Господова вечер...
Испечатено од: IDIVIDI forum
Категорија: АРХИВА
Име на форумот: Вероисповед
Опис на форумот: право на избор
URL: http://forum.idividi.com.mk/forum_posts.asp?TID=14884
Датум на принтање: 23.Мај.2024 во 07:53
Верзија на софтверот: Web Wiz Forums 10.03 - http://www.webwizforums.com
Тема: Господова вечер...
Постирано од: zidarski
Наслов: Господова вечер...
Датум на внесување: 08.Август.2008 во 07:11
|
Во последниве неколку дена имавме доста неразбирања на форумов на различни теми, со различни луѓе... Секој секого убедуваше во нешто... секој со својата правдина...
Сакав да споделам со вас едно искуство од вечерва. Сеуште сум под влијание на емоциите, па не сум сигурен колку ќе биде тоа концизно и средено, но сметам дека сега е моментот да го искажам токму тоа што го видов и почувствував... знам дека ќе ме разберете и се надевам дека нема да го сфатите како некое проповедање или убедување, затоа што воопшто не ми е тоа намерата, туку само како едно емоционално набљудување кое го имав вечерва... една мала лична исповед... Една пријателка наша, додека ни беше на гости попладнево, качи температура, заради загноен заб кој ја мачи од утринава. Сето ова ќе изгледаше банално, ако пријателката не е бремена на крај на 4тиот месец... за оние што не знаат - високата температура кај мајката може да е погубна за бебето, а и во ситуацијава, гнојот од забот, може да предизвика инфекција на крвта, а не смее докторите ништо да направат се додека не спадне отокот, за да не се направи уште поголема инфекција. Пробавме со сите балкански и руски (таа е русинка) методи да ја симнеме температурата, но кога продолжи да се качува - отидовме до итното одделение на една болница која ни е во непосредна близина, и е веројатно најдобрата болница во Канада - Mount Sinai (Планината Синај). Доста симболично име, зарем не... Ја примија многу брзо и влегоа со жена ми внатре во одделението, а јас останав да чекам во чекалната... И набљудував... една вечер помината во чекална на итно одделение е лекција, која ретко каде се добива. Канада е веројатно најмултинационалното општество во светот - само во Торонто има околу 150 нации, и којзнае колку различни вери и деноминации... Вечерва во чекалната, како да имаше по еден претставник од сите. Сите беа таму, секој со својата мака. Лекарите и сестрите - исто - секој со различна нијанса и боја на кожата, секој со различен акцент, секој со различна вера... Сестрата која ја зема со себе мојата православна пријателка беше индускиња. Набргу потоа влезе едно младо семејство, жената во рана бременост, за жал со тешко крварење... мажот беше избезумен, жената одвај стоеше. Беа палестинци, а докторот кој веднаш скокна да и помогне и да ја однесе внатре беше со ланче околу врат на кое висеше ѕвездата на Давид... Малку подолу седеше една мексиканка со иконка на Богородица во раката и цело време тивко мрмореше молитви. До неа, седеа неколку африканци, кои молчаливо гледаа некаде неодредено. Насекаде имаше тегоба, мака, болка, надеж и вера. Дури и кај оние кои не веруваат во ништо, имаше надеж и вера... Ако некој ме праша каде беше Бог вечерва - ќе му кажам - во чекалната на итното оделение на Моунт Синаи во Торонто... Беше присутен заради молитвите, болката, тагата, надежта и верата на сите оние кои беа таму со некоја мака, дури и заради оние кои не го повикуваа и не веруваа во него, тој беше таму за нив... а беше преку сите оние доктори и сестри, кои како негови прецизни инструменти се одзиваа на молитвите и правеа се што знаат и умеат за да пружат малку љубов, за да ја надополнат надежта и верата... Бог вечерва не разликуваше дали некој е православен, индус, католик, протестант, муслиман, евреин... Вечерва Тој беше таму, заради сите нив, и преку сите нив. Вечерва Тој не ја укори бабата мексиканка затоа што