Во Олимпискиот Национален Парк во Вашингтон се наоѓа дрво кое му пркоси на законот на гравитација. Борејќи се за својот живот, „Дрвото на животот“ се протега над бездна, закачувајќи се на карите со неколку цврсти ластари на своите корења.

Овој изненадувачки случај на растеж е резултат на тоа што карпата под него полека еродирала, но и покрај тоа, џиновското дрво продолжува да се бори за својот живот и да напредува.

http://www.motika.com.mk/wp-content/uploads/2015/11/05/dr01.jpg" rel="nofollow">

Неверојатното дрво сѐ уште разеленува секоја пролет и покрај тоа што неговите корења имаат многу мал допир со почвата. Иако бројни бури ја погодуваат крајбрежната област кадешто се наоа, сѐ уште не се превртело и осталано отпорно. Дрвото нема официјално име, но во областа го викаат „дрво на животот“ и „дрво-бегалец“.

http://www.motika.com.mk/wp-content/uploads/2015/11/05/dr02.jpg" rel="nofollow">

http://www.motika.com.mk/wp-content/uploads/2015/11/05/dr03.jpg" rel="nofollow">

Висечкото дрво не е единственото коешто успеало да расте во невообичаени услови. Друго „дрво на животот“ ги зачудува туристите со години – овој пат во Бахреин. Дрвото заштитено од УНЕСКО е старо приближно 400 годни. Се наоѓа во пустина и е единственото дрво со километри наоколу и покрај тоа што нема снабдување со вода. Се претпоставува дека дрвото црпе вода од длабочините благодарение на своите длабоки корења, но сѐ уште останува мистерија.

http://www.motika.com.mk/wp-content/uploads/2015/11/05/dr06.jpg" rel="nofollow">

Кривата Шума во Грифино, Полска, е исто така природно чудо сочинето од невообичаено искривени стебла. Покрај тоа, дрвото бомбакс (свилено памучно дрво) во Та Пром, Камобџа, е фасцинантна глетка со своите големи корења обвиткани околу чудесен храм.

http://www.motika.com.mk/wp-content/uploads/2015/11/05/dr05.jpg" rel="nofollow">

   http://www.motika.com.mk/wp-content/uploads/2015/11/05/dr04.jpg" rel="nofollow">

Некои од овие стари дрвја изгледаат прекрасно и величествено, и сѐ уште го обновуваат своето зеленило, додека други се исушиле и станале извртени, изветвени од пожари, ветришта и дожд. Како и да е, овие дрвја стојат како сведоштво за нивното преживување и нѐ потсетуваат за тоа колку краток е нашиот престој на оваа планета.

Метузалем, Инјо Каунти, Калифорнија

Метузалем е стар 4.840-годишен долговечен бор кој расте во Белите Планини во Инјо Каунти во источна Калифорнија. Многу години ова дрво се сметало за најстариот неклонски жив организам, сѐ додека приматот не му бил одземен со откритието на друг долговечен бор во 2013г. во истата област, коешто е старо 5.064 години.

Точната локација на метузалемското дрво се крие од јавноста за да се заштити од вандализам, и се знае само областа каде се наоѓа, како тоа дека расте на надморска височина од 2800 до 3000 метри.

Пандо, национален парк Фишлејк, Јута

Пандо, уште познат и како Треперливиот Џин, е трепетлика за која се претпоставува дека е стара 80.000 години. Се претпоставува дека дрвото има огромен коренски систем и севкупно растението тежи 6.600 тони, што го прави најтешкиот жив организам.

Секое стебло поединечно живее 40-150 години над земјата, но коренскиот систем на колонијата е долговечна, испраќајќи нови и нови стебла како што постарите умираат, ширејќи се околу метар со секоја година, понекогаш покривајќи и цели хектари земја.

Џаја Шри Маха Боди, Адурадапура, Шри Ланка

Џаја Шри Маха Боди е света смоква во Анурадапура, Шри Ланка. Се вели дека е јужна варијанта на дрвото Бод Гаја, под коешто Буда го доживеал своето просветление. Било засадено приближно во 288 г.пр.н.е. и е најстарото дрво засадено од човек во светот со познат датум на засадување. Денес тоа е едно од најсветите реликвии на будистите од Шри Ланка и е почитувано од будистите од целиот свет.

