МАШКАТА РЕПРЕЗЕНТАЦИЈА НА МАКЕДОНИЈА УТРЕ ПАТУВА ЗА ИСЛАНД КАДЕ В НЕДЕЛА ГИ ИГРА РЕВАНШОТ ОД БАРАЖОТ ЗА СП 2009

Со умерен оптимизам за Рејкјавик

Сениорите со осум гола позитива утре ќе патуваат за Исланд, каде в недела ќе се обидат да дојдат до резултат кој ќе ги одведе на Светското првенство во Хрватска на почетокот на следната година.

БАРАЖ ЗА СП 2009
Недела, 15.06.2008
ИСЛАНД - МАКЕДОНИЈА 18:00ч
Рејкјавик, Исланд. Прв меч: 26:34
Судии: Мирослав Баум и Марек Горалчук од Полска
Делегат: Роже Ксену од Белгија

МАКЕДОНСКИОТ ПРВАК СО МАЛКУ СРЕЌА ЌЕ СЕ НАЈДЕ МЕЃУ 32-ТЕ ЕКИПИ ВО ЛИГАТА НА ШАМПИОНИ

Лесно за Металург?

Македонскиот првак Металург не би требало да има поголеми проблеми за да стигне до пласман во натпреварите по групи во Лигата на шампионите.

Металург, сепак, ќе мора во квалификациите, кои знаат да бидат и прилично незгодни. Пред две сезони Металург ја доби Брага за противник и иако победи и на двата дуела, тоа воопшто не беше наивна пресметка. Португалскиот шампион и годинава е меѓу екипите кои се можни противници на Металург. Не е Брага, туку Бенфика. Сеедно, лош противник и среќа е што таа е веројатно единствената екипа од осумте можни противници која може да направи проблем. Така на Металург ќе му треба само малку среќа за да ја избегне оваа екипа. Со оглед на тоа како мина пред две години со ждрепката, ред е фортуната да го помилува овој пат. Најдобро би било среќата да го испрати Металург на патување во Белгија или Луксембург, можеби повторно на Кипар. Не се лоши противници ниту Полва Сервити, која лани беше лесно елиминирана од Вардар, ниту, пак, Гранитас Каунас од Литванија. Црвена Звезда звучи малку поопасно, но Металург редовно излегува како победник од дуелите со "црвено-белите" на контролните натпревари, а и во голема криза се наоѓа овој тим, практично на ивица да се "распадне". Но, Ц. Звезда како и Бенфика не се екипи кои би ги посакал за противник македонскиот првак.

Ждрепката ќе биде извршена на 1 јули во Виена, а три дена подоцна во Гетеборг ќе биде извршена уште една ждрепка. За комплетната Лига на шампиони, по што ќе биде познато какви шанси ќе има Металург или кои екипи ќе ги гледаме во Скопје следната есен.

Можни противници се сите учесници, а посебно интересна треба да биде третата група, во која освен Портланд Сан Антонио сите други противници се екипи кои можат и би требало да загубат во Скопје. Среќа ќе му биде потребна на Металург во тој дел, со евентуално добивање на полесен противник од третата група шансите за пласман на минимум третото место нема да се воопшто мали.


1. Група

Сиудад Реал Шпанија

Кил Германија

Веспрем Унгарија

Монпеље Франција

Целје Словенија

Копенхаген Данска

Ч. Медведи Русија

Загреб Хрватска

2. Група

Барселона Шпанија

Флензбург Германија

Сегед Унгарија

Шамбери Франција

Цимос Копер Словенија

Гог Гудме Данска

Адемар Леон Шпанија

Хамбург Германија

3. Група

Портланд СА Шпанија

Амичитиа Швајцарија

ЗТР Запорожје Украина

Висла Плок Полска

Хамарби Шведска

Босна БиХ

Татран Прешов Словачка

Драмен Норвешка

Квалификации носители

Карвина Чешка

Стеауа Романија

Металург Македонија

А1 Брегенц Австрија

Хаукар Исланд

Дукас Грција

Брест Белорусија

Касарано Италија

Квалификации

Ц. Звезда Србија

Гранитас Литванија

Полва Сервити Естонија

Кипрус Колеџ Кипар

Измир Турција

Бенфика Португалија

Сашја Белгија

Дуделанж Луксембург

ЖДРЕПКА ЗА ЕП 2008

Македонија во третиот шешир

Македонската женска сениорска репрезентација е рангирана во третиот шешир за ждрепката која на 20 јули ќе се одржи во Охрид. Македонија, које е домаќин на првенството, е заедно со селекциите на Данска, Австрија и Шпанија и против нив нема да може да игра во првата фаза од натпреварувањето.

Франција од првиот, Португалија или Шведска од вториот и Белорусија или Србија од последниот шешир се екипите кои Македонија ги посакува за можни противници.

ЕХФ објави и тоа дека билети за натпреварите од Европското првенство ќе можат да се купат од 15 септември, а последниот рок за акредитирање ќе биде 31 октомври.

1 Шешир:

Норвешка

Русија

Франција

Германија

2. Шешир:

Унгарија

Шведска

Хрватска

Португалија

3. Шешир

Македонија

Данска

Австрија

Шпанија

4. Шешир:

Србија

Белорусија

Романија

Украина

Крај на постот, Македонија оди на СП!

ИСЛАНД - МАКЕДОНИЈА 30:24 (13:13)
Рејкјавик, гледачи: 3000
Судии: Мирослав Баум и Марек Горалчук од Полска
Делегат: Роже Ксену од Белгија

Исланд:

Х. Гудмундсон 10 одб.

Б. Гудмундсон 5 одб.