се молеше на иконата на Богородица... не му објаснуваше на докторот евреин дека е крив за сите зла на светов, туку го водеше кротко за да и помогне на палестинката... не им се потсмеваше на оние кои боготворат крави, туку им беше благодарен затоа што беа таму и трчаа со сета сила, преданост и упорност, меѓу амбулантните коли и операционите сали... не праша дали некој ја знае Библијата на памет, ниту колку книги има во неа... не беше специјално наклонет на оние кои држеа на традицијата и на народните обичаи, туку подеднакво на сите кој од целиот свет беа собрани вечерва во таа чекална... Затоа што Бог вечерва беше тоа што е - Вера... Надеж... Љубов... како што и отсекогаш бил... Сигурен сум дека и вчера, а и утре, повторно ќе биде во истата таа чекална... сигурен сум дека е и во сите други чекални, секаде по светот... Но јас вечерва, бев таму... во чекалната на болницата Маунт Синаи во Торонто... и знаев дека е и Тој таму... едноставно душата моја го виде, го почувствува, му се заблагодари... го замоли да помогне на сите знајни и незнајни, онака, од навика и заради атер - затоа што и да не му побарав, Тој ќе го направеше тоа... затоа што Тој едноставно, е таков... добар... милостив... простува... А јас, по неколкуте тажни денови, на бесмислени расправии и разочарувања - си тргнав од најтажното и најболното место на светот - со надеж, со вера, со љубов... и со радост, затоа што повторно знам дека се има смисла. ------------- Do what is right, come what may... |
Коментари:
Постирано од: butel2
Датум на внесување: 08.Август.2008 во 09:05
| nesto raskazano so dusa , a se sto e raskazano so dusa , protkaeno so emocii e prekrasno. |
Постирано од: seka
Датум на внесување: 08.Август.2008 во 09:19
| Zidarski, ti blagadoaram sto ja spodeli tvojata "zivotna lekcija" so nas! I se nadevam deka sekoj od nas, barem ednas ke go dozivee toa custvo i tie emocii sto si gi pocustvuval i ti! Po nekogas zivotot neocekuvajci ni drzi takvi lekcii! Koi nikogas nema da gi zaboravime! Koi uste poveke ni potvrduvaat deka postoi nekoj, vo kogo VERUVAME, koj ne cuva i koj ne gleda!!! Se nadevam deka vasata prijatelka isto dobi dobra pomos i deka se e vo red! |
Постирано од: apce
Датум на внесување: 08.Август.2008 во 13:19
|
ete toa e GOSPOD GOSPOD ili ALLAH e eden i edinstven za site
narecete go kako sakate ------------- apce |
Постирано од: spiros
Датум на внесување: 08.Август.2008 во 13:38
|
Ете дури и таму длабоко во срцата на неговите непослушни чеда живее Господ - Духот БОЖЈИ - Отецот на Животот
Тој е ДОКТОРОТ над сите доктори, ГРАДИНАР над сите градинари Ги затвара пред гревоите очите - од љубов тоа го прави, а не поради долари или динари Цар над царевите, бидејќи најголемиот слуга ВИСТИНА една за сите - освен неа нема друга! Алах да те награди за оваа порака ------------- https://www.youtube.com/watch?v=IYjUGBIpD8I" rel="nofollow - Through the Blood of His Grace, we are Forgiven and Free, in Time & Eternity! БОГ да го благослови Авраам, Исаaк, Израил ...! |
Постирано од: maria_magdalena
Датум на внесување: 08.Август.2008 во 14:03
|
Zidarski, сите твои постови се убави, ама со овој пост се надмина себеси, бидејќи е повеќе од очигледно дека инспирацијата навистина дошла од “некаде горе“. И да, навистина се има смисла кога се прави во името на Единствениот кој се грижи за сите свои деца. ------------- МИСЛИТЕ СЕ ОСЛОБОДЕНИ ОД ДАНОК. |
Постирано од: zidarski
Датум на внесување: 08.Август.2008 во 14:57
|
Да, за среќа пријателката е подобро, не ја оставивме да си оди дома, спиеше кај нас, еве сега со жена ми пак ќе одат до болницата за уште една контрола...
Ви благодарам на сите за добрите желби и мисли. ------------- Do what is right, come what may... |
Постирано од: spiros
Датум на внесување: 08.Август.2008 во 18:30
|
Фала БОГУ што е подобро!
