Гледам дека нема и ваква тема
Со што се греете или ладите?

Греење и климатизација

Централно греење (ѕидно и подно греење)

Ѕид од кој доаѓа топлина

Ѕидното греење е незабележително и пред сè пријатно. Тоа го знаеле и старите Римјани кај кои тоа било тренд уште пред 2000 години. Во последните 10 години "топлината од ѕидовите" доживува вистинска ренесанса.

Радијаторите кои на многу луѓе им бодат очи, кај ѕидното греење едноставно ги нема. Топлината се добива на вообичаен начин преку топлински котел или пумпа, но водата од централното греење на површината на ѕидот има едвај 85ºC, што е доволно за константно изедначена температура во просториите.

Некои системи (на пр. во бањите) можат да се изведат како комплетно решение со комбинација на подно и ѕидно греење. Овој вид греење овозможува "меко" одвојување на топлината при што хоризонталното одвојување на топлината преку големите ѕидни површини повеќето луѓе го сметаат пред се за пријатно искуство. Во споредба со радијаторите, конвекцијата е многу помала па поради тоа има и помалку прашина, што е посебно важно за луѓето кои се алергични на домашна прашина.

Температурата во просториите може да ја спуштиме за 1-4°C ако се користи ѕидно греење наместо систем со радијатори. Ова е поради тоа што човекот температурата на воздухот од 18 дo 19°C ја осеќа за пријатна исто толку како во случај кога се користат радијатори кои произведуваат температура од 20 дo 22°C, а падот на температурата од 2 до 3°C ги намалува трошоците за грееење 10 до 15 %. Постојат мислења дека ѕидното греење може да заштеди и до 30% од трошоците за греење.

Подно греење – конфор под нозете

Багодарејќи на овремените радијатори температурата во просториите можеме брзо да ја регулираме. Површинското греење пак нуди константна температурата и многу пријатна температура во просториите и според тоа потрошувачката на енергенсите е минимална.

Тие што ќе се одлучат при реновирање или изградба на новиот дом за "комбинирано решение", т.е. за комбинација од повеќе технички решенија кога е во прашање греењето на сопствениот дом, ќе направат вистински чекор кој во иднина ќе им донесе заштеда на пари. Подното греење е особено погодно за искористување на енергијата.

Тоа значи дека ќе се постигне пријатна клима во станбениот простор: подот благодарејќи на греењето ќе биде топол, а воздухот кој е поблиску до таванот постуден. Тоа значи дека:"Нозете секогаш ќе бидат на топло, а главата секогаш ќе биде трезвена". Топлиот воздух кој константно струи нагоре го засилува чуството на пријатност.

При овој вид греење температурата на воздухот може да ја намалиме за степен до два, бидејќи подот и ѕидовите се во просек потопли благодарејки на подното греење. Намалувањето на температурата за еден степен целзиусов значи и заштеда за 6% од вкупно потрошената енергија, а со тоа и заштеда на пари. Веќе одамна подното греење не се смета за луксузна опрема.

Електрично греење – пример за еколошки и економски прифатлив вид на греење

Ограниченоста на нафтените и гасните извори во светот, зголемувањето на цената на енергенсите на светскиот пазар, како и нивното штетно влијание на природата наведуваат на размислување за употреба на други извори на енергија за загревање, меѓу кои спаѓа и електричната енергија. Во високоразвиените земји се повеќе се размислува за заштеда на енергијата и намалување на емисијата на CO₂, SO₂ и други штетни соединенија. Постојат податоци дека и до 50% од емисијата на штетни материи во атмосферата настануваат како резултат на загревањето на животниот и работниот простор.

Еден од начините на греење со електрична енергија е греење со грејни плочи (конвектори). Тие можат да се изработени од гранит, камен и мермер кои претставуваат грејни тела. Воздухот во контакт со изворот на топлина (конверторот) станува поредок и без вентилатор, со благо струење обезбедува пријатно распределување на топлината во просторијата. Конвекторите се одликуваат со висока способност за загревање на просторијата, допатлив изглед и неограничен век на траење. Греењето се остварува на тој начин што во компактната плоча (мермер,гранит..) се вградува електричен грејач. Овие плочи се монтираат брзо и едноставно на било кој ѕид во просторијата.

Грејната мермерна плоча се приклучува на извор на напојување од 220V, а преку термостатот може да се регулира саканата температура во секоја просторија посебно.

По вклучувањето, плочата се загрева на работна температура од 85ºC за 30-40 минути. Пренос на топлината од грејачот се врши со зрачење и конвекција. Овој начин на греење овозможува и загревање на цврстите тела во просторијата (ѕидовите, подовите, мебелот) кои на тој начин стануваат складишта на топлина.