Сваварсон 2

С. Сигурдсон -

Халмгримсон -

Атласон 2

Јонсон -

В. Сигурдсон 9

Гудјонсон 8

Стефансон 7

Холмгеирсон -

Петерсон 2

Јакобсон

Седмерци: 2/3

Исклучувања: 12 мин.

Македонија:

Ристовски 15 одб.

Ангелов -

Алушевски 2

К. Лазаров 10

Митков -

Темелков 2

Миркуловски 2

Маркоски 1

Мојсоски 4

Димовски 2

Ф. Лазаров -

Макалоски -

Ѓоргоноски -

Стојановиќ 1

Седмерци: 2/2

Исклучувања: 6 мин.

Таму каде што почна црната серија на македонскиот репрезентативен ракомет, таму и заврши. На Исланд, во Рејкјавик. Вчера македонските ракометари го тргнаа прашалникот од прашањето која ќе биде последната европска репрезентација која ќе оди на мундијалот во Хрватска.

Тоа е Македонија. Во четвртата пресметка, конечно, ги елиминира Исланѓаните и го прекина проклетството кога се во прашање баражите.

Клучни во целата пресметка со островјаните беа осумте гола разлика кои беа извојувани во Скопје. Во натпревар во кој не недостасуваа возбудувања, Македонија загуби со шест и од денеска почнува нова ера.

Исланд и на реваншот н$ почасти со бавна игра, нешто што македонските ракометари сигурно го посакуваа како тактика. Веројатно нивната математика се темелеше на тоа постепено да ја намалуваат разликата и да чекаат Македонија да почне прва да попушта под притисокот.

За среќа, Македонија покажа доволно зрелост за да не дозволи рано да се направи притисок.

По 12 минути игра беше 4:4, со неколку пропуштени шанси од наша страна и за подобар резултат. Првата криза во македонскиот тим се почувствува во периодот меѓу 12. и 17. минута. Тогаш Исланд направи серија од 3:0 и за првпат на мечот дојде до посолидно водство (7:4). Кирил Лазаров и Филип Миркуловски постигнаа важни голови во тој период, па Македонија се врати на минус еден (7:6), но веднаш по тоа Исланд одново влезе во серија и стигна до најголемото водство до тој момент (10:6).

Плус четири и 40 минути за играње е веројатно нешто што Исланд посакуваше во своите пресметки. Македонските играчи тогаш покажаа дека се зрели за пласман на мундијалот.

Се соземаа, одиграа како што треба и во одбрана и во напад и стигнаа до 10:9 во 25. минута од натпреварот. Во завршните минути од првото полувреме, уште и дополнително го исфрустрираа противникот и стигнавме до егал (13:13) на паузата.

Со тоа Македонија имаше плус осум гола и само уште 30 минути за играње.

Второто полувреме го донесе финалното одбројување. Секој прекинат напад, секоја освоена топка, секоја потрошена секунда значеше чекор поблиску до мундијалот во Хрватска.

Исланд набрзина дојде до плус два (17:15, 37 мин.). Всушност тоа беше нивниот прв обид да стигнат до првенството. Двата гола беа дел од серијата со која стигнаа до плус 4 (19:15).

И, исто како и во првиот дел, Македонија уште еднаш се врати во игра. Намаливме на 19:18, пред одново да влеземе во криза и да и дозволиме да стигнат до плус четири (24:20).

Но, време имаше с$ помалку. Македонските ракометари тактички одлично ги извршуваа задачите и Исланѓаните немаа многу избор во играта. На пет минути до крајот резултатот беше 25:22, Исланд беше крајно исфрустриран, но Македонија покажа дека има уште работа пред неа.

За само една минута можеше с$ да оди в неврат. Следеа три неизнудени грешки и избрани потези и во 57 минута Исланд имаше плус шест (28:22). Се можеше да се случи во тие три минути. Но, среќата овој пат не ни го заврте грбот. Македонија тргна во последен напад на 30 секунди до крајот, Исланд имаше плус седум, само гол го делеше од пласман на првенството.

Полјаците сигнализираа пасивна игра, но Кирил Лазаров со десеттиот гол ја запечати судбината на "рибарите".

"Честитам на сите мои соиграчи. Не е мала работа за државичка како Македонија да се најде на светско првенство. Бевме оспорувани, но докажавме дека имаме квалитет. Ги паметиме сите проблеми кои ги имавме во овие квалификации, како беше со Португалија, кога се собравме, како игравме. Но, останавме силни и успеавме да го надминеме сето тоа. Ова не е крајниот дострел на оваа репрезентација. Со правилни подготовки и добар план ќе траеме уште седум осум години и ќе н$ има на СП и ЕП", изјави Кирил Лазаров, ракометарот кој годинава доби уште еден двобој на највисоко ниво со некогаш најдобриот десен бек на светот, Олафур Стефансон и е с$ поблиску до моментот кога ќе мора да му биде оддадено должното признание.

Борко Ристовски уште еднаш одличен. 15 интервенции, секоја исклучително важна. Честитки заслужуваат буквално сите, секој понесе дел од товарот и учествуваше во креирањето на овој, најголем репрезентативен успех на машките сениори.

Можност за пречек на ракометарите

За сите заинтересирани кои сакаат денеска да ги пречекаат македонските ракометари при враќањето од Исланд, Ракометната федерација на Македонија и Агенцијата за спорт и млади организираат превоз до аеродромот Александар Велики. Тргнувањето е точно во 14 часот од пред новата Автобуска станица.

Ц. Гора, елиминирана

РОМАНИЈА - Ц. ГОРА 29:25 (27:31)

Ц. Гора нема да се појави на мундијалот во Хрватска. По почетниот успех на оваа репрезентација, (како дебитанти играа на ЕП) сега стигна приземјувањето. Прво во женскиот, сега и во машкиот тим.

Инаку, имаа Црногорците убав резултат до 36 минута (15:14), но доволни беа две исклучувања за Романија да направи серија од 5:1 и да ја анулира нивната предност.

