Во првиот натпревар на свесткото ракометно првенство во Севиља, Македонската репрезентација ја забележа првата победа и ги освои првите 2 бода. Но сепак не успеавме да ја наметнеме фаворитската улога. Одигравме тежок и мачен натпревар со тоталниот аутсајдер Чиле.

Очекувавме комотна победа, но не ја добивме. Очекувавме сериозен и мотивиран натпревар, но не го добивме. Добивме победа изразена со само два гола и многу неодговорени прашања. Зошто Темелков беше само на трибините? Зошто излезе Стоилов, кога беше можеби најдобриот на теренот? Зошто Ѓеорѓиевски не влезе во второто полувреме? Што се случува со Наум Мојсовски?

19:23 за Исланд! Катастрофално второ полувреме во Севиља. Голот не ги сакаше нашите ракометари, на кои никако не им тргна од рака. Кире Лазаров се изгуби, Стоилов кој на почетокот ветуваше исто така, а потфрли и целата организација на натпреварот, каде постојано имаше проблеми со времето, резултатот.

Се на се, ужасно второ полувреме, многу исклучувања, многу грешки, многу повреди… многу голови, ама во нашата мрежа. Ракометарите на Исланд играа многу напната, агресивна и безобразна игра, која постојано нервираше и креваше тензија кај нашите ракометари, а и публиката.

Утре не чека Русија, да се надеваме дека ова ни е една изгубена битка во оваа војна.

Голот на македонскиот пикер, Стојанче Стоилов постигнат на дуелот против Чиле е прогласен за најатрактивен на Мундијалот досега.

Шраубата на Столе која низ нозете на противничкиот голман заврши во мрежата на Чиле е специјалност на младиот македонски репрезентативец.

Македонија 30-33 Данска

Светската ракометна федерација уште еднаш го покажа својот аматеризам и неспособност откако испланира скандалозен начин за транспорт на селекциите од Севилја до Барселона, пишува мкд.мк

Така, Македонија денеска патува речиси шест часа со воз до Барселона, со тотално нарушен возен ред, па наместо избраниците на Звонко Шундовски да имаат време за тренинг попладнево, тие ќе се рехабилитираат од речиси десетчасовното малтретирање. Имено, возот од Севилја тргнал со задоцнување од три часа, поради лошите временски прилики во Андалузија, па тотално се поремети планот на подготовки за утрешниот натпревар. Ако се знае дека нашиот меч утре се игра прв – во 15.45 часот и тоа на барање на Германците поради нивните телевизиски права, тогаш нема да чуди ако нашите не одржат ниту еден вистински тренинг, туку повеќе ќе се работи на олабавување на мускулатурата од долгиот пат со воз.

Во исто време, Германија која играше во Барселона и нема потреба да патува, денешниот ден го посвети на тотална релаксација и престој во спа центар, што утрешниот меч го прави тотално нерамноправен.

Поради изолираноста на аеродромот во Севилја челниците на ИХФ донесоа одлука сите репрезентации да патуваат кон своите следни дестинации со експресните возови, наместо со авион. Но, стручњаците на ИХФ никако не сакаат да ги поместат саатниците на натпреварите зашто тогаш би ги загубиле парите од ТВ-правата, особено кога станува збор за Германија и за скандинавските земји.