Деца

Се роди бебе од 7 кила

 - Мајка од Тексас чекаше да се породи, но сигурно не очекуваше бебе од 7,3 килограми. Џенет Џонсон остана во болница во Источен Тексас откако го роди, како што велат нејзините доктори, едно од најголемите новороденчиња што некогаш ги виделе.
Мајката чека да дознае дали син $ Џамајкл Браун е едно од најголемите новороденчиња во историјата на Тексас.
"Сите беа зачудени од големината на бебето", изјави 39-годишната Џонсон.
"Мислам дека повеќето луѓе не ни слушнале за бебе од 7 килограми".
Џамајкл се роди минатата недела во медицинскиот центар "Добриот пастир" во Лонгвју. Докторите пред породувањето со царски рез оцениле дека бебето ќе тежи околу 5,44 килограми.
Болницата побарала од државното биро за витална статистика да провери дали Џамајкл е доволно тежок за да конк*рира за рекордно тешко новороденче во Тексас, изјави Викторија Ешворт, портпаролка на болницата.
Џамајкл е дефинитивно најтешкото новороденче во историјата на болницата и се родил, според Ешворт, неколку дена пред двегодишнината од раѓањето на најмалото бебе во болницата кое тежело само 425 грама.
Гинисовата книга на светски рекорди вели дека рекордот за најтешкото новороденче го држи бебето на жена од Охајо која во 1879 година родила бебе тешко 10,43 килограми.

И бебињата патуваат со авион

Бебињата одлично го поднесуваат летањето со авион. Ако сте одбрале убава дестинација за ова лето до која треба да стигнете авионски не го сфаќајте како сериозен проблем неколку месечното бебе. Ширум светот секој ден илјадници бебиња се возат во авиони од една во друга земја. Тие заспиваат уште пред самото полетување на авионот и спијат во текот на целиот лет кој некогаш трае и по неколку часа. Нема да биде проблем и храната бидејќи за нив секогаш се обезбедени свежи кашички, вода, чаеви и сокчиња. Треба само да ги спакувате потребните пелени и облека за бебето која ќе ја земете како рачен багаж.