Овој начин на греење ја елиминира разликата помеѓу температурата на таванот и подот, па ја сведува циркулацијата и сушењето на воздухот на минимум, а тоа е во интерес на здравјето (посебно за асматичарите, на сите кои имаат потешкотии со дишењето, како и на лица кои имаат склоност кон алергии).

Одржувајќи пријатна температура во просторот кој има просечна изолација, потрошувачката на електрична енергија изнесува приближно 400-500 Wh x m² / 24 h, што претставува заштеда на електрична енергија од приближно 25-50% во однос на останатите видови греење. Покрај ниската цена на вградување, ги нема трошоците за изработка на котли, оџаци, складирање на горивото, одржување и поправка.

Како опција е и системот за управување кој овозможува регулација на температурата во одредени простории во текот на денот во зависност од надворешната температура и според вашите барања, како и опција за далечинско управување (на пр. со мобилен телефон), можност за комуникација со компјутер (визуелизација, управување, документација). Овој систем посебно е погоден за поголеми простори како што се: мини хотели, станбени згради со повеќе станови, деловни простории или викенд куќи.

Грејните плочи не поседуваат делови кои предизвикуваат бучава и вибрации, штетни зрачења и штетни промени на околината. Правилната заштита е со повеќеслојна изолација на електричните водови така да не постои можност за струен удар или изгореници при допир. Поради ова можно е да се монтираат и во влажни простории (на пр. бањи).

Масла за горење – независен извор на енергија

Резервоарот за снабдување на системот за греење со масла за горење побарува доста простор и потребно е да се инсталира во одвоена просторија. Можно е на пазарот да се најде во најразлични варијанти и облици.

Претежно овие резервоари се инсталираат на подот. Постојат и одредени изведби во висечка положба. Во споредба со системите со греење на природен гас, не се занемарливи ни трошоците за одржување на резервоарот. Енергетската искористливост на масла за горење е помала од енергетската искористливост на природниот гас. Поради тоа кај овие системи се среќаваат поинакви технички решенија.

Во последно време на пазарот се појавуваат две различни изведби на согорување на масла за горење во печката. Новата верзија со т.н. син пламеник овозможува потполно согорување на маслата за горење така да на тој начин се ослободуваат многу помали количества на штетни соединенија.

Голема предност на греењето на масла за горење се огледува во фактот дека не сме принудени да користиме надворешно мрежно напојување. Маслата за горење можеме едноставно да ги складираме во соодветен резервоар во одреден дел од куќата, и на тој начин можеме долгорочно да ги планираме трошоците за греење.

Грејната сезона почнува од денеска за граѓаните кои секоја година имаат дилема кога станува збор за изборот на греење. Дали да ги затоплуваат нивните домови на дрва, грејни тела или клима уреди. Македонците постојано се во потрага по најевтиното и најефикасно греење и се трудат оваа потреба да не удри драстично врз нивниот џеб како и да не го оптовари дополнително нивниот буџет.

„Од минатата година изборот во нашиот дом е инвертер клима уред и тоа со енергетска ефикасност, што придонесува во намалување на потрошувачката на електрична енергија. Така што, нашето решение е поевтино и побрзо затоплување на домот со енергетско ефикасна клима“, вели жител од населбата Аеродром.

Последниве години се поголем е трендот да се користат апарати со енергетска ефикасност со што се намалува потрошувачката на електрична енергија. Кај клима уредите енергетската ефикасност се одредува преку односот помеѓу добиената топлина и потрошената електрична енергија.

Во однос на алтернативите за греење, останатите граѓани кои ги прашавме одговорија дека се греат комбинирано, дел со грејни тела и клима уреди, но и дел на дрва. Според експертите, греењето со дрва најмногу ја загадува околината. Рационалното размислување сѐ повеќе ги тера граѓаните да изберат греење со клима уреди, затоа што на тој начин најбрзо го стоплуваат домот со прилагодена и посакувана висина на температурата. Затоплувањето со клима е погодно и во однос на периодот од денот за оние семејства кои се отсутни од домот сѐ до вечерните часови.

Од продавниците за бела техника велат дека затоплувањето со инвертер клима уреди е се почесто и дека граѓаните полека ги откриваат предностите на ваквиот начин на затоплување.

„Со цел да им помогнеме во изборот на граѓаните за најдобро и најсоодветно решение за затоплување, Техномаркет денеска ја стартуваше акцијата што ќе им овозможи поголема заштеда на електрична енергија и истовремено ефикасно затоплување на домот. Им нудиме бесплатна монтажа на енергетско ефикасните LG клима уреди, со кои ќе добиваат пониски сметки за струја, акција што ќе трае еден месец“, изјави Марија Ристовска, маркетинг менаџер во Техномаркет.

