http://www.mkd.mk/wp-content/uploads/2012/03/vardar-e1331492537948.jpg" rel="nofollow">

По неуспехот во Шведска, македонските ракометари повторно ја израдуваа нашата нација, овојпат на клупски план. Покрај Металург, за тоа се погрижија ракометарите на Вардар кои среде Хрватска го совладаа фаворитот Загреб.

Вардар Про направи големо изненадување и во вториот полуфинален меч од СЕХА лигата го победи тимот на Кроациа Осигурање Загреб со 30:29 во загребската „Арена“.

На целиот натпревар имаше неверојатно 21 израмнување на резултатот, ниту една екипа немаше повеќе од два гола предност во текот на мечот, а Вардар притисна кога најмногу требаше – во последните пет минути, кога од негатива од два гола, преминаа во водство кое до крајот успешно го задржаа.

Тихомир Додер со шест погодоци беше најефикасен во нашиот тим, а кај загребчани Шпилер постигна исто толку без ниту едно промашување.

Тренерот на ракометарите на Вардар, Веселин Вујовиќ беше презадоволен од победата на неговите избраници над Загреб и пласманот во утрешното финале, каде што црвено-црните ќе се сретнат со Металург.

„Лесно е да си оптимист откако ќе се победи. Знаев дека сме посвежи од Загреб, тие се изморени од настапите во ЛШ, како и од квалификациите за ЛОИ и не можеа да тренираат како нас. Целиот меч беше израмнет, се играше гол за гол, јас решив да имам поголема ротација на играчите, за да бидеме што е можно посвежи при крајот на мечот. И Загреб да победеше немаше да биде штета, но Вардар денеска беше подобар за таа една топка, која одлучи на крајот. Некогаш и најдобрата тактика е лоша ако не се одигра со срце, Вардар денеска одигра како што треба. Не може секој да го победи Загреб среде Загреб“, рече Вујовиќ.

„Се покажа правилна мојата навика на секој меч да играат сите 16 ракометари. Зашто секој може да даде максимум ако настапи по 10 минути. Вардар имаше поголем мотив од Загреб, домашните можеби за момент помислија дека ќе им биде лесно со нас, но… Оваа победа е за престиж, утре одиме на титула, Загреб е сјајна екипа со добар тренер и ние сега не ни помислуваме дека сме подобри од нив. Но, победата добро ни дојде за да видиме до каде сме, колку можеме во моментот“, додаде тренерот на Вардар.

А финалето , ќе си уживаме , да има добар ракомет и нека победи подобриот на крај

Вардар е првиот победник на Сеха првенството.

У ху фала Богу ... а кого не би го болело голема насмевка

Вардар се посрамоти, реми исто како победа за Металург

Македонскиот ракометен шампион Вардар се посрамоти во големото ракометно дерби, вечерва против лутиот ривал Металург, откако на отворањето на регионалната СЕХА-лига вечерва во салата „Борис Трајковски“ ремизираа со 28-28, иако металурзите играа буквално со вториот тим.

Вардаровиот дрим-тим се мачеше да извади бод со преполовениот Металург на денешниот меч, откако тренерот на металурзите се спротивстави без речиси целиот прв тим, голманот Дарко Станиќ, бековите Наумче Мојсовски и Давор Вугринец, пикерите Никола и Велко Марковски... Вардарци беа пред пораз на осум секунди до крајот, кога Тимур Дибиров погоди од крилна позиција за реми 28-28. Претходно Златко Мојсовски реализира седмерец на 25 секунди до крајот, кога го донесе Металург на чекор до триумф.

Металург до 37-та минута постојано водеше, имаше и четири предност во средината на првиот дел, но по 18-16 во седмата минута од вториот дел, Вардар направи серија од 5-0 во следните повеќе од осум минути и стигна до најголеми три гола разлика (18-21), предност што сите ја видоа како сигурна победа. Но Металург успеа да се врати во мечот, дури и да поведе, па црвено-црните мораа во самиот финиш да се вадат за барем бод.

Ова беше последниот натпреваркој Вардар го игра во СЦ Калепред да се пресели во Јане Сандански.

Но она што мене ме остави без збор е пречекот на бившиот тренер на Вардар - Веселин Вујовиќ кој сега го предводи Загреб. Респект за публиката не вреден

Македонско финале среде Хрватска: Вардар го победи Загреб и оди на мегдан со Металург