Деца

Анализирајќи го геномот, односно комплетната генетска мапа на четирите членови на една фамилија, американските научници од Институтот за системска биологија од Сиетл утврдија дека родителите пренесуваат значајно малку мутации на генот отколку што до сега се мислеше.

Тимот на научници од Сиетл утврди дека секој од анализираните родители на децата им пренел 30 мутации, односно вкупно 60, додека до сега се веруваше дека секој родител на своето потомство пренесува околу 75 отсто генетски мутации, објави агенцијата Blumberg.

Американските научници сепак напомнуваат дека бројот на генетски мутации кои родителите ги пренесуваат на децата веројатно варира во зависност од нивната старост, особено од староста на таткото.

Многу од пренесените мутации немаат никаква последица врз здравјето на децата, но со нивна помош може да се истражат болестите предизвикани од генетските мутации.

Со овие истражувања се утврди дека рецесивните гени пренесени од родителите може да предизвикаат т.н. Милеров синдром, карактеристичен деформитет на лицето и нозете.

Овој синдром може да предизвика неправилен облик на ушите или пак низок раст.

Дејвид Галас, еден од раководителите на истражувањето истакнува дека тој и неговиот тим се сигурни дека вакви видови на анализи во иднината ќе имаат истакнато значење за науката и медицината.

Според процените, околу 345 деца низ цела Европа ќе умрат заради повреди за време на тридневната министерска конференција за животната средина и здравјето во Парма, Италија, што завршува денеска.

Повредите кај децата носат најголема оптовареност за децата во споредба со контаминантите од надворешната и домашната средина, водата, санитацијата и проблемите со хигиената или контаминантите од олово.

Ненамерните повреди се водечка причина за нееднаквоста во смртноста во детска возраст, и за момчињата и за девојчињата. Постои девет кратна разлика во смртноста заради ненамерни повреди кај децата чии родители се невработени во споредба со оние чии родители се со најплатени занимања.

Податоците покажуваат дека најголемите нееднаквости се забележуваат кај децата во споредба со другите возрасни групи, потенцирајќи ја нивната вулнерабилнoст на социоекономските фактори и влијанието на средината кои не можат да го контролираат. Оваа вулнерабилност ја назначува потребата општеството да делува за осигурување дека се поддржува нивното право на безбедност.

Известувачките карти за безбедност на децата, издадени во Европскиот парламент во 2009 од страна на Европската алијанса за безбедност на децата, кои ги мерат усвојувањето и имплементацијата на над 100 добри практики за безбедност на децата базирани на докази, јасно укажуваат дека повеќе може да се стори. На пример, само 8 од 24 земји донеле закон со кој се бара децата да се превезуваат на задните седишта од моторните возила додека не наполнат 12 години, само Ирска побарува употреба на персонални средства за одржување на водна површина без оглед на големината на пловниот објект и само 7 од 24 земји побаруваат постоење на ограда на јавните базени.

И покрај големината и оптовареноста која ја предизвикуваат повредите, многу земји-членки сè уште не ги усвоиле и целосно не ги спровеле овие мерки кои се покажале дека ги намалуваат повредите кај децата.

Сепак, охрабрувачки е што многу земји кои учествувале во оцената на известувачките карти во 2007 и 2009 година покажале подобрување на нивните перформанси, со најголеми подобрувања во Австрија и Чешка. Дополнително, 26 земји сега учествуваат во иницијативата водена од Европската алијанса за безбедност на децата, а поддржана од Европската Комисија, за подготовка на национални акциони планови за безбедност на децата.

Во Чешка, каде нивниот Акционен план е усвоен од владата, податоците за повредите системите за мониторирање се засилуваат со имплеметацијата на првата фаза од планот.

Во Шпанија се имплементираат серија од активности кои се однесуваат на давењето и безбедноста во вода, вклучувајќи го усвојувањето на насоките од Министерството за здравство за безбедност во вода за давателите на рекреативни услуги.

Во Шведска со примена на широк спектар превентивни мерки и следствено ниска стапка на повреди претставува модел за безбедност на децата со децении. Следните превентивни напори ќе се фокусираат на подобрување на мулти - секторскиот пристап преку заедничка платформа за безбедност на децата. Понатамошните активности ќе бидат предложувани од ова тело базирани на три идентификувани области од големо значење:

1. развивање на статистички податоци

2. превенција од давење кај деца на возраст од 0 до 6 години

3. повреди и несреќи предизвикани од алкохол

Еден пример од неколкуте активности кои ќе произлезат од ова тело е воспоставување на “прирачник за безбедност на децата” за професионалците на локално ниво - како што се наставниците за деца од предшколска возраст и медицинските сестри од центрите за здравје на децата меѓу останатите кои работат во полето на едукација, здравје и безбедност на децата.