Од страна на граѓаните интересот за инвертер клима уредите се повеќе расте поради бенефициите од истите. На нив гледаат како долготрајна инвестиција затоа што подлежат под гаранција од страна на продавниците за бела техника и затоа што претставуваат производи кои може да се користат во текот на целата година зависно од потребите.

http://www.termosistem.com.mk/wp-content/uploads/2012/08/Daikin-klimatizer.jpg" rel="nofollow">

Во текот на летниот период скоро и да не може да се издржи денот, ако немате инсталирано клима уред. Но тука се јавува прашањето дали  http://www.termosistem.com.mk/products-page/klima-uredi/klima-ured-inverter-daikin/" rel="nofollow - клима уредот  е штетен по здравјето на луѓето, и да не предизвикуваат преголема бучава и вибрации од кои вашиот домашен мир може да се поремети. Токму поради тоа, ние денеска ќе ги наведеме позитивните и негативни страни доколку во вашиот дом имате инсталирано климатизер.

Предности на клима уредот:

• Идеална температура. Идеална температура на работниот или просторот за живеење во текот на целата година.
• Добри за здравјето на луѓето. Приказните за тоа дали климатизерот е штетен по здравјето на луѓето паѓаат во вода, кога само би се знаело колку луѓе кои имаат проблеми со срцето имаат инсталирано клима уреди само за да ги преживеат летните горештини. Доколку климатизерот се користи правилно и не се претера со разликите во температурата, помеѓу надворешната температура и температурата во просторијата, тие се сосема безбедни. Кога во текот на ноќта е премногу спарно и не можеме да спиеме, можеме да го вклучиме клима уредот на ноќниот режим на работа, и утрото нема се разбудиме целите испотени. Додека пак ако клима уредот дува накај нас додека спиеме можеме да се разбудиме со вочанети мускули или пак со мала настинка. За тоа, треба да се обврне особено внимание, на местоположбата каде ќе се монтира климатизерот.
• Економичност кај климатизерите. Стан од педесетина квадрати во кој има инсталирано клима уред инвертер, може да е енергетски многу поефикасен во однос на друг стан кој се загрева на било кој друг начин. Ако земеме за пример дека клима уредот инвертер за загревање потроши 1 KW час електрична енергија, за 10 часа тоа е 10 KW. За период од месец дена 10 KW помножено со 30 дена е еднакво на 300 KW електрична енергија. Ваквиот тип на загревање во одност на традиционалната термо печка е за 2 до 3 пати поекономичен.
• Нема негативни ефекти при работата. Нема дим, ниту пепел како кај шпоретот со дрва. Нема азбестна прашина како кај термо печката. Наместо тоа има филтри кои ја собираат прашината, електростатични филтри кои уништуваат разни бактерии, а некои климатизери имаат и јонизатори кои го прочистувааат воздухот и создаваат од нашиот дом попријатно катче за живеење.
• Брзина во работата. Неколку минути по вклучувањето на клима уредот, доколу претходно е правилно подесен, во просторијата може да се почувствува промена на температурата. Покрај тоа, со помош на тајмерот клима уредот може да се програмира, кога да се вклучува а кога да се исклучува.

Мани на клима уредот:

• При многу ниски температури губи на моќност. Кога клима уредот грее, а надворешната температура е под – 5 степени клима уредот губи на моќност. Кај обичните клима уреди намалувањето на моќноста е многу поизразена отколку кај инвертер климатизерите, кои во глобала можат да грееат до -15 степени.
• Бучност при работата. Некои клима уреди знаат да бидат многу бучни. За да се намали бучавата од клима уредот, на држачите се поставува гумена подлога со што се намалуваат вибрациите. Ова не е случај и со http://www.termosistem.com.mk/products-page/klima-uredi/klima-ured-inverter-daikin/" rel="nofollow -  “Daikin” климатизерите , затоа што тие работат со бучност од 20db.
• Постојано ист воздух во просторијата. Бидејќи клима уредот не врши размена на внатрешниот со надворешниот воздух, ќе биде потребно климатизираната просторија повремено да се проветрува.

Веќе една деценија климатизерите стануваат стандарден уред кој што се користи за да се задоволат потребите за греење и ладење. Така од година во година, понудата на климатизери е сè поголема, па можеме да најдеме клима уреди со различна цена, со различна моќност или капацитет, различна енергетска ефикасност, бренд, изборот е огромен.