Старото Тико, Даларна, Шведска

Ова е 9.550 – годишна смрека за која се сметало дека е најстарото дрво во светот.

Лангернивска тиса, Велс, Велика Британија

Лангернивската тиса е древно дрво кое се распаднало и неговата срцевина е изгубена, останувајќи само со неколку огромни гранки.Дебелината на дрвото при дното изнесува 10.75 метри.

Јомпн Суги, Јакушима, Јапонија

Дел од светското наследство на УНЕСКО, Јомон Суги е најстарото дрво на островот и се смета дека е старо 2170-7200 години.

Сарв-е Абарку, Јазд, Иран

Сарв-е Абарку, наречено и „Зороастриски сарв“ е стар чемпрес во Иран. Се смета дека дрвото е старо најмалку 4000 години, живеејќи низ целата зора на човечката цивилизација која се појавила во негова непосредна близина. Многумина сметаат дека ова дрво е најстарото во Азија.

Алерке, Чиле

Во 1993 година во Алерке бил најден примерок на чемпрес во Чиле стар 3622 години, со што тоа е најстарото дрво од било кој друг жив вид на дрво, веднаш после долговечниот бор.

Маслиновото дрво од Вувес, Крит, Грција

Маслиновото дрво од Вувес е веројатно една од најстарите маслини во светот и се наоѓа во селото Ано Вувес на островот Крит, Грција. И покрај тоа, ова дрво сѐ уште раѓа маслини.

Точната возраст на дрвото не може да се процени, бидејќи срцевината со текот на вековите исчезнала. Но со анализа на годовите се утврдило дека е старо најмалку 2200 години, а некои научници од Крит сметаат дека е двојно постаро.

Патриарка Де Флореста, Санта Рита До Паса Кватро, Бразил

Веројатно најстарото неиглолисно дрво Бразил се проценува дека е старо приближно 3000 години. Неговото име значи „Патријарх на шумата.“

Светиот банјан, Џјотисар, Индија

Светиот банјан наводно бил сведок кога богот Кришна го донел учењето за кармата, и се смета дека дрвото е старо 5000 години.

Локалната традиција вели дека е разгранок на оригиналното дрво, така што не е сосема јасно дали ова дрво е толку старо колку што се тврди.

Сложени и убави, дрвјата се едни од најпрекрасните чуда на светот на природата и се извор на разни неопходни нешта за човекот уште од самите наши почетоци.

Метузалем стар 4.843 години

Сместен во Белите Планини во Калифорнија, се смета дека овој долговечен бор е најстариот жив организам сѐ до пронаоѓањето на уште еден кој е стар 5000 години.

На едно дрво растат 40 вида овошје

Ова дрво е скалемено така што може да расте 40 различни видови на овошје, почнувајќи од праски до цреши. Вистинско современо чудо, кое ги отвара вратите за слични вакви дрвја кои можат да помогнат во исхраната на луѓе во сурови средини.

144-годишна јапонска розова глицинија

Покривајќи површина од преку 2000 квадратни метри, ова дрво е дел од цветниот парк Ашикага во Јапонија уште од 1870 година. Поради природата на ширењето на глициниите, неговите тешки гранки денес се крепат на метални структури овозможувајќи им на туристите да прават неверојатни фотографии под неговата крошна.

Генералот Шерман, џиновска секвоја, е највисокото дрво во целиот свет

Наоѓајќи се во Националниот парк Секвоја во Калифорнија, ова величенствено дрво е високо преку 83 метри и се смета дека е старо помеѓу 2300 и 2700 години.

Африканските дрвја боабаб

Изгледајќи како нешто од некоја друга планета, дрвјата боабаб својот уникатен облик го должат на тоа што водата ја складираат во нивните стебла, поради долгите суши во суровите африкански климатски услови. За некои од овие дрвја се утврдило дека за време на дождовните сезони во нивните стебла успеваат да складираат преку 120.000 литри вода.

Ангелски даб

Се смета дека овој даб, кој се наоѓа во Чарлстон, Јужна Каролина, е стар речиси 1400 години. Некои од неговите гранки се долги околу 60 метри.

