Рецепти за домашни сокови

Испечатено од: IDIVIDI forum
Категорија: Здравје
Име на форумот: Исхрана и кулинарство
Опис на форумот: Еднаш се живее... здраво или нездраво?
URL: http://forum.idividi.com.mk/forum_posts.asp?TID=26650
Датум на принтање: 17.Мај.2024 во 13:07
Верзија на софтверот: Web Wiz Forums 10.03 - http://www.webwizforums.com

Тема: Рецепти за домашни сокови

Постирано од: емил
Наслов: Рецепти за домашни сокови
Датум на внесување: 16.Септември.2010 во 12:34

Сируп од капини

Потребно:

* 2 кг капини
* 600 мл вода
* 1 кг шеќер
* 3 лимона

Приготвување: капините иситнете ги во миксер. Во вриената вода додадете го шеќерот и варете го толку долго додека не се згусне. Топлиот шеќерен сируп прелијте го врз подготвените капини, додадете го сокот од лимоните, оставете ја смесата да отстои неколку часа и на крај испасирајте ја. Добиениот сируп загрејте го до пред вриење и веднаш сипајте го во врели стерилизирани шишиња. Шишињата веднаш затворете ги.

Коментари:

Постирано од: емил
Датум на внесување: 11.Јули.2011 во 23:12

Сокот од кајсии идеална напивка и за здравите и за болните

Поради специфичниот пријатен вкус, кајсиите се вбројуваат во најквалитетното овошје. Во свежите кајсии најмногу има витамин Ц (5-7 отсто), потоа каротиноид - провитамин А (1-7 отсто), витамин Б1 (0,06 мг), витамин Б2 (0,12 мг), витамин Б3 т.е ПП (0,7 мг), витамин Б5 (0,3 мг), витамин Б6 (0,07 мг), целулоза околу 0,7 мг. Свежиот плод на кајсијата содржи и: околу 16 мг калциум, 370 мг калиум, 14 мг магнезиум, 23 мг фосфор, 1 мг железо, 6 мг сулфур.
Плодовите од кајсијата се јадат свежи или сушени, а од нив се прават и сокови, мармалади, пекмези, а семките се употребуваат за добивање на лековито масло. Кајсиите може и да се замрзнат.
Кајсиите ги смируваат нервите, го поттикнуваат излачувањето на жолчката, го закрепнуваат црниот дроб, го надразнуваат и го освежуваат желудникот, а корисни се и во лекувањето на анемијата.

***

Сок

Зрелите кајсии се пасираат, па на еден литар сок се додава половина литар сируп од шеќер. Сето тоа се меша и се сипа во шишиња, се затвораат со смола и се варат 20 минути. Изобилството од фруктоза, каротин, калиум и кобалт го прават овој сок идеална напивка за здравите и за болните луѓе.

***

Слатко

Еден килограм кајсии излупете ги и исечете ги на половина. Ставете ги во длабок сад, па прелијте ги со бистра варовна вода и оставете ги да отстојат во неа еден час. Еден килограм кристал шеќер ставете во тенџере. Кајсиите извадете ги од варовната вода, измијте ги во неколку ладни води и наредете ги еден ред врз шеќерот. Преку кајсиите исцедете сок од еден лимон, па посипете ги со шеќер и така се додека не ги потрошите и кајсиите и шеќерот. Тенџерето поклопете го и оставете ги кајсиите да отстојат преку ноќ. Утредента, откако кајсиите пуштиле сопствен сок, ставете го тенџерето на тивок оган, додадете во овошјето уште половина килограм шеќер и една чаша вода, па варете го додека шеќерот не се стопи, а потоа на појак оган за да може слаткото побрзо да се свари. Кога сокот ќе биде толку густ во исто време по две капки тешко да паѓаат, извадете го тенџерето од ринглата, покријте го со влажна крпа и оставете го да се лади. Утредента, слаткото сипајте го во тегли

-------------

Постирано од: evangeline
Датум на внесување: 18.Септември.2013 во 14:13

Ретки се тие што не сакаат домашно сокче направено најчесто од рацете на мама/тато/баба/дедо, но колку вие знаете да подготвувате домашен сок?

Некои немаат услови, некои немаат желба, некои не знаат како. Јас имам се, ама секаков сок не пијам.

