Дали верувате во БОГ?

За разлика од нас, Бог знае што ќе се случи утре, наредната недела, година,
декада. Тој вели: „Јас Сум Бог, и нема друг Бог, никој не Ми е сличен! Оној Сум,
Кој од почетокот го открива свршетокот.“¹ Тој знае што ќе се случи во
светот. Што е уште поважно Тој знае што ќе се случи со мојот живот и може да ми
помогне, доколку сум одлучула да Го вклучам  во мојот живот. Тој вели дека може да
биде наше „засолниште и тврдина, секогаш проверен помошник во
неволја.“² Но ние мора со сите сили искрено да Го бараме. Тој вели:
„Ќе Ме барате и ќе Ме најдете, зашто ќе Ме барате со сето свое
срце.“³

^{И наоѓам малку мир и спокој во душава....... Но ....гледај сега...}

Тоа не значи дека оние што Го знаат Бог ќе бидат ослободени од маките,
страдањата и проблемите на овој свет. Нема. Кога еден терористички напад
предизвикува страдање и смрт, и оние што Го знаат Бог ќе доживеат страдање. Но
Божјото присуство во животот на еден човек му дава внатрешен мир и сила. Еден
Христов следбеник вака го кажал тоа: „На мака сме од сите страни, но не сме
скршени; притеснети сме, но не очајуваме; нè прогонуваат, но не сме напуштени;
кутнати сме, но не сме погубени.“⁴ Од секојдневниот живот гледаме
дека ќе доживуваме разни проблеми во нашите животи. Но, доколку Го имаме Бог
додека се соочуваме со проблемите, може да реагираме на нив од поинаква
перспектива и со сила што не е од нас. Не постои проблем што е нерешлив за Бог.
Тој е поголем од сите проблеми што можат да нè погодат и не сме оставени сами да
се справуваме со нив.

.....Се чувствувам по малку збунета.........