Последниот воз замина во 58 минута од натпреварот, кога Романија водството од 26:23 го зголеми на плус шест (29:24), а последниот гол на Црна Гора не вредеше ништо.

Стоп за Словенија!

СЛОВАЧКА - СЛОВЕНИЈА 29:28 (33:33)

Низата од девет едноподруго настапи на големите натпреварувања за Словенците заврши во словачкиот Левице. По ремито во "Златорог", Словенците минимално поразени во Словачка и на мундијалот во Хрватска ќе бидат гледачи.

Резултатски натпреварот беше тесен во текот на сите 60 минути, со тоа што Словачка го диктираше темпото. Нивната колективна игра беше клучна во финишот кога Словенците освен Жвижеј (11 гола) не можеа да најдат расположен стрелец во своите редови, по што мораа да се помират со судбината.

Полска без ризик

ШВАЈЦАРИЈА - ПОЛСКА 24:22 (24:32)

Избраниците на поранешниот македонски селектор Драган Ѓукиќ, сега кормилар на Швајцарија, имаа малку шанси против далеку посилната репрезентација на Полска.

По минус 8 во Киелце, јасно беше дека нема да можат да направат подвиг, единствено им остана чесно да си ја одработат задачата. Тоа и го сторија, победија 24:22, резултат со кој Полска заминува на првенството.

Во поголемиот дел резултатот беше изедначен. Познатото бековско дуо (Биелецки-Лијевски) постигна вкупно 3 гола, но Полска не беше во реална опасност.

Адиос Грција

ГРЦИЈА - ШПАНИЈА 32:31 (24:32)

Како што и се очекуваше, Шпанија без проблем ја елиминираше Грција. По победата од осум разлика во Шпанија прашање беше само со каков скор.

Грците победија, утешно, не не беа ниту блиску до изненадување.

На одмор се замина со еден разлика за Грција, во вториот дел Шпанците без мака ја одржаа таа разлика.

Русија се прошета во баражот

РУСИЈА - БЕЛОРУСИЈА 34:30 (26:26)

Белорусите само во еден период, кон средината на првото полувреме имаа период во кој можеби се понадеваа на пласман на првенството. Водеа со 10:9, но набрзо Каманин и Игропуло ја однесоа Русија во водство кое на полувреме изнесуваше два разлика.

Во второто полувреме Русија речиси цело време имаше водство од 4 до 6 гола разлика и на крајот без возбудувања го финишираше натпреварот.

Норвешка со 2 победи

Украина - Норвешка 30:32 (22:27)

Норвешка, противникот на Македонија во идните квалификации, е единствената репрезентација која со 2 победи го одигра баражот.

По 27:22 дома, Норвежаните не им дадоа шанса на Украинците да се понадеваат на изненадување ниту на како гости.

На полувреме Норвешка водеше 18:12 и со петте гола од првиот меч тоа правеше разлика од 11 гола. Недостижно за Украина, која успеја да намали на минус два колку впечатокот да не биде толку лош.

РЕПРЕЗЕНТАТИВКИТЕ СЕ СЕЛАТ НА ЈУГОТ ОД ЗЕМЈАТА

Од денеска надвор од Скопје

Женската јуниорска репрезентација на Македонија по тренинзите во Скопје, во салата во Автокоманда во следните седум дена ќе се подготвува надвор од главниот град и заминува за Негорски бањи. Ова ќе биде базата во која ќе се одработат вкупно 12 тренинзи бидејќи ќе се претстојува вкупно седум дена.

На овие подготовки Георгиевски и Петрушевски сметаат вкупно на 17 ракометарки. Ова се девојките кои влегоа во конк*ренција за овој собир, но с$ уште ќе мора да ги покажуваат своите квалитети доколку сакаат да си ја задржат позицијата и да играат на Мундијалот од 21 јули до 3 август.

Инаку, се патува денеска, а вечерва ќе биде одржан првиот тренинг. Од утре до сабота секој ден ќе има сигурно по два тренинзи, но можно е темпото да биде и засилено доколку има можност. Оваа екипа од 17 ракометарки се враќа во Скопје в недела, па потоа ќе следува една седмица тренирање во Скопје пред ново заминување, овој пат во Виница.

Во Негорски бањи според програмата која ја има стручниот штаб ќе се работи главно на подобрување на физичката подготвеност на ракометарките. Покрај тоа веројатно главно во вечерните термини ќе се увежбуваат и елементи од техничко-тактичкиот дел, како би можело во следните фази да се продолжи со уште посилна работа посебно на овој план.

Веќе ќе се почне и со собирање информации за противниците со кои играме во групата од првата фаза, па ќе може и тренинзите да се прилагодуваат на она што е дојдено како информација.

Д. М.

СОСТАВ

ГОЛМАНИ

Фросина Крстевска (Еуростандард Ѓ. П.)

Елизабета Стојановиќ (Металург Скопје)

Наташа Антиќ (Кастратовиќ)

ЛЕВИ КРИЛА

Ива Стојковска (Еуростандард Ѓ. П.)

Цветанка Срњаковска (Кабран А.)

ДЕСНИ КРИЛА

Симона Николовска (Кометал Ѓ. П.)

Симона Гроздановска (Кале Кичево)

ЛЕВИ БЕКОВИ

Ивана Петковска (Кометал Ѓ. П.)

Марија Когој (Универс 1)

Елена Димковска (Вардар Осигурување)

СРЕДНИ БЕКОВИ

Марија Штериова (Еуростандард Ѓ. П.)

Беба Белма (Металург Скопје)

Теодора Ефремова (Еуростандард Ѓ. П.)

ДЕСНИ БЕКОВИ

Елена Георгиевска (Кометал Ѓ. П.)

