Пред да ги облечете новите чевли кои сте ги купиле еден ден пред важен настан или токму за новогодишната ноќ, неопходно е прво да ги разгазите. Шетајте во нив низ дома барем два часа.

Најдобро е да ги пробате со хулахопки или тенки чорапи. Пред заминувањето на настанот, облечете ги барем 20 минути порано.

Висина на потпетиците

Висината на потпетиците зголемувајте ја постепено. Носете прво 5 см, па седум, десет и повеќе. Ако ги немате сите модели на располагање вежбајте со помош на столче. Опуштете ги прстите, подигнете се и држете ги петиците во воздух на различна висина. Повторете го тоа неколку пати и зајакнете ги стапалата.

Стабилност

Свртете ги стапалата со надворешната страна, тоа ќе ви даде стабилност на колковите, а и зглобовите ќе ви бидат поцврсти и постабилни.

Опуштете се

Зајакнете ги стомачните мускули, долниот дел на колковите. Ако сте поцврсти во средниот дел на телото, ќе ви исчезне вкочанетоста во екстремитетите. Додека одите со потпетиците, опуштете ги колената.

Одете нежно

Многу жени мислат дека гламурозното одење во потпетици е некакво глумење. Ако сакате да чекорите женствено, опуштете се. Идејата е да не изгледате напнато, туку лежерно со многу самодоверба.

Важни се и рацете

Рацете мора да ви бидат опуштени и да се нишаат до телото. Ослободете ги рацете кај лактите, така што долниот дел ќе ви биде слободен.

Нега на стапала

Редовно масирајте ги стапалата, макар само неколку минути дневно. Вашите нозе мора да бидат во совршено издание за да изгледате заводливо на високи потпетици.

На крај, важно е и да ви бидат удобни, а не само да изгледаат добро, бидејќи болката секогаш ќе ви буди непријатни чувства кои нема да може да ги скриете цела вечер.

Шпиц потпетиците, кои беа најмодерниот и задолжителен додаток во 90-тите, сега повторно се вратија на модните писти. Оваа сезона дизајнерите препорачуваат потпетици со средна висина и остар шпиц.

Престижните дизајнери веќе ги покажаа нивните модели за претстојните топли денови, комбинирани со многу пастелни бои и весели принтови.

Најпопуларни се црните и кремасти потпетици кои ова лето ќе ги носите во секоја можна комбинација. Предност имаат тесните фармерки и панталони во боја. Прекрасно одат со кратки лежерни фустани и здолништа во чија комбинација по малку потсетуваат на модата од ‘60тите години.

Ако сè уште се мислите како да го искомбинирате овој ретро додаток, ние имаме неколку модерни и едноставни предлози. Црпете бескрајна инспирација од светските топ модели кои просто го обожаваат овој тренд.