Состојки
3 јајца
За бисквитот
300гр. мелени ореви
1 лажица брашно
1 лимон
300гр. шеќер во прав
За кремот
120гр. брашно
250гр. путер
500мл. млеко
150гр. шеќер во прав
1 лажица шеќер
За декорација
100гр. горко чоколадо

Најпрво јајцата ги кршиме и ги делиме жолчките од белките.

Подготовка на бисквитот
Белките ги ставаме во сад за матење и ги матеме со миксер додека не добиеме цврста структура, потоа го додаваме шеќерот во прав и матиме уште со миксерот додека не се растопи шеќерот. Во смесата додаваме и неколку капки цеден лимон.
Потоа ги додаваме и мелените ореви и брашното и машаме со лажица додека смесата стане хомогена.
Со помош на готварски шприц во тава за печење обложена со хартија ги формираме бананчињата. Печиме 15 мин во загреана рерна на 180 степени.

Подготовка на кремот
Скоро повеќе од млекото стваме во теџере на оган и во него додаваме 1 лажица шеќер. Преостантото млеко, жолчките и брашното во сад за матење го мешаме со жица. Потоа смесата ја префрламе во тенџерето на оган и мешаме котинуирано додека смесата не се згусне и оставаме да се олади.
Омекнатиот путер и шеќерот во прав ги матиме со миксер додека смесата не стане пенеста и потоа во садот ја додаваме и изладената смеса и мешаме заедно дедека смесата не стане хоомогена.
Смесата ја префрламе во готварски шприц и ја нанесуваме на испечените и изладените бисквити.
Чоколадото го растопуваме на пареа,чекаме малку да се поизлади и ги декорираме бананчињата.

Состојки
За тестото
200 гр брашно
100 гр путер
1/4 лажичка сол
2 лажици шеќер
4-5 лажици ладна вода
За полнење
7 јаболки со средна големина (околу 1,2 кг)

Ова е традиционален рецепт од француската кујна. Ќе ви одземе малку повеќе време во подготовката од англиската или американската пита со јаболка, но вреди да се проба.
Четири од јаболките излупете ги и исечкајте ги на помали парчиња. Ставете ги во тенџере на оган без да додавате ништо друго. Многу е битно јаболките да се готват во сопствениот сок. Гответе ги на слаб оган за да не загорат, а за да го забрзате процесот покријте го тенџерето со капак. Варете ги околу 30 минути и повремено промешувајте. Кога ќе омекнат јаболките испасирајте ги со алатка за пире или блендер и оставете го пирето од јаболка да се олади.

Во меѓувреме подгответе го тестото.
Просејте го брашното во еден подлабок сад, измешајте ја солта и ставете го путерот (на собна темепература) исечен на коцки. Со прстите брзо тријте ги брашното и путерот околу 2-3 минути да добиете трошки. Потоа додадете ја водата и месете кратко, околу минута, да обликувате топка. Може да додадете уште малку вода, само битно е да формирате топка од тесто.
Веднаш исукајте го тестото во круг малку поголем од калапот (Ф 26, 27). Тоа може да го правите и директно на хартија за печење. Јас не ја користев, па го тенчев директно на работната површина, без да ја набрашнувам. Префрлете го во калапот и со рацете дообликувајте да добие правилна форма. Тестото добро избоцкајте го со вилушка или дрвено стапче и ставете го во фрижидер најмалку 30 минути.

Останатите 3 јаболки излупете ги, исечете ги на четвртинки и извадете го делот со семки. Потоа секоја четвртинка исечете ја на тенки попречни парченца (околу 2мм).
За да го формирате тартот врз тестото во калапот распоредете го пирето од јаболка. Потоа под мал агол ставајте ги парчињата свежи јаболки во круг, при тоа секое наредно да преклопува половина од претходното.
Печете го во загреана рерна околу 40 минути на 180 степени, во долната третина од рерната за убаво да се испече тестото.

Пријатен апетит!

Состојки
Пандишпан
4 (240-250 гр) јајца
4 (150 гр) белки
200 гр шеќер во прав
200 гр многу ситно мелени бадеми
50 гр шеќер
65 гр брашно
40 гр путер
Чоколаден фил -Ганаш
200 гр чоколада за готвење
180 гр слатка павлака
50 гр путер на собна температура
Фил од кафе
250 гр путер омекнат на собна температура
3 жолчки
150 мл млеко
100 гр шеќер
1 полна лажица инстант кафе
Сируп од кафе
300 мл вода
150 гр шеќер
1 полна лажица инстант кафе
Чоколадна глазура за најдолната кора од тортата
70 гр чоколада за готвење
1 лажица масло
Чоколадна глазура за одозгора на тортата
120 гр чоколада за готвење
50 гр слатка павлака
50 гр путер

Тортата е презедов од Француската слатка кујна, богата со чоколаден - кафен вкус.