Анета Анчевска (Кожувчанка)

ПИКЕРИ

Кристина Илиоска (Универс 1)

Марија Серафимовска (Металург Скопје)

Што се случува со Мркиќ?

Левиот бек на Еуростандард Ѓ. Петров, Савица Мркиќ, која беше предвидена за настап во јуниорската репрезентација с$ уште се нема појавено на тренинзите. Иако беше во план за сите претходни собири на јуниорките таа ниту еднаш не се приклучи. Последниот обид беше во четвртокот, кога имаше состанок со неа и стручниот штаб, но одново не се појави на тренинг.

Според ова веќе станува јасно дека ракометарката сама се откажува од играњето во националниот состав, така што се продолжува со овој состав со кој денеска се заминува во Негорски бањи.

МАКЕДОНСКИТЕ РЕПРЕЗЕНТАТИВЦИ ВЧЕРА СЕ ВРАТИЈА СО КРЕНАТИ ГЛАВИ ОД ИСЛАНД ОПРАВДУВАЈЌИ ГО ОПТИМИЗМОТ СО ПЛАСМАНОТ НА СП 2009 ВО ХРВАТСКА

Величествен дочек за хероите

Вчера беше прекрасно да си Македонец бидејќи целиот ракометен свет зборуваше само за едно, за големата победа против учесникот на Олимписките игри, Исланд. Македонските репрезентативци по големиот успех пристигнаа на аеродромот во Скопје "Александар Велики", а беа пречекани на величествен начин.

Музика, аплаузи, скандирање на имињата на ракометарите, на земјата... Сите сложни и сите заедно без двоење, покажувајќи дека само сложно можеме да стигнеме до посакуваниот резултат. Над 300 навивачи вчера ги пречекаа на аеродромот. Потоа имаа прием кај премиерот, а денеска ќе бидат примени и во МОК. Од неделата ова се нашите нови херои коишто заслужуваат да бидат прославувани од сите коишто барем малку го сакаат ракометот, а тоа беше потврдено и вчера на аеродромот. Македонија има причина за радост и прослава бидејќи успеавме во она што го замисливме.

Почнавме во јануари, кога одбранетиот седмерец на Ристовски во Португалија н$ однесе во баражот. Следуваше Балканијадата, па "Трофејот Македонија" и на крајот стариот должник, Исланд. И стигнавме до успех и учество на Светското првенство во Хрватска.

Македонските репрезентативци покажаа дека заслужуваат да се рамо до рамо со големите. Дека заслужуваат да играат секогаш во полна сала и секогаш да имаат поддршка каква што имаа пред с$ во баражите против Исланд. Ред е да има малку одмор, а потоа ќе се фати нов залет за јануари кога ќе треба некои други репрезентации да се најдат на нашиот список.

Д. М.

ИЛИЈА ТЕМЕЛКОВСКИ (СЕЛЕКТОР)

Ова не е последниот збор

"Ова е голем ден за нас. Долго го чекавме пласманот на сениорската селекција на големите натпреварувања. Драго ми е што можевме во ваков број да го прославиме тоа. Јас се гордеам со моите ракометари и можам да кажам само дека ова не е последниот збор на оваа генерација бидејќи допрва следува вистинското од нив".

КИРЕ ЛАЗАРОВ (КАПИТЕН)

Допрва ќе следуваа резултатите

"Свесни сме за резултатот којшто успеавме да го постигнеме, но нема да летаме во облаци. Ова не е последниот збор на оваа генерација бидејќи допрва ќе следуваат резултатите од нас. Ќе прославиме за ова што го направивме, па кога ќе дојде време одново ќе покажеме колку вредиме. Се надевам дека ќе добиеме можност за добри подготовки и на СП да се прикажеме во одлично издание".

РАКОМЕТАРИТЕ ГИ ИЗРАДУВАА СИТЕ ЉУБИТЕЛИ НА СПОРТОТ ВО ДРЖАВАТА

Македонија во мундијалски транс

МАКЕДОНСКИОТ ПРВАК ДИРЕКТНО СЕ ПЛАСИРАШЕ ВО НАТПРЕВАРИТЕ ПО ГРУПИ ВО ЛИГАТА НА ШАМПИОНИТЕ

Кометал избегна квалификации!

За разлика од машкиот првак, Металург, кој ќе мора да одигра едно квалификациско коло, женскиот шампион, Кометал Ѓ. П., и оваа сезона ќе игра директно во Лигата на шампионите.

Пресметките на ЕХФ отидоа во корист на Кометал Ѓ. П., иако македонскиот клуб бележи постојан пад и од првиот, сега се наоѓа во третиот, последен шешир кој обезбедува директно играње во натпреварите по групи.

Друштво на Кометал во оваа треторангирана група на клубови му прават прваците на Германија, Романија и Црна Гора и против нив нема да може да игра во првата фаза на Лигата на шампионите. Но, затоа од другите два шешири доаѓаат добро познати имиња, клубови против кои некогаш не само што беше рамноправен туку и ги победуваше. Сега тие се во улога на големи фаворити.

Од првиот доаѓаат двата руски тима, Звезда и Лада Тољати. Првиот во улога на бранител на титулата, вториот како сопствениот на шампионскиот пехар во Русија. Данскиот Виборг, веројатно најскапиот тим во моментов и добропознатиот Хипо од Виена.

Ништо подобро не доаѓа ниту од вториот шешир. Крим Меркатор, тим кој се наоѓа во слична надолна линија, како и Кометал е единствениот посакуван противник. Ѓер е секоја година с$ посилен, Ларвик никогаш и не бил слаб, а релативна енигма е Елда од Шпанија. Но, добро е познато дека на Кометал не му оди против шпански екипи, па така Крим останува единствена добра опција.