Доколку знаете некој рецепт за подготовка на домашен сок, повелете споделете го среќа

Сок од вишни

3 килограми вишни

2 литри вода

3 пакетчиња лимонтус

шеќер по потреба

Вишните ги миеме добро и ги гмечиме со раце. Пасираме добро втријувајќи ги вишните на цедалката Откако ја завршивме оваа постапка додаваме лимонтуси и вода и оставаме да стои 24 часа. Потоа сокот го прецедуваме и мериме колку течност има. Колку течност ќе ни испадне толку шеќер ставаме (или по вкус и потреба). Го промешуваме добро и ги полниме шишињата. Добро ги запечатуваме. Така затворени се вријат 30 минути.

Или додека уште има праски, испробајте го овој рецепт. Јас правев пред некој ден, со тоа што помалку шеќер ставив среќа

Сок од праски

Состојки:
1 кг. праски
1 литар вода
250 гр. шеќер
рендана кора од ¼ лимон

Подготовка:
Праските убаво се мијат, се чистат, се лупат и се мелат во машина за мелење месо, или во блендер.

Водата се става во сад на оган да зоврие и му се става шеќерот. Се вари додека да се стопи шеќерот. Потоа течноста се остава убаво да се излади.

Откако течноста ќе биде сосема ладна, во неа се додаваат мелените праски. Се става ренданата кора од лимонот и сокот убаво се меша за да се соединат состојките и да се добие хомогена смеса.

Вака добиениот сок се собира во шишиња и се става да стои во фрижидер, на ладно.

Препорачливо е да се пие веднаш по ладењето и во наредните 3 до 4 денови, бидејќи во него нема никакви додатоци, конзерванси и емулгатори, кои ќе можат да му го продолжат рокот на употреба.

Постирано од: evangeline
Датум на внесување: 18.Септември.2013 во 14:20

Здрав микс

1/2 кг цвекло
1/2 кг моркови
1/2 кг лимони
3 литри вода
шеќер по желба
5 кесички лимонтус

Сите состојки убаво се мијат и се мелат во машина за мелење месо заедно со се лушпи. Добиената смеса се става во водата и се остава да отстои 24 часа.

Потоа смесата се процедува неколку пати низ чиста газа и во добиениот сок се ставаат шеќерот и лимонтусот. Сокот се меша сé додека се стопи шеќерот и се собира во шишиња. Се пие многу брзо задоволство или може да ги провриете шишињата доколку направите поголемо количество и да ги чувате (ама соков не е за да стои плазење ) Инаку соков би требало да се раствори со малку вода пред пиење.

Постирано од: volkswagen
Датум на внесување: 18.Септември.2013 во 14:21

Во овај микосов ако ставиш јаболка е далеку посладок и понежен од обично... Пробајте....

-------------

Постирано од: evangeline
Датум на внесување: 18.Септември.2013 во 14:31

volkswagen напиша:

Во овај микосов ако ставиш јаболка е далеку посладок и понежен од обично... Пробајте....

Ме насмеа

А јас сакам кисели и груби работи.

Всушност, во миксовите можеш да ставиш што имаш и што сакаш. Не за џабе се вика микс.

Постирано од: evangeline
Датум на внесување: 06.Февруари.2014 во 22:32

http://moirecepti.mk/post/%D1%81%D0%BE%D0%BA-%D0%BE%D0%B4-%D1%82%D0%B8%D0%BA%D0%B2%D0%B0/" rel="nofollow -
Тиквата сварете исечете ја на помали парчиња, сварете во 2,5 л. вода и оставете да се излади.
Посебно сварете го остатокот од водата со шеќерот, оладете, додајте го сокот од лимон.
Тиквата испасирајте ја со блендер и додајте во шеќерната вода со лимонот. Додадете и прашаците за сок или екстратите, измешајте, наполнети ги шишињата, затворете и ставете во вода да се пастеризираат.