Нека таа и плодот во нејзината утроба бидат БЛАГОСЛОВЕНИ од Живиот ГОСПОД !. ------------- https://www.youtube.com/watch?v=IYjUGBIpD8I" rel="nofollow - Through the Blood of His Grace, we are Forgiven and Free, in Time & Eternity! БОГ да го благослови Авраам, Исаaк, Израил ...! |
Постирано од: spiros
Датум на внесување: 08.Август.2008 во 23:44
|
Оваа тема оди под кожа а мене ме погодува во СРЦЕ бидејќи се работи за сеопфатната ЉУБОВ БОЖЈА која треба да биде од сите луѓе највисоко почитувана. Таа сеинтегрална ЉУБОВ е ВИСТИНСКАТА СВЕТЛИНА и единствената смисла на животот, кон која „мораат“ сите луѓе без оглед на нивната национална и конфесионална припадност да и се посветат !
Мене лично ме погаѓа во СРЦЕ бидејќи мојот сакан и љубен син ( чиешто име на еврејски значи Љубен ) пред нешто повеќе од 9 години, само 9 зајдисонца после неговото раѓање, на истиот ден кога мојот телесен татко го славеше неговиот 50ти роденден, на истиот ден кога започна втората голема војна за косово (а јас сум од тетово), беше опериран на СРЦЕ. Чудесна е силата ГОСПОДОВА! Дури кога не му беше поставена дијагнозата (околу 3 месеци пред неговото раѓање) мојата жена инсистираше плодот што беше под нејзиното СРЦЕ да се вика Давид! Јас предлагав Михаил или Ѓорѓи а таа упорна како да е некој маж а не жена, велеше: Давид! И попуштив и се сложив незнаејќи дека после еден месец (значи два месеца пред породувањето) ќе му биде дијагностицирана тешка СРЦЕВА грешка која се појавува на 7 милиони новородени, еднаш . Наместо радосно очекување ние имавме најтажно можно очекување. Докторите не спремаја и ни рекоја дека или ќе умре или ако со голема среќа и голем операцијски подфат преживее, ќе биде најверојатно доживотен тежок инвалид. Можете да замислите што преставува тоа за една мајка и еден татко (кој е најголемиот од грешниците на овој свет што ќе бидат спасени). Јас се откажав однего и им реков да го извадат плодот и да не го мачат. Женами пак во чудесна љубов и непрестани солзи беше спремна докрај да се бори за својот љубен и суште невиден син. Еден месец пред породувањето додека бев на работно место во втора смена одеднаш почнаа да ми излагаат слики пред очите. Јас незнаев што е тоа. Помислев дека попуштам со паметот како последица на сите тие тажни абери. Погледнав околумене за да видам дали моите колеги приметуваат што се случува во мене и со мене. Немаше реакција од нив. Ги замолив да ме заменат за да можам да одам во „вц“ . Со молитва во срцето се миев со ладна вода. Кога се вратив, сликите пак познаа да се појавуваат. Го видов мојот син како 4 годишно момче, како трча потполно здраво по тревата во нашиот двор, рипајќи во мене и викајќи ТАТО! Овие слики ми го скршија СРЦЕТО! Ме исплашија, ме стресоја, бидејќи беа противни на најмодерните наоди на најмодерните машини и можеби на едни од најдобрите и најспремните доктори во европа. Но баш тие слики додека одев вечерта накај дома, почнаа во СРЦЕТО да ми даваат една неопишива надеж. Кога и кажав на женами дека го видов детето потполно здраво, со руса коса како нејзината и кафеави очи како моите, со какви црти и особености, таа почна да плаче погласно од секогаш дотогаш. Ме навреди дека сум еден фантаст или дека сум на пат да скренам. Тоа ми го угуши ДУХОТ кој ме тешеше. Кога отидов да спијам сликите пак се појавија. Четири години потоа во потполност се остварија. Пред извесно време ми дојде до рака една индијска „цд“ на која беа одцртани на една човечка силуета 7те чакри. Средната чакра беше чакрата на СРЦЕТО а нејзиниот знак беше Давидовата Звезда или т.н. Звезда Деница која помеѓу другото може да се сретне и на израелското знаме. Како молња (тетовчани велат „веда„) ми поминаа низ главата и срцето зборовите на СВ. Апостол Петар запишани во 2 Петрово 1:19. Простетеми што олку долго пишував! Јас неможам поинаку освен да го фалам Живиот сеопфатен Господ и неговата ЉУБОВ кон сите луѓе! АЛЕЛУЈА! ХАЛЕЛУЈАХ!Елхамдулилах! ------------- https://www.youtube.com/watch?v=IYjUGBIpD8I" rel="nofollow - Through the Blood of His Grace, we are Forgiven and Free, in Time & Eternity! БОГ да го благослови Авраам, Исаaк, Израил ...! |
Постирано од: maria_magdalena
Датум на внесување: 09.Август.2008 во 22:29
Халелујах, фала ти пријателе што го подели ова со нас па и мие да се радујемо и да го славимо Господа, а да слушна за Него и тија шо неверуја па да се обрата (проштеај ако га утнав ама мислим дека је таќе пошто ја свекоаш сум у право  ) ------------- МИСЛИТЕ СЕ ОСЛОБОДЕНИ ОД ДАНОК. |
Постирано од: butel2
Датум на внесување: 10.Август.2008 во 09:52
|
tie sto ne veruvaat,sigurno nema da se obratat....