Вистинки пекол ги очекува екипите кои ќе треба да го пополнат четвртиот шешир. Многу некогаш силни екипи сега ќе мораат низ квалификациско сито.

Икаст, Дунафер, Мотор, Подравка, Мец се само дел од екипите кои ќе чекаат разврска од претквалификациите, за по тоа да ги добијат своите противници во вториот квалификациски циклус. Овој систем се игра втора сезона по ред. Се организираат претквалификациски групи, а победниците одат во второто квалификациско коло.

Се игра турнирски, а домаќините главно доаѓаат од шеширот со носители. Годинава во најповолна позиција да ги организираат групите се Икаст, Дунафер, Целје и Иткаксо Естела од Шпанија.

Ждрепката во која Кометал ќе ги добие своите противници ќе се одржи заедно со ждрепката за машката Лига на шампиони, на 4 јули во Гетеборг, како збогатување на најголемиот турнир во млади категории, Партиле Куп кој Швеѓаните го организираат секоја година.


ЛИГА НА ШАМПИОНИ 2008/09

1. Шешир

Звезда Звенигород Русија

Виборг Данска

Лада Тољати Русија

Хипо Австрија

2. Шешир

Ѓер Унгарија

Крим М. Словенија

Елда Престиго Шпанија

Ларвик Норвешка

3. Шешир

Кометал Ѓ. П. Македонија

Нирнберг Германија

Олчим Влчеа Романија

Будуќност Ц. Гора

Квалификации:

1. Шешир:

Икаст Данска

Дунафер Унгарија

Целје Словенија

Естела И. Шпанија

2. Шешир

Бјасен Норвешка

Лајпциг Германија

Рулментул Романија

Подравка Хрватска

3. Шешир

Стјарнан Исланд

Мотор Украина

Љублин Полска

Мец Франција

Претквалификации:

Братислава Словачка

Патрас Грција

Мили Пјанго Турција

Мадеира Португалија

Наиса Ниш Србија

Сасари Италија

Амстердам Холандија

Брул Швајцарија

ДЕЛ ОД ЧЛЕНОВИТЕ НА СЕНИОРСКАТА МАШКА РЕПРЕЗЕНТАЦИЈА НА МАКЕДОНИЈА ВЧЕРА НА ПРЕС-КОНФЕРЕНЦИЈА ГОВОРЕА ЗА ПЛАСМАНОТ НА СП

Постот заврши, време е за добри резултати

Машката сениорска селекција во јануари следната година ќе игра на СП во Хрватска, а уште отсега се најавува дека овие ракометари ќе имаат што да кажат и на тој шампионат.

РЕПРЕЗЕНТАТИВЦИТЕ ВЧЕРА ВО ЦЕНТАРОТ НА ВНИМАНИЕТО

30.000 евра награда од УО

Машката сениорска селекција и два дена по остварувањето на големиот успех беше во центарот на вниманието. Вчера репрезентативците беа примени во МОК од страна на претседателот Васил Тупурковски, а потоа беа и на средба со членовите на УО на РФМ. На оваа средба беше соопштена и наградата која ќе ја добијат за пласманот, па ракометарите ќе добијат вкупно 30.000 евра за остварениот пласман на Светското првенство.

Покрај оваа награда тие имаат ветено уште 20.000 евра од Агенцијата за млади и спорт, така што добиваат една солидна сума за оствареното. Сепак, од она што можеше да се види наградата е во втор план бидејќи во прв план беше бранењето на дресот со националниот грб и тоа беше остварено на вистински начин. Се играше со срце и тоа беше потврдено на најдобриот можен начин, со пласман на Мундијалот.

На средбата со Костовски му беше врачен дрес за спомен од оваа селекција за оствареното.

"Сакам и понатаму да продолжиме вака заедно да чекориме кон успехот. Потврдивме дека тимот ни е на прво место. Сите бевте едно и направивте одличен резултат, а во иднина сакам да продолжиме во ист стил и да бележиме одлични резултати бидејќи ова е одлична генерација", рече Костовски при вчерашното обраќање кон ракометарите честитајќи им го големиот успех.


На Олимпијада во 2012 година

На вчерашниот прием во МОК Кире Лазаров даде интересна изјава во име на сите ракометари.

"За Пекинг не успеавме, но сега се враќаме на големите натпреварувања, па тоа е и шанса за нови добри резултати. Воедно тоа е шанса и за место на ОИ или во квалификациите за Олимпијадата, па можам да кажам дека ќе имате шанса да н$ видите на Олимписките игри во Лондон во 2012 година", рече Лазаров.

Славењето трае, следува ждрепката

Сениорите се уште се главна тема во спортската јавност во земјава и сите погледи се свртени кон нашите најдобри ракометари кои в сабота ќе ги дознаат противниците за Мундијалот.

Неколку дена по големиот успех и победата над Исланд по која се пласиравме на Светското првенство во Хрватска, Македонија не престанува да зборува за големиот момент и да ги слави своите херои. Приеми од сите страни, многу честитки, пофалби... Едноставно во последните денови секој се чувствува горд затоа што е Македонец.

И повторно спортот го обедини овој народ. Уште еднаш тоа е ракометот. Македонија покажа дека знае како да се радува на големите резултати. Македонија знае како треба да ги слави оние коишто со срце играат на теренот од првата до последната минута. Од првиот до последниот заслужија пофалби, заслужија честитки од сите страни.

Деновиве сите зборуваат само за победата над Исланд и пласманот на Светското првенство. Така ќе биде сигурно уште долго бидејќи дури десет години го чекавме денот кој се случи на 15 јуни. Го чекавме моментот кога нашите репрезентативци ќе се симнат од авионот и голем број фанови ќе ги дочекаат со голем аплауз.

