Изброивме точно 500 дена откако Баерн беше симнат од Бундеслигашкиот врв. Последен пат на врвот на табелата пишуваше Баерн Минхен на 17 Мај 2008 година.

Најтрофејниот германски тим од тој ден само сонува за првата позиција, а „црниот јубилеј“ го заокружи денеска (вторник). Додека Баварците се борат да стигнат на врвот таму досега се најдоа Баер (3 кола), Шалке (4), Херта (5), Хамбург (9), Хофенхајм (11) и шампионот Волфзбург (11).

Сега Баерн се наоѓа на шестата позиција по седум одиграни кола, а најдобар плсаман оваа сезона за Баварците е само третата позиција.

„Наместо со Хамбургер да ја делиме првата позиција ние заостануваме шест поени зад нив. Разочарувањето е големо и кај фановите и кај играчите.“ рече тренерот Луис Ван Гал.

Иста ваква серија од повеќе од 500 дена без прво место Баерн имал и за време на Отмар Хитцфелд и Феликс Магат. Последен пат ваква серија имале во сезоната 2003/20004 543 дена за да на 11 Ноември 2004 дојдат на првата позиција и да ја освојат титулата.

Точно една година, три месеци и 27 дена поминаа од последното гостување на Фиорентина во Минхен на мегдан со славниот Баерн. Тогаш "виолетовите" во групната фаза од Лигата на шампионите загубија убедливо со 3:0 и покажаа дека се уште не се достојни да му се спротивстават на искусниот противник. Оваа година ждрепката одлучи повторно да се сретнат овие два противника, и тоа во најинтересниот дел од елитното натпреварување нокаут-фазата. Фиорентина доаѓа на Алианц арената во најлош можен период. Италијанскиот клуб е во многу слаба форма, победи само еднаш на последните шест натпревари во сите конк*ренции и пополека го губи чекорот зад водечките екипи во домашното првенство. Тренерот Чезаре Прандели се надева дека неговите фудбалери ќе ги заборават резултатите во Серија "А" и целосно ќе и се посветат на Лигата на шампионите каде ја пишуваат една од најуспешните сезони во историјата.

Како потсетување, "виолетовите" ја минаа групата со 15 бодови (само Бордо од сите други имаше поен повеќе) и по поразот од Лион запиша пет чисти победи, што претставува клупски рекорд. Истовремено тосканскиот клуб за првпат забележа две победи по ред на гости во европските натпреварувања, што е за првпат по сезоната 1969/70. Сепак "виолетовите" не доаѓаат во Минхен без проблеми. Поради допинг скандалот суспендиран е Адријан Муту, Алесандро Гамберини го оперираше рамото, Марио Сантана го повреди листот на ногата, а, најверојатно, ќе го нема и Кристијано Занети, кој има повреда на коленото.