„ Во првата фаза имаме дообука и тренинзи на локалното население да стане свесно за своето културно наследство, како и одбележување на туристичките локалитети со јасни препознатливи знаци“, вели Стево Степановски, сопственик на библиотеката во село Бабино.

Во рамките на проектот предвидено е да се обнови и Смилевската свадба, што се смета дека ќе биде особено привлечно за туристите, како и воспоставување на нова манифестација „ 5 дена Смилевски конгрес“.

Експертите посочуваат дека проектот за Бабино треба да биде пример за туристички развој и на други региони во земјата.

„ Оваа тема треба да биде проширена на сите наши региони“, вели проф. Мишо Христовски, од Факултетот за ветеринарна медицина.
Во Селото Бабино живеат само 15-тина жители, а оние кои се родум од тука овде се враќаат во лето. Интересен е податокот дека годишно во Бабино доаѓаат околу 25.000 туристи.

„ Секое лето овде доаѓаат по двапати по 20 дена. Убаво ми е селото, убаво ми е овде“, вели жител од село Бабино.

Проектот Демир Хисар културен и туристички предел се организира со финансиска поддршка од Владата на Република Македонија и е составен дел од акциониот план на општината за развој на туризмот до 2013 година.

„ Во историското место Смилево треба да заврши изградбата на една патека со поголемо значење“ изјави Тони Ангелевски градоначалник на општина Демир Хисар.

Ваквите активности треба да придонесат за заживување на демирхисарскиот крај.

Поради стихијната миграција многу селски населби се потполно испразнети, вкупно 145 или 8,5 отсто. Проблем претставуваат селата со помалку од 50 жители на кои отпаѓаат околу 20 проценти.

По 20 години транзиција селата во Македонија изумираат. Помладите генерации се одамна заминати, инфраструктурата е лоша, се затвораат училиштата, се намалува бројот на активни земјоделци, а производството не е конкурентно, заклучија учесниците на денешната трибина „20 години развој на земјоделството и селото во Македонија“.

Висока стапка на невработеност, сиромаштија, социјална исклученост и продлабочени регионални разлики се само дел од карактеристиките на актуелната рурална економија.