Играта на Лионел Меси во последно време не може да ги остави рамнодушни љубителите на фудбалот во целиот свет, па дури и навивачите на најголемиот ривал Реал Мадрид. Освен што секоја секунда од неговата игра е уметност, и бројките зборуваат сами за себе.

Така, во анкетата на мадридскиот спортски дневник Марка, кој е познат по својата блискост до Реал Мадрид и чии читатели во најголем број се навивачи на овој клуб, дури 68% од читателите гласале дека Меси е најдобар фудбалер на сите времиња. Во анкетата што беше поставена на интернет-страницата на реномираниот весник учествувале околу 75 илјади читатели и две третини од нив сметаат дека малиот Аргентинец е најдоброто што излегло во фудбалот од постоењето на овој спорт. Ваквите резултати од гласањето доаѓаат на нешто повеќе од три недели пред големото Ел Класико што се игра на 11 април на Сантијаго Бернабе, а кое може да го одлучи прашањето околу новиот првак на Шпанија.

И порано имало примери кога навивачите на Реал со овации ги поздравувале фудбалерите на својот најлут ривал. Последен од нив е оној од 2005 година кога цел Бернабе стана да му честита на Роналдињо за неверојатното издание во дербито кое Барса го доби со 3:0, а Бразилецот постигна два гола. Такво нешто доживеа и Диего Марадона пред повеќе од 20 години кога беше член на каталонскиот клуб.

Што се однесува до Меси, својата величина само ја потврди последната недела. Од 27 февруари досега има 11 гола во сите натпреварувања, а на последните два првенствени натпревари против Валенсија и Сарагоса постигна хет-трик. Во моментов е прв стрелец во Примера со 25 гола, пет повеќе од второпласираниот Гонзало Игуаин.

Аргентинецот и најплатен во светот

Францускиот магазин Франс фудбал 11. година по ред го објави списокот на најплатени светски фудбалери и фудбалски тренери. Според ова издание, Лионел Меси годишно инкасира неверојатни 33 милиони евра, се разбира не само од фудбалот туку и од своите спонзори.

Меси води пред Дејвид Бекам, чија годишна заработка изнесува 30,4 милиони евра, а на третото место е Кристијано Роналдо со 30 милиони. Кај тренерите води Жозе Мурињо од Интер со 13 милиони пред Луис Фелипе Сколари, тренер на узбекистанскиот Бунјодкор, чија годишна плата изнесува 9,5 милиони евра.

Во Франција, најплатен фудбалер е аргентинскиот репрезентативец Габриел Хајнце (4,4 милиони евра) пред Јоан Гуркуф од Бордо и Луис Гонзалез од Марсеј со 4,3 милиони.

СТАТИСТИКА ЗА МЕСИ ВО ПРИМЕРА

ОДИГРАНИ НАТПРЕВАРИ 24

Стартер 21

Резерва 3

ГОЛОВИ 25

Со десна нога 4

Со лева нога 18

Со глава 3

УДАРИ НА ГОЛ 115

Со десна нога 16

Со лева нога 89

Со глава 10

Останато 2

КАРТОНИ 1

Жолти 1

Црвени 0

ДРУГИ ПОДАТОЦИ

Офсајди 7

Асистенции за гол 9

Загубени топки 204

Освоени топки 40

Меси верува дека еден ден со Аргентина ќе го освои Светското првенство.

"Убеден сум дека ќе го освојам Светското првенство, трофејот кон навистина многу го посакувам. Тоа е мојата голема желба. Му благодарам на Господ за титулите со мојот клуб. Единствениот трофеј кој ми недостасува е од СП", изјави Меси.

Чести се компарациите со Диего Марадона, но Меси инсистира дека тие се различни фудбалери, додавајќи:

"Диего е единствен и нема потреба да се споредувам со него. Но, сакам моето име да биде запаметено во историјата на фудбалот. Ако имам среќа да го сторам она што го направи Диего, тогаш ќе биде одлично", истакна "десетката" на Барса.

http://www.kurir.mk/sport/fudbal/62439-Mesi-Vo-Real-nitu-za-dvojno-poveke-pari" rel="nofollow - Меси: Во Реал ниту за двојно повеќе пари

Лионел Меси во 259 Ел Класико стана најдобар стрелец во историјата на дуелите помеѓу најлутите ривали Реал Мадрид и Барселона. Фантастичниот Аргентинец успеа да го надмине својот сонародник Алфредо Ди Стефано со постигнатиот хет-трик.

Lionel Messi

Меси до сега има одиграно 26 натпревари против Реал и има постигнато 21 погодок и 11 асистенции, а има и позитивен скор од 11 победи и 7 порази. Но тоа не е единствениот рекорд оборен на ова Ел Класико. Меси е единствениот играч во историјата кој постигнал два хет-трика на Ел Класико, и единствен играч на Барса кој постигнал хет-трик на Сантиаго Бернабеу.

Реал Мадрид е омилената жртва на малиот Аргентинец. Меси најмогу погодоци има постигнато токму против Реал Мадрид 21, еден помалку има постигнато против Атлетико Мадрид.

Еве ја листата на најдобри стрелци во историјата на Ел Класико:

1. Лионел Меси 21 (Барселона)

2. Алфредо Ди Стефано 18 (Реал Мадрид)

3. Раул 15 (Реал Мардид)

4. Цезар Родригез 14 (Барселона)

5. Франциско Генто 14 (Реал Мадрид)

6. Ференц Пушкаш 14 (Реал Мадрид)

7. Кристиано Роналдо 13 (Реал Мадрид)