И се случи тоа. Сите заедно покажавме дека знаеме како да се радуваме. Знаеме како да го прославиме секој убав момент. Така било секогаш кога се случувало нешто големо во оваа земја, а така почна и оваа прослава од неделата по мечот со Исланд. Се работеше само за бараж, но како што го кажа тоа најискусниот во репрезентацијата, единствениот ракометар кој игра во националниот состав уште од првата средба на самостојна Македонија, Стевче Алушевски, овој резултат е рамен на освоен медал од некое големо натпреварување.

За кусо време паднаа дури три учесника на Олимписките игри. Бразил, Египет, Исланд... список на земји коишто летово ќе бидат дел од натпреварите во Пекинг и секако факти коишто значат многу пред с$ во поглед на остварениот резултат. Нашите ракометари се свесни за она што го направија бидејќи покажаа дека сите оние коишто многупати досега немаа доверба во нив сега можат само да им подадат рака и да им честитаат.

Можеби чекавме долго на оваа генерација да созрее и да стигне до местото коешто секако & припаѓа, а тоа е секако учество на големите натпреварувања. Сепак, најважно е да се успее во она за коешто се мечтае, во она за коешто постојано се вложува и се работи секојдневно.

Денес сите велат дека знаеле дека Македонија ќе се пласира на првенството. Тоа е добро бидејќи секоја поддршка е значајна. Важно е да се биде со нашите репрезентативци иако до пред само неколку денови повеќе се сомневаа дека овие ракометари можат да го минат Исланд. Сега и тие песимисти со поинаков поглед ќе ги следат настапите на македонската сениорска селекција бидејќи веќе никој не говори дека ние не можеме туку сега сите ќе зборуваат дека Македонија има квалитет и има сили да им парира и на оние најдобрите коишто се со највисок ранкинг.

Но, не можеме долго да живееме со славењето на резултатите. Ќе се навраќаме секогаш во минатото и ќе ги спомнуваме сите големи моменти. Меѓутоа мораме да одиме напред.

"Оној кој постојано се навраќа во минатото, тој не верува во иднината", рече во една своја изјава капитенот Кире Лазаров.

И сосема е во право. Секој голем успех не крева с$ повисоко и повисоко. Меѓутоа, мораме да мислиме на она што претстои и добро да се подготвиме за настаните кои ќе следуваат.

Ние постојано во нашата репрезентација имаме одлични ракометари, но недостигаше само едно, а тоа е пласман на завршницата. Сега го сторивме и тоа, а веќе в сабота ќе се одржи ждрепката, па ќе се дознаат петте противници против коишто ќе играме во првата фаза на Мундијалот.

Македонија е во ист шешир со Шпанија, Словачка и Египет, што значи дека овие противници сигурно ги избегнуваме. Оваа генерација има сериозна задача, а тоа е да успее да го надмине она 18. место коешто во 1999 година беше остварено на првенството во Египет.

ПЛАСМАНОТ НА СП МНОГУ ГО КРЕНА НАШИОТ РЕЈТИНГ

Две понуди за контролни средби

Македонската репрезентација станува интересна за спарингување со многу други селекции и одигрување контролни средби. Веќе пристигнаа две покани за контроли, што ќе бидат секако добредојдени во периодот кога ќе се подготвуваме за учеството на Светското првенство.

Првата е од Австрија за крајот на октомври. Засега се работи за двомеч со оваа селекција, но с$ уште е рано за прецизирање, па постои можност и за организација на турнир со учество на уште две селекции.

Во Франција дефинитивно се работи за турнир. Би требало да се одржи на почетокот на јануари следната година меѓу новогодишните и божиќните празници. Она што е сигурно дека турнирот би бил со најмалку четири тима, но во опција се и шест селекции. Што и како ќе се случува, ќе се знае во следниот период. Голема е веројатноста дека ќе има и други понуди бидејќи сега на машката сениорска селекција на Македонија се гледа сосема поинаку.

ГОРАН ЃОРГОНОСКИ

Почит кон знамето, химната и тимот или надвор!

"Јас уште по првиот натпревар овде постојано мислев само на една работа: Да ја оправдаме на Исланд играта од Скопје, да го одбраниме резултатот по секоја цена. Ако таму загубевме, с$ ќе се сведеше на случајност, на нивно потценување, на судии и не знам што.

Одигравме многу стабилно и зрело во Рејкјавик и што е многу важно и што е ако можам да кажам новитет во играњето, неколкупати се враќавме од минус четири гола.

Мислам дека секој за првпат се почувствува навистина важен и горд што е во репрезентацијата. Сега мислите ми се насочени кон Хрватска. И ние и сојузот преземавме голема обрврска кон овој народ, кој се надеваме го направивме горд за момент.

Тоа што се случи за време на интонирањето на химната, пеењето на цел глас и подигањето на целата национална свест е тоа што и требаше на оваа репрезентација. Отсега па натаму, секој играч кој ќе се приклучи ќе добие привилегија да игра во репрезентацијата ќе мора да се однесува кон знамето, химната и тимот како што доликува. Во спротивно, ќе биде исфрлен како 'страно' тело!

Друга работа е што Исланд беше простудиран до најситни детали, секој, буквално секој знаеше што му е задачата на теренот. Сега доаѓаат квалификациите за ЕП и нормално, светското првенство. Доаѓаат многу брзо, затоа треба ова да го заборавиме што побрзо и да се фатиме за работа. Треба да се обезбедат максимални услови за подготовки и с$ што ќе треба", изјави Горан Ѓоргоноски.

ЈУНИОРКИТЕ ВО ОДЛИЧНИ УСЛОВИ СЕ ПОДГОТВУВААТ ВО НЕГОРСКИ БАЊИ

Договорени три контроли

Женската јуниорска репрезентација на Македонија ги одработува тренинзите од подготовките за Светското првенство на југот на земјата, каде што има одлични услови за работа. Негорски бањи е базата на првата недела од главните подготовки бидејќи тренинзите траат повеќе од еден месец.