Циркуски дрвја

Овие генетски модифицирани дрвја биле дизајнирани од страна на хортикултурологот Аксл Ерландсон. Дрвјава можат да се виткаат во секакви форми, правејќи ги вистинска жива атракција.

Костенот на стоте коњи

Најстариот костен во светот е стар околу 4000 години, но тоа што го прави посебен овој сицилијански костен е легендата за него. Соред приказната, за време на едно невреме под него се засолнале 100 витези, што му го дало името на ова дрво.

Еукалиптус-виножито

Овие разнобојни дрвја имаат темнозелена кора која често ги менува нијансите со текот на возраста или како последица на влијанието на временските услови, што го прави да изгледа речиси како виножито.

400 годишно јапонско бонсаи

Иако сепак не е најстарото бонсаи, ова дрво е особено бидејќи успеало да ја преживее нуклеарната бомба врз Хирошима во 1945. Сега се наоѓа во Националниот Бонсаи музеј во Вашингтон, САД.

Дрвото од Туле

Овој чемпрес се наоѓа на градскиот плоштад во Санта Марија дел Туле во Мексико. Се смета дека неговото уникатно стебло е најдебелото во светот. Не се знае за точната старост на дрвото, но проценките се движат од 1200 до 5000 години.

Боаб дрвото-затвор

Шупливото стебло на ова боаб дрво во Дерби, Западна Австралија наводно било употребувано од страна на австралиските абориџини како затвор за нивните злосторници. Се разбира, ова е само легенда и нема цврст доказ дека навистина било така.

Уште еден стар даб, The Major Oak – стар 1000 години

Сместен во срцето на шумата Шервуд во Нотингамшир, Англија, ова дрво наводно било скривалиштето на Робин Худ. Во последните години станало слабо, поради што сега неговите гранки се поддржувани од структури направени од човечка рака.

Банјан

Банјан е вид смоква која започнува да расте врз стеблата на други дрвја. Дрвото домаќин на крај умира скапувајќи, давајќи му го препознатливиот „издлабен“ изглед на банјанот.

Неговите шуплини се дом за најразлични видови животни.

Маслината од Вувес

Се смета дека ова е најстарата маслина во светот. Проценето е дека Маслината од Вувес на Крит, Грција, е стара преку 3000 години, и сѐ уште раѓа маслини кои се крајно скапи.

Накривените дрвја од Слоуп Поинт, Нов Зеланд

Разните дрвја кои растат во јужната област на Нов Зеланд постојано се изложени на силни ветрови од Антарктикот. Нивната препознатлива накривеност е потсетник за издржливоста на Мајката Природа.

Во Западна Померанија, Полска, има една шумичка со обични борови којашто стана позната поради еден мал заплет во приказната – сите 400 стебла кои се наоѓаат таму имаат чудна закривеност кај нивниот корен.Дрвјата биле засадени во 1930 година во област која тогаш ѝ припаѓала на Германија.

Сите дрвја веднаш над почнвата имаат чудно скршнување од 90 степени, за потоа пак да почнат да се извишуваат во грациозна закривеност. Нивниот чуден, но прекрасен изглед совршено е овековечен во фотографиите на Килиан Шонбергер.

Никој со сигурност не знае како и зошто овие дрвја се искривени, но повеќето веруваат дека тоа се случило преку однапред смислен вештачки механички процес. Други пак теоретизираат дека мистериозната закривеност е резултат на обилен снег. Што и да е причината, со сигурност е глетка која заслужува да се види.

http://www.motika.com.mk/wp-content/uploads/2015/11/12/dr01.jpg" rel="nofollow"> http://www.motika.com.mk/wp-content/uploads/2015/11/12/dr02.jpg" rel="nofollow"> http://www.motika.com.mk/wp-content/uploads/2015/11/12/dr03.jpg" rel="nofollow"> http://www.motika.com.mk/wp-content/uploads/2015/11/12/dr04.jpg" rel="nofollow"> http://www.motika.com.mk/wp-content/uploads/2015/11/12/dr05.jpg" rel="nofollow"> http://www.motika.com.mk/wp-content/uploads/2015/11/12/dr06.jpg" rel="nofollow">