. Атлетико ги задржа првотимците од минатата сезона и се засили со пет фудбалери, меѓу нив најзвучно Филипе за кого и платија на Ла Коруња 12 милиони евра и кој беше посакуван од Реал, Барселона, Севиља, Челзи, Манчестер Јунајтед и уште неколку европски гиганти. На чело со тренерот Кике Санчез Флорес клубот е решен да направи голем чекор кон врвот оваа сезона да биде пријатно изненадување во првенството.

Битката за опстанокот се очекува да ја водат Херкулес, Леванте, Хихон, Алмерија и Сантандер. Овие екипи, дел од нив оваа сезона влегоа во најсилната шпанска лига, според играчкиот кадар немаат големи шанси да издржат при налетот на поголемите па секој поен од дуелите меѓу себе ќе биде драгоцен за опстанокот.

Како и да е, повторно ќе бидеме сведоци на големи пресметки во највозбудливото првенство во светот исполнето со атрактивни потези, фантастични голови и да веруваме неизвесни мечеви.

ПЕТТЕ НАЈГОЛЕМИ ТРАНСФЕРИ

1. Давид Виља Валенсија Барселона 40 мил.евра

2. Анхел Ди Марија Бенфика Реал М. 25 мил.

3. Месут Озил Вердер Реал М. 15 мил.

4. Сами Кедира Штутгарт Реал М. 14 мил.