"Секој ден од понеделникот работиме по двапати во денот. Како што планиравме така и се одвиваат сите настани. Наутро работиме на подобрување на физичката подготвеност кај ракометарките и тоа засега оди во одлично темпо. Во вечерниот термин веќе се работи со топка, но и на воигрување на одбраната која сметаме дека ќе ни биде клучот на нашиот успех на Светското првенство. Девојките работат одлично и го почитуваат сето она што се бара од нив. Ги одработуваат задачите, така што засега с$ оди според планот", вели селекторот на јуниорската селекција, Новко Георгиевски.

Засега с$ оди според планот, а тренинзите во Негорски бањи ќе траат до недела.

"Здравствениот билтен е одличен. Сите ракометарки се подготвени и работат без проблеми, што секако е позитивно за нас. Веќе се подготвуваме и за првите контролни средби. Договоривме три натпревари против тимот на Роман од Романија кои ќе ги одиграме на почетокот на следниот месец. Договорено е на 4 и 6 јули да спарингуваме во Виница, додека на 10 јули ќе биде одигран уште еден дуел во Скопје", заврши Георгиевски.

За условите за работа во овој период од подготовките се надоврза и тренерот на репрезентацијата, Крсто Петрушевски, кој веќе има искуство од едно Светско првенство.

"Во Негорски бањи имаме услови какви што посакувавме пред да дојдеме. С$ што ни е потребно овде ни е на располагање, почнувајќи од сместувањето, па до терените за извршување на тренинзите. Засега с$ оди според планот и одиме во вистинска насока", коментираше Петрушевски.

Јуниорките остануваат во ова место до крајот на неделава, а во понеделник и вторник треба да имаат два слободни дена. Потоа неколку дена треба да се тренира во Скопје пред да заминат за Виница каде што ќе ја имаат и првата проверка.



Хрватска и Бразил почнуваат со работа

Селекциите на Хрватска и на Бразил кои се меѓу противниците на Македонија во првиот круг од Светското првенство ги објавија составите на ракометарките за кои сметаат на Мундијалот. Хрватска прозивката ќе ја изврши в недела кога ќе биде и стартот на подготовките пред учеството на Светското првенство. Во тимот има вкупно 18 ракометарки на коишто се смета во овој период, а ракометарките доаѓаат главно од тимовите кои се во средината на табелата од ланската сезона на хрватскиот шампионат.

Што се однесува до Бразилките, тие веќе почнаа со тренинзи, а во тимот има ракометарки коишто играат во домашниот шампионат & се непознати за нашата јавност.

МАКЕДОНСКИТЕ КЛУБОВИ НЕМААТ ЕВРОПСКИ АМБИЦИИ

МРК Вардар во Челенџ куп!

КЛУБОВИТЕ ОДНОВО НА СЦЕНА, МЕТАЛУРГ ПОЧНА ДА СЕ ЕКИПИРА

Живковиќ потпиша, Макалоски во Вардар

Клупскиот ракомет одново се враќа на сцената по крајот на квалификациските бараж натпревари на репрезентативно ниво.

Во Македонија и во овој период тоа што вреди да се спомене е врзано со имињата на Металург и Вардар.

"Црвено-црните" веќе ги отворија картите и објавија неколку имиња кои би требале да бидат дел од нивниот тим следната сезна.

Металург досега го немаше. Целото раководство на клубот беше подредено на активностите на репрезентацијата, па така се остана во втор план. Не дека не беа активни периодов, но конкретно ништо не беше реализирано заради споменатите активности.

Бобан Живковиќ потпиша нов договор со Металург. Тоа е еден од последните играчи од ланскиот тим кои остануваат во екипата. Последното име со кое уште се чека разврска е Филип Шчепановиќ.

Гоце Макалоски заминува, тоа е дефинитивно, и тоа оди во екипата на Вардар Про. Фактички, Вардар и Металург ги заменуваат крилата, затоа што во спротивен правец се сели Владо Недановски.

Но, тоа се вести кои веќе долго време се најавуваат и повеќе-помалку се познати.

Условно кажно ново од таборот на Металург се контактите и како што неофицијално се дознава големите шанси да се постигне договор со двајца репрезентативци на Египет.

Се споменуваат уште една дузина имиња кои важат како потенцијални засилувања за македонскиот првак, главно играчи од бившите ју-простори и Романија. Но, првата опција за Металург, сепак, се ракометарите од Египет. Сеедно, ситуацијата во овој клуб ќе треба многу брзо да се решава. Трансфер маркетот со квалитетни играчи брзо се затвора, а Лигата на шампионите и не е така далеку.

За потсетување, Металург ќе мора да одигра едно квалификациско коло за пласман во Лигата на шампионите. На 1 јули е ждрепката, а можни противници на македонскиот шампион се Бенфика (Португалија), Ц. Звезда (Србија), Каунас (Литванија), Сашја (Белгија), Дуделанж (Луксембург), Кипрус (Кипрар) и Полва Сервити (Естонија).

Втората ждрепка, таа која ќе ги одреди вистинските противници во Лигата на шампионите, ќе биде извршена 4 дена подоцна во Гетеборг.



"ЦРВЕНО-ЦРНИТЕ" АНГАЖИРАА ЛЕВ БЕК

Кукрика, ново засилување

Анте Кукрика, лев бек од Хрватска, е новото засилување за екипата на Вардар Про.

Поранешниот играч на Метковиќ од Хрватска и Алпи Прато од Италија, минатата сезона ја одигра во Тунис, а сега кариерата ја продолжува во "црвено-црно".