od pocit kon Zidarski i zatoa sto ova se sepak slucki koi se od licen karakter nema da komentiram ponatamu |
Постирано од: maria_magdalena
Датум на внесување: 10.Август.2008 во 10:15
Butel, точно е дека тие што не веруваат нема да се обратат.
Но Исус рече: “На болните ум треба лекар а не на здравите“, а во случајот кој ни го даде спирос имаме човек кој не верувал-но поверувал и се крстил (по некој “иделен“ редослед). Нему Бог му дал објава, и тој не се двоумел.
Некои што не веруваат ќе поверуваат преку слушање, некои со самоспознание (трагање), или како во случајот на овој човек-со објава од Бог која овој ја препознал во сонот).
Значи и тој што не верувал-МОЖЕ да поверува и да се обрати. ------------- МИСЛИТЕ СЕ ОСЛОБОДЕНИ ОД ДАНОК. |
butel2 напиша:Постирано од: spiros
Датум на внесување: 10.Август.2008 во 12:05
Фален и Славен да е ГОСПОД довека! ГОСПОД е само во право сестричке! А ако Тој ЦАР НА ЉУБОВТА те натерал на нешто што е ВОЛЈА Негова, кој сум пак јас да му се противам Нему? Мир, Љубов и Спасение до сите и за сите АМИН ------------- https://www.youtube.com/watch?v=IYjUGBIpD8I" rel="nofollow - Through the Blood of His Grace, we are Forgiven and Free, in Time & Eternity! БОГ да го благослови Авраам, Исаaк, Израил ...! |
Постирано од: maria_magdalena
Датум на внесување: 10.Август.2008 во 12:08
|
На дијалектот мислев со она “право сум“, дали ти го погодив... Инаку фала уште еднаш за ова сведоштво ------------- МИСЛИТЕ СЕ ОСЛОБОДЕНИ ОД ДАНОК. |
Постирано од: spiros
Датум на внесување: 10.Август.2008 во 12:45
Твојта љубов е поважна од секој диалект и јазик! ------------- https://www.youtube.com/watch?v=IYjUGBIpD8I" rel="nofollow - Through the Blood of His Grace, we are Forgiven and Free, in Time & Eternity! БОГ да го благослови Авраам, Исаaк, Израил ...! |
Постирано од: maria_magdalena
Датум на внесување: 10.Август.2008 во 12:46
|
Се надевам дека ја почувствува. ------------- МИСЛИТЕ СЕ ОСЛОБОДЕНИ ОД ДАНОК. |
Постирано од: maria_magdalena
Датум на внесување: 10.Август.2008 во 12:47
|
“По љубовта ќе ве познаат дека сте мои ученици“ ------------- МИСЛИТЕ СЕ ОСЛОБОДЕНИ ОД ДАНОК. |
Постирано од: spiros
Датум на внесување: 10.Август.2008 во 14:01
Биди сигурна во НАДЕЖТА и ВЕРАТА своја ! во ЉУБОВ спирос ------------- https://www.youtube.com/watch?v=IYjUGBIpD8I" rel="nofollow - Through the Blood of His Grace, we are Forgiven and Free, in Time & Eternity! БОГ да го благослови Авраам, Исаaк, Израил ...! |