Подготовка на корите

Плех за печење (36х31) намачкајте го со малку путер и ставете хартија за печење. Рерната загрејте ја на 200 степени.
За подготовка на корите најпрво во еден сад измешајте ги бадемите, брашното и шеќерот во прав.
Путерот стопете го и оставете го да олади.
Белките разматете ги со прстофат сол и со постепено додавање на шеќерот продолжите да матите додека се добие цврст снег. Оставете ги на страна.
Во друг сад ставете ги јајцата и мешавината од бадеми, шеќерот во прав, брашното и матете ги да се изедначат. Доволни се само 4-5 минути, ништо повеќе. Сега додајте го и путерот и кратко изматете го да се спои во смесата.
Исклучете го миксерот и додајте ги белките на 2-3 пати и лесно мешајте со шпатула да се изедначат.
Пола од смесата истурете ја во плехот и печете ја 10-11 минути. Кората е тенка и брзо се пече, треба да остане светла.
Кога е печена извадете ја од плехот на страна а плехот измијте го со ладна вода побрзо да олади и повторно малку намачкајте го со путер и ставете хартија за печење.
Истурете ја и останатата смеса и испечете ја. Оставете ги да оладат.

Подготовка на сирупот од кафе
Водата, шеќерот и кафето ставете ги да зовријат нека варат 2 мин, потоа оставете ги да оладат.

Подготовка на филот од кафе
Жолчките малку разматете ги со пола од шеќерот(50гр). Останатиот шеќер со млекото ставете ги да зовријат во тенџерче што не лепи. Откако ќе зовријат, тргнете го на страна додајте ги жолчките и измешајте. Вратете ги на тивок оган и варете ги на пареа 10 мин со постојано мешање и внимавајте никако не смеат да провријат.
Префрлете ги во сад за матење и почнете да ги матите додека оладат. Со прстот малку маките и ако се ладни тогаш се готови.
Откако се оладиле додајте го кафето и постепено додавајте го путерот и матите додека кремот се изедначи. Оставете го да се лади во фрижидер.

Подготовка на ганашот
Чоколадата и путерот ставете ги на пареа да се топат, а слатката павлака загрејте ја и додајте ја во чоколадата и путерот. Убаво измешајте ги да се изедначат.
Оставете го да олади на собна температура, но при тоа внимавајте да не биде премногу цврст бидејќи при филовање нема да се залепи кората и ќе се дели при сечење на парчињата.

Откако корите се оладени, од секоја кора исечите 1/3 од кората. Така од тие 2 дела ќе ја добиеме и средната кора од тортата.

Сега подгответе ја и глазурата за долната кора од тортата
Чоколадата со маслото стопете ја на пареа и премачкајте една кора. Ставете ја во фрижидер побрзо да олади и стегне.

Филовање на тортата
На подлога за торта прво ставете ја кората со чоколадата така што чоколадата да биде надолу. Со помош на четче убаво натопете ја со сирупот од кафе и намачкајте ја со пола од филот од кафе. Ставете ја втората кора (двете исечени 1/3 од корите) натопете ја со сируп од кафе и намачкајте го целиот чоколаден фил-ганашот. Ставете ја третата кора малку притиснете да се залепи, натопете ја со сирупот од кафе и намачкајте ја со останатиот фил од кафе.
Оставете ја во фрижидер филот да се стегне пред да е покриете со глазурата.

Подготовка на глазурата
На пареа заедно стопете ги чоколадата, павлаката и путерот и прелијте ја на над филот. Оставете ја глазурата да се стегне и потоа со неколку коцки стопена чоколада напишете Опера и виолински клуч.

Тортата оставете ја да отстои во фрижидер, најдобро 1 ден да се стегни и спојат вкусовите. Пред сечење страничните делови исечете ги за поубав изглед на парчината. Иначе не е многу висока и најдобро е да се служи во правоаголни парчиња.

Состојки
Тесто
200гр брашно
100гр мелени бадеми
80гр шеќер во прав
150гр омекнат путер (на собна температура)
1 јајце
1 ванилин шеќер
прстофат сол
Фил
200гр суви смокви
50мл вода
1 лажица мед
50гр ф´стаци
по потреба шеќер во прав за посипување на колачите

Саблéс се колачи (бисквити) од типот слични на нашите ванилици, меки, ровки, се топат во уста.

Во длабок сад ставете ги сите состојки за тестото и замесете цврсто тесто. Истото ќе се лепи малку за дланките, па затоа завиткајте го во стреч фолија и ставете го во фрижидер да отстои 30-тина минути.

Смоквите исечкајте ги на покрупно, ставете ги во едно мало тенџере и додадете медот и водата. Ставете да се вари. Откога ќе почне да врие намалете ја температурата на ниска, поклопете со капак и оставете така да крчкаат 5 минути. Оставете малку да се оладат, па со штабен миксер или во сецко измиксајте ги да добиете смеса налик на паста. Додадете ги ф´стаците и убаво измешајте ја смесата.

Работната површина убаво набрашнете ја. Тестото поделете го на два еднакви дела и од секој дел развлечете долга, правоаголна кора. На пошироката страна распоредете го едниот дел од филот и завиткајте во цврст ролат. Со рацете оформете колку можете да добиете четвртаста форма на ролатот. Завиткајте во стреч фолија и ставете во фрижидер да отстои половина час.
Рерната загрејте ја на 160 степени.
Од секој ролат сечете парчиња со должина од 2-3 см и редете ги во плех на хартија за печење. Печете ги 20-25 мин во зависност од рерната. Готови се кога одоздола ќе поруменат, а одозгора треба да останат светли.
Откако ќе се изладат, посипете ги со шеќер во прав.

Напомена
Филот трпи и повеќе ф´стаци отколку што е напоменато во рецептов. Доколку го сакате нивниот вкус, слободно дуплирајте ја количината.
При варењето на смоквите може да додадете и 1 лажица сок од портокал, филот така ќе добие освежителна нота.