Со почеток од 12 часот на пладне, утре (НЕДЕЛА) на плоштадот Македонија ќе се одржи хуманитарен собир, инициран од група граѓани, со цел да се соберат што е можно повеќе донации за нашите соседи погодени од поплавите.

На Фејсбук страната посветена на овој настан, се повикуваат сите оние кои се во можност утре да дојдат и да донираат што можат.

-Ги замолуваме хуманите граѓани на Р. Македонија кои се во можност да донираат било што: облека, куќни апарати, постелина и слични потребни работи за секојдневен живот за да им помогнеме на нашите соседи од Србија кои доживеаја страшна катастрофа и го изгубија покривот над глава, се вели во описот на групата.

Доколку и вие можете да одвоите нешто и со тоа значително да им помогнете на нашите соседи во Србија, тоа може да го донирате утре во закажаното време.

Настанот ќе трае до 17:00 часот, по што собраните материјали ќе се пренесат до погодените подрачја.

Еве дел од работите кои се потребни:

Флаширана вода, конзервирана храна, храна за бебиња, адаптирано млеко, пелени и секаква козметика за бебиња, храна за лица со посебни медицински потребни (пример – дијабетичари), прибор за прва помош (завои, гази, антисептици), тоалетна хартија, сапун, паста за заби, женски хигиенски производи, свеќи, пластичен прибор за јадење за еднократна употреба, јажиња, алат, лопати, маски за прашина, ќебиња, постелина, облека, обувки, вреќи за спиење, секаков вид мебел, кујнски апарати...  

Доколку сакате да се приклучите кон групата, тоа може да го сторите  https://www.facebook.com/groups/698672380175214/698886993487086/?notif_t=group_activity" rel="nofollow - ТУКА.

Медиумите во соседството информираат за хуманитарните акции кои денеска ја кренаа Македонија на нозе.

Порталот radiosarajevo.ba пишува за огромниот одзив на Македонци, кои денеска собраа десетици тони помош за настраданите во Србија и Босна и Херцеговина.

„Соседите поблиски од браќата“, пишува сајтот, а во прилог се поставени и неколку фотографии од денешната акција на плоштад Македонија.

Во земјава и понатаму се донира за погодените од поплавите, а донации ќе може да се оставаат и во следните неколку дена.

Од една страна читаш за ѕверови кои убиваат ладнокрвно млади деца, за еден украден точак.
Од друга страна читаш за луѓе-херои, ама оние вистински мали обични луѓе, големи во срцата, кои си ризикуваат живот за да спасат други луѓе и да им помогнат.
И се чудиш во каков апсурден свет живееш.

http://bebeboom.mk/zhenata-koja-go-evakuirashe-obrenovats-nosevme-bebe-od-10-mesetsi-niz-ledena-voda-a-toa-mirno-spieshe/" rel="nofollow -