Со овој, а доколку се реализираат и претходно најавените трансфери, тогаш на Вардар ќе му остане уште голманската позиција. Неофицијално, Петар Ангелов е едно од имињата кои се наоѓаат на листата на желби на Вардар, но засега не е ништо конкретно договорено.

Ѓукиќ заврши со Швајцарија!

Поранешниот македонски селектор, Драган Ѓукиќ, по 31 јули ќе го напушти кормилото на репрезентацијата на Швајцарија.

Ѓукиќ одработе две години со подмладениот швајцарски тим, со кого ја имаше несреќата да мора да игра со светскиот вицепрвак Полска во бараж квалификациите.

Договорот завршува на крајот на јули, нема да биде продолжен.

"Да, можам да потврдам дека по 31 јули нема да бидам селектор на Швајцарија", изјави Ѓукиќ.

Ѓукиќ е поврзувам со неколку екипи и неколку репрезентации во моментов. Најзвучно име во моментов е Портланд Сан Антонио, иако Ѓукиќ демантираше дека има таква опција.

Брегенц, Касарано, Бенфика се една од можните дестинации. Сеедно, многу брзо ќе се знае во кој правец ќе се одвива кариерата на поранешниот македонски селектор.

БАРАЖ КВАЛИФИКАЦИИТЕ ОД ПЕРОТО НА СЕЛЕКТОРОТ НА РЕПРЕЗЕНТАЦИЈАТА НА ШВАЈЦАРИЈА

Сјај сонце македонско!

Македонија четврт пат на Исланд, според мене и тоа што го зборував уште од Трондхајм (СП Норвешка), мислев дека во најамала рака има право на надеж. Исланд не е непобедлив и ако СИТЕ, но буквално сите околу тимот се ангажираат повеќе од кога и да е во минатото, шанса постои и реална е!

За "Македонски спорт"
Драган Ѓукиќ
селектор на Швајцарија


Пишував во февруари за "Македонски спорт" од далечната Норвешка. Многумина не веруваа дека е можно, но во спортот само теренот покажува кој е вистински, а кој е од "хартија". Македонија има причини да слави, да се гордее, да верува.. а тоа е најважно. Правото на надеж никој не може да го одземе! Тоа што е најголема победа, покрај пласманот по долги девет години чекање е новиот замаец во овој убав спорт. Долго време ракометот е најдобриот македонски извозен артикл. Факт е дека кога сите ќе застанат зад еден проект успехот е речиси сигурен. Организација (РФМ), војниците за пишан збор (новинарите), публиката во преубавата "Борист Трајковски", клубовите кои за миг ги забораваат сопствените "војни" и играчите. Играчите обединети како никогаш до сега и решени да успеат, постари и попаметни за сите оние "гладни" години. Стручен штаб на челот со "бркатиот" Илија, твордоглаво верувајќи и туркајќи го до крај својот концепт, концепт за успех. Историјата ја пишуваат победниците, а победниците овој пат се сите!

Тим кој го има еден Кире како лидер, не само убоит шутер добро познат на сите најдобри голмани на денешницата туку и како асистент, водач во најтешките моменти. Еден Борко, позади, последната, огромната и често непремостливата пречка за топката да стигне до мрежата, борци какви што се Ванчо, Филип, Мојсо. Искуството на Аљуш, Раде.. Тое е тим кој ќе има што да каже на следната планетарна смотра и од срце се надевам дека ќе сјае со полн сјај и на Јадранот.

Добро одбрани противници, сериозни подготовки и поддршка од сите структури е рецепт кој не смее да се погреши. И јас сум сигурен дека момците во жолто-црвено ќе ги гледаме и во втората фаза од шампионатот. Напишано, да биде и проверено! Посакував следното СП да биде еден нов турнир на Авној затоа што сите екипи на бившата ни татковина имаа шанси да се најдат таму. Но, не беа доволно паметни, подготвени, гладни. Па така "само" три екипи ќе заиграат со своите амбиции.

Баражот е зад нас, времето за славење е тука. Но, и времето за нови европски квалификации доаѓа уште утре. Октомври е блиску, таму чекаат нови искушенија. Таму е скандинавското лоби Норвешка, Естонија и Исланд, желно за одмазда. Се надевам дека лекцијата е научена и дека нема да се враќаме во одделенијата кои веќе ги минавме. Дотогаш, да уживаме во ракометот на Олимписките игри и да ги славиме овие момци, кои се вистински херои на квалификациите.

Србија - Чешка, целосно изедначен двомеч. Решаваа нијанси (повеќе голови во гости) и фактот што реваншот се играше во Ниш. Публиката ги носеше на своите крила играчите и придонесе некои очигледни и од порано познати проблеми во играта на "орлите" да бидат надминати и да одат на големо натпреварување. За некои поголеми амбиции во Хрватска ќе треба подобра организација, нови идеи, сили. Првиот чекор е направен, комплексот Чешка е архивиран, на ред е следниот и момците на Јовица Цветковиќ треба да покажат дали се подготвени да го направат.

Словенија - Словачка. Со елиминацијата на Исланд, едно од најголемите изненадувања. Но, само за површните познавачи на ракометните случувања во Европа. Состојбата во најсилните словенечки клубови (Голд Клуб, Целје), историјата на судирите внатре во сите структури во и околу сојузот, екипи, промена на тренер кој имаше план и (по мене) прилично добро работеше... само се некои од причините кои надлежните во "дежелата" ќе мора добро да ги анализираат ако сакаат да се вратат макар близу до ракометните сили, каде до вчера и тие беа. Лекцијата е скапа, се надевам и научена.

Ц. Гора - Романија. Типична приказна за нашиот менталитет. Пласманот на ЕП и ракометната еуфорија не е искористена за ракометот да се избори за подобра организација. Подобри и сериозни услови и се случи тоа што обично тогаш се случува. Опуштеност, импровизација и "лесно