-------------
Внимавај кому му веруваш.
И ѓаволот еднаш беше ангел.

https://www.youtube.com/watch?v=1DUYlHZsZfc" rel="nofollow - Being RICH
is not about how much you have,
BUT about how much you GIVE

Постирано од: Gabriela_S
Датум на внесување: 09.Февруари.2014 во 23:04

Правам од вишни, круши, праски, кајсии и јаготки.
Само вишните и јаготките со шеќер и лимонтуз,
крушите, праските и кајсиите во соковник, потоа само ги варам без никакви додатоци додека зовријат и сокот го собирам во жешки шишиња.
Ако не се доволно благи пред употреба лажиче мед среќа

-------------
Никогаш немој да се каеш за нештото што си го направил, ако во тој момент си бил среќен

Постирано од: Valerija
Датум на внесување: 29.Април.2014 во 22:28

МАГДОНОС, ЛИМОН И ВОДА: ЧУДО ОД СОК

http%3A%2F%2Fkarmin.tocka.com.mk%2F56%2F125087%2Fmagdonos-limon-i-voda-cudo-od-sok%2522&layout=button_count&locale=mk_MK&sdk=joey&send=true&show_faces=false&width=200" rel="nofollow -

Овој сок помага при согорувањето на калориите, го храни вашето тело со витамини и минерали и го подобрува работењето на дигестивниот систем.

Состојки:

● мала китка магдонос
● 1 лимон
● чаша вода

Подготовка:

Магдоносот се сецка ситно (најдобро во блендер), се цеди сокот од лимон и сето ова се става во чаша и се прелева со вода која е претходно провриена и оладена (одприлика 150-200 милилитри).

Сокот би требало да се пие наутро на празен желудник, само 5 дена, а после тоа да се направи пауза од 10 дена.

Овој сок ви помага за побрзо согорување на калориите, го храни вашето тело со неопходни витамини и минерали но истовремено ќе му помогне и на вашиот дигестивен систем да има подобро варење на храната.

-------------
Јакиот човек има само една слаба страна-жената што ја сака!

Постирано од: Valerija
Датум на внесување: 18.Септември.2014 во 08:19

http://www.crnobelo.com/hrana/recepti/25707-uste-eden-recept-od-iskusnite-domakinki-sok-od-grozje" rel="nofollow -

Искористете ја сезоната на грозјето на вистинскиот начин, така што дел од ова здраво и вкусно овошје ќе го претворите во сок кој ќе го консумирате преку цела година.
Искусните домаќинки кои секоја година подготвуваат слатка зимница, ве советуваат да го пробате следниов рецепт.
Потребни состојки:
5kg црно грозје
1,5l вода
800g шеќер
20g лимонтус
Постапка:
Одвојте ги зрната грозје, па кратко измешајте ги во електрична мешалка. Додајте ја водата и испасирајте ја смесата.
Добиениот сок ставете го во длабок сад, исчистете го од семките и лушпите кои ќе излезат на површина, па додајте го шеќерот и лимонтусот. Варете додека течноста не зоврие.
Жешкиот сок ставете го во стаклени шишиња и добро затворете.
Брзо и едноставно, а корисно. Освен како сок, овој сируп од грозје може да го користите како сос за десерти.

-------------
Јакиот човек има само една слаба страна-жената што ја сака!

Постирано од: Valerija
Датум на внесување: 18.Септември.2014 во 10:53

Сок од капини и малини

Ги тураме во шерпа им додаваме вода колку да ги покрие и два прста над нив да има оставаме да врие околу 30 минути кога ке побелат овошјата е доволно.Го цедиме низ газа и добиената течност ја мериме на 1кг течност по 800 гр шекер се заедно оставаме да врие околу 20 мин пред ваѓање редиме лимонтус на пример на 10 кг јас ставам 5 пакетчиња.Сокот го збираме жежок во врели шишиња за подолго да стои.

-------------
Јакиот човек има само една слаба страна-жената што ја сака!

Постирано од: Valerija
Датум на внесување: 18.Септември.2015 во 17:09

Вкусно и здраво: Домашен сок од грозје

Искористете ја сезоната кога се бере грозје и соберете вкусно црно грозје. Ние ви предлагаме да направите домашен сок, кој ќе го пиете секојдневно, а значително ќе ви ја подобри крвната слика.

Потребни состојки:

5кг исчистени зрна црно грозје
300-500гр шеќер
1.5л вода

Начин на подготовка:

Измијте го грозјето, отстранете ги гранчињата, а зрната сомелете ги со машинка за мелење месо, а потоа испасирајте ги. Добиениот сок ставете го во некое тенџере, додадете ја водата и варете 15 минути. Додадете го шеќерот и варете уште 10 минути.

Тргнете го тенџерето од оган и сокот со инка истурете го во претходно загреани стаклени шишиња, затворете ги убаво, покријте ги и оставете да се изладат.

Чувајте ги на ладно, суво и темно место, а кога ќе отворите едно шише чувајте го во фрижидер додека не го испиете цел сок.

-------------
Јакиот човек има само една слаба страна-жената што ја сака!

Постирано од: Valerija
Датум на внесување: 17.Октомври.2018 во 21:24

&#208;&#161;&#208;&#190;&#208;&#186; &#208;&#190;&#208;&#180; &#208;&#159;&#209;&#128;&#208;°&#209;&#129;&#208;&#186;&#208;&#184; &#208;&#184; &#208;&#136;&#208;°&#208;±&#208;&#190;&#208;»&#208;&#186;&#208;°

Сок од праски и јаболка

Состојки

6кг праски

4кг зелени јаболка

16 литри вода

1,5 кг шеќер

2 пакетчиња ванила

Еве еден рецепт за сок кој е многу вкусен. Праските и јаболката се сечат на поголеми парчиња, се налева водата и се става на оган и се вари додека убаво омекнат праските и јаболката. Откога се растураат сами тенџерето се трга од оган и целата смеса со праските јаболката и водата се цеди преку преса,потоа се враќа течноста на оган, а другото се фрла. Во течноста се става шеќерот и ванилата и се остава да поврие, собирајки му ја пената 2-3 пати. Готовиот врел сок се собира во стаклени шишиња се затвора со тапа и се става на темно суво и ладно место.

-------------
Јакиот човек има само една слаба страна-жената што ја сака!

Постирано од: Valerija
Датум на внесување: 17.Октомври.2018 во 21:28

&#208;&#161;&#208;&#190;&#208;&#186; &#208;&#190;&#208;&#180; &#208;&#180;&#209;&#128;&#208;µ&#208;&#189;&#208;&#186;&#208;&#184;, &#208;&#178;&#208;&#184;&#209;&#136;&#208;&#189;&#208;&#184; &#208;&#184; &#208;&#186;&#208;°&#208;&#191;&#208;&#184;&#208;&#189;&#208;&#184;

Сок од дренки,вишни и капини

Состојки

1 кг дренки

1 кг вишни

1кг капини

10 литра вода

3 кг шеќер

2 кесички лимунтус

Освежителен сок приготвен во домашни услови.
Во водата се става овошјето и се вари на оган додека да се добие убава темно црвена боја.

Потоа се трга од оган, се цеди и се додаваат шеќерот и лимонтусот.

Се остава да постои околу 20тина минути и се става во шишиња, може и стаклени и пластични. Ако е во пластични треба да стои во замрзнувач за да не се расипе. Ако е во стаклени само треба да се добро запечатени капачињата и да се чува на студено и темно место.

Одличен рецепт и начин да имате свеж овошен сок преку цела зима.

-------------
Јакиот човек има само една слаба страна-жената што ја сака!

Постирано од: Valerija
Датум на внесување: 17.Октомври.2018 во 21:33

&#208;&#161;&#208;&#184;&#209;&#128;&#209;&#131;&#208;&#191; &#208;&#190;&#208;&#180; &#208;±&#208;&#190;&#209;&#128;&#208;&#190;&#208;&#178;&#208;&#184;&#208;&#189;&#208;&#186;&#208;&#184; (&#208;±&#208;µ&#208;· &#208;&#178;&#208;°&#209;&#128;&#208;µ&#209;&#154;&#208;µ)

Сируп од боровинки

Состојки

3 кг боровинки

2 литра вода

6 лимонтуса

5 кг шеќер

Сирупите најчесто ги подготвувам на овој начин за да се задржат корисните состојки од овошјето, односно да не ги изгубат својствата со термичката обработка.

1. Боровинките ги миеме во две три води, со лесно промешување. Потребно е со лимонтусот и во вода да отстојат 12-16 часа. Потоа се процедуваат низ газа и течноста што ќе ни излезе од нив ја мериме. На литар течност додаваме 1 кг шеќер. Мешаме додека да се растопи шеќерот. Флашираме, добро ги затвораме шишињата и ги ставаме на ладно, јас моите во подрум.

Ова е оригиналната верзија на подготовка, а сега ќе ви раскажам како јас го подготвив овој пат сирупот.

2. Боровинките ги измив и ги пуштив низ споровртечкиот соковник (работи како преса, како машините за мелење месо, ама со поголем притисок). Сокот што излезе го измешав со лимонтусите и шеќерот. Мешав додека убаво да се раствори односно, мешате, па си гледате друга работа, па пак мешате. Така до целосно растопување на шеќерот. Флаширате, добро затворате и во подрум на ладно.
Ако ви се тазе боровинките, 7 литри сируп излегува од оваа доза.

-------------
Јакиот човек има само една слаба страна-жената што ја сака!

Постирано од: Valerija
Датум на внесување: 17.Октомври.2018 во 21:58

&#208;&#161;&#208;&#190;&#208;&#186; &#208;&#190;&#208;&#180; &#208;&#191;&#208;&#190;&#209;&#128;&#209;&#130;&#208;&#190;&#208;&#186;&#208;°&#208;»&#208;&#184; &#208;&#184; &#208;»&#208;&#184;&#208;&#188;&#208;&#190;&#208;&#189;

Сок од лимон и портокали

Состојки
2 портокали
1 лимон
0.5 кг. шеќер
3 пакетчиња(30 гр.) лимонтус
1 литар вода(3 литри за растворање)

Портокалите и лимонот убаво се мијат, се рендаат или се мелат низ машина за мелење месо. Ако не сакате сокот да има горчлив вкус излупете ја лушпата. Во мелените(рендани)портокали и лимон се ставаат во сад, во садот се додава 1 литар вода, лимонтусот и шеќерот. Убаво се меша со лажица да се стопи шеќерот(5-10 мин.).
Се остава во фрижидер 24 часа. Се процедува низ газа. Сокот се собира во чисти шишиња. Се чува на ладно.

-Овој сок е за растворање 1 литар сок,се раствора со останатите 3 литри вода. Ако ви биде благ може да додадете повеќе вода затоа најдобро по малку да го растворате, ама по ваша желба.

-------------
Јакиот човек има само една слаба страна-жената што ја сака!

Постирано од: Valerija
Датум на внесување: 29.Октомври.2018 во 12:21

&#208;&#161;&#208;&#190;&#208;&#186; &#208;&#190;&#208;&#180; &#208;&#188;&#208;&#190;&#209;&#128;&#208;&#186;&#208;&#190;&#208;&#178;&#208;&#184; &#209;&#129;&#208;&#190; &#208;·&#208;µ&#208;»&#208;µ&#208;&#189; &#209;&#135;&#208;°&#209; &#208;&#184; &#208;»&#208;&#184;&#208;&#188;&#208;&#190;&#208;&#189;

Сок од моркови со зелен чај и лимон

Состојки
500 гр моркови
500 мл + 750 мл + 500 мл вода
3 кесички зелен чај
3 лимони
по желба мед или шеќер

Морковот во безалкохолните пијалоци секогаш ми има некој посебен шмек. Е овој сок е баш морковест, со освежителниот вкус на лимонот. Се радував додека го спремав и иако ненамерно скокнав еден чекор, испадна ептен вкусно, а самиот рецепт со тоа добива две варијанти. Ах, да, и спрема состојките јасно ви е колку се добро селектирани оние така наречени здрави намирници, па можи да се пие без грижа на совест.

Во составот пишани се 3 количини на вода, кои се употребуваат етапно при спремањето, затоа се и така впишани. И нека не ве плаши тоа, сокчево се приготвува многу брзо ; )

Морковите се чистат и се сечат на парчиња. Се ставаат во 500 мл вода и се варат 25-30 минути. Треба да се меки кога ќе се забодат со вилушка.
Потоа се блендираат во фина каша заедно со водата во која се вареа.

Во друго тенџере се става 750 мл вода да зоврие и во него се ставаат кесичките со чај. Се покрива и се остава 10на минути.
Потоа се вадат кесичките и течноста се меша со кашата од моркови.

Се цеди сок од 3 лимони и се додава во смесата. И на крај се засладува по вкус и желба. Препорака е мед, но кој нема или не сака секако можи да додаде и шеќер, или пак комбинирано.

Се додава 500 мл вода и сето ова убаво се меша додека сладилото се стопи и се истура во стаклени шишиња, па во фрижидер на ладење.

Е сега варијацијата која несвесно испадна...
Прво, јас за сладило користев исклучиво мед, а зелениот чај се потрошил (има еден многу убав зелен чај со лимон), па од тие што се вртеа дома најзгоден беше некој со име зимски чај, кој содржеше анасон, тимијан, липа и боз.
Ова малку битно. Битното е што јас последните 500 мл вода на крај не ги додадов и добив еден убав густи сок од морков, тоа сакав да ви кажам : ) дека ако сакате густи, на крајот пола кг вода не додавајте, а ако сакате џус, тогаш терајте си по рецептот.
Наполнете изладен сок, ставете некое парченце лимон и мраз и уживајте во годинешново барем за мене, прекрасно лето : )

-------------
Јакиот човек има само една слаба страна-жената што ја сака!

Постирано од: Valerija
Датум на внесување: 29.Октомври.2018 во 12:22

&#208;&#161;&#208;&#190;&#208;&#186; &#208;&#190;&#208;&#180; &#209;&#128;&#208;&#184;&#208;±&#208;&#184;&#208;·&#208;»&#208;&#184;

Сок од рибизли

Состојки
6 кг рибизли
2 кесички лимонтус
4 литри вода
4 кг шеќер

Рибизлите измијте ги во ладна вода, исцедете ги, ставете им лимонтус и 4 литра вода. Измешајте ги и оставите да стојат 24 часа. Наредниот ден ставете ги на шпорет да провријат, оставете да оладат и преку преса добро испасирајте ги.
Во течноста ставете го шеќерот и вратете на оган да проврие. Од кога ќе зоврие, варете 5 минути и повремено собирајте ја пената со лажица. Врел сокот соберете го во стерилизирани шишиња.

-------------
Јакиот човек има само една слаба страна-жената што ја сака!

Постирано од: Valerija
Датум на внесување: 29.Октомври.2018 во 12:25

&#208;&#149;&#209;&#129;&#208;µ&#208;&#189;&#209;&#129;&#208;&#186;&#208;&#184; &#209;&#129;&#208;&#190;&#208;&#186; &#208;&#190;&#208;&#180; &#209;&#130;&#208;&#184;&#208;&#186;&#208;&#178;&#208;°

Есенски сок од тиква

Состојки
1 кг исчистена тиква
5л вода
500 гр шеќер
5 портокали
1 лимон

Сокчето брзо се подготвува.
Исчистете ја тиквата, исечете ја на парчиња и ставете ја во 5 литри вода да се свари.
Изблендирајте ја, јас тоа го правам директно во тенџерето, со рачниот блендер.
Откако ќе се подолади, ставете го шеќерот и исцедениот сок од лимонот и портокалите. Промешајте.
Ако баш не ви се допаѓа вкусот на тиквата, можете да ставите и екстрат од лимон или портокал...
Турете го во шишиња и чувајте го во фрижидер.

-------------
Јакиот човек има само една слаба страна-жената што ја сака!

Постирано од: Valerija
Датум на внесување: 29.Октомври.2018 во 12:34

&amp;amp;#208;&amp;amp;#158;&amp;amp;#208;&amp;amp;#178;&amp;amp;#208;&amp;amp;#190;&amp;amp;#209;&amp;amp;#136;&amp;amp;#208;µ&amp;amp;#208;&amp;amp;#189; &amp;amp;#208;&amp;amp;#191;&amp;amp;#208;&amp;amp;#184;&amp;amp;#209;&amp;amp;#208;°&amp;amp;#208;»&amp;amp;#208;&amp;amp;#190;&amp;amp;#208;&amp;amp;#186; &amp;amp;#208;&amp;amp;#190;&amp;amp;#208;&amp;amp;#180; &amp;amp;#208;&amp;amp;#186;&amp;amp;#209;&amp;amp;#128;&amp;amp;#209;&amp;amp;#131;&amp;amp;#209;&amp;amp;#136;&amp;amp;#208;&amp;amp;#184; &amp;amp;#208;&amp;amp;#184; &amp;amp;#208;±&amp;amp;#208;°&amp;amp;#208;&amp;amp;#189;&amp;amp;#208;°&amp;amp;#208;&amp;amp;#189;&amp;amp;#208;&amp;amp;#184;

Овошен пијалок од круши и банани

Состојки
1 круша
1 лажица мед или јаворов сируп
2 банани
1 чајно лажиче цимет
1/2 чајно лажиче каранфилче
1 ракиена чаша слатка павлака (млеко или јогурт во замена по желба)
1 шоља вода (+/-)

Брз рецепт-идеја за во блендер или Булетот.
Едноставно, сите состојки се ставаат и се блендираат. Соодносот на состојките секако дека можи да варира спрема вкусот, особено количината на вода, со која си ја регулирате посакуваната густина на сокчето.
Се пие веднаш.

-------------
Јакиот човек има само една слаба страна-жената што ја сака!

Постирано од: Valerija
Датум на внесување: 29.Октомври.2018 во 12:40

&#208;&#161;&#208;&#190;&#208;&#186; &#208;&#190;&#208;&#180; &#208;&#186;&#208;&#184;&#208;&#178;&#208;&#184;

Сок од киви

Состојки
1 кг киви
1 кг шеќер
1 л зовриена и изладена вода
1 лимонтус

Кивите излупете ги и сомелете ги во соковник(како кај мене), или на машинка за мелење месо. Ако ги мелете на машинка за месо, ќе треба да ги процедувате за да се тргнат семките.
Во сокот од кивите додадете ја водата, шеќерот и лимонтусот и оставете ги неколку часа, со повремено мешање за да се стопи шеќерот, потоа соберете ги во шишиња.
Забелешка-јас ставив 900 гр шеќер, нареден пат би ставила 800гр, бидејќи сакам покиселко =). Инаку сокот на кого не му е многу благ може да го пие и вака, а на кого му е благ може да го раствара, пола сок пола вода нам ни се најмногу допаѓа. Од оваа доза мене ми излезе 2л сок.

-------------
Јакиот човек има само една слаба страна-жената што ја сака!

Постирано од: Valerija
Датум на внесување: 29.Октомври.2018 во 12:42

&amp;#208;&amp;#161;&amp;#208;&amp;#190;&amp;#208;&amp;#186; &amp;#208;&amp;#190;&amp;#208;&amp;#180; &amp;#209;&amp;#134;&amp;#208;&amp;#178;&amp;#208;µ&amp;#209;&amp;#130; &amp;#208;&amp;#190;&amp;#208;&amp;#180; &amp;#208;±&amp;#208;&amp;#190;&amp;#208;·&amp;#208;µ&amp;#208;» (&amp;#208;±&amp;#208;µ&amp;#208;· &amp;#208;&amp;#178;&amp;#208;°&amp;#209;&amp;#128;&amp;#208;µ&amp;#209;&amp;#154;&amp;#208;µ)

Сок од цвет од бозел

Состојки
35-40 цветови од бозел
7 литри вода
5 кг и 500 гр шеќер
7 лимонтуси (јас ставив 10 лимони -сок од лимон)

Сокот се прави многу лесно.
Во 7 литри вода се ставаат да одстојат цветовите од бозел. Стојат 24 часа и се прецедуваат.
Од како ќе се прецеди, се додава шеќерот и лимонтусот и се остава уште 24 часа да се растопи шеќерот.
Се складира по шишиња се раствора пред пиење. Јас го чував во фрижидер. Не знам дали мора, ама така направив.

Јас бидејки ја избегнувам хемијата колку што можам почесто, овој пат го направив тоа и со лимнотусот. Правев половина доза сок и ставив само сок од лимон.

-------------
Јакиот човек има само една слаба страна-жената што ја сака!

Постирано од: Valerija
Датум на внесување: 13.Март.2021 во 16:35

https://moirecepti.mk/post/%D1%81%D0%BE%D0%BA-%D0%BE%D0%B4-%D1%81%D0%BB%D0%B8%D0%B2%D0%B8" rel="nofollow -

Состојки

2 кг сливи
200 грама ШеЌер
2 литра вода

Приготвувајте сок од сливи во домашни услови.
1. Сливите измијте ги и исчистете ги од семките.
Ставете ги во голем сад и прекријте ги со шеќерот.
Полејте со топла вода.
2. Оставете ги 5 минути на шпорет да омекнат сливите.
Тргнете од оган.
3. Со блендер изблендирајте ги добро, а потоа исцедете ги со цедалка.
4. Полнете во стаклени чашички со капак или шишиња.
Може да се чува во фрижидер една до две недели.
Сокот од слива е многу здрав.
Убаво е да го конзумирате барем еднаш неделно.

-------------
Јакиот човек има само една слаба страна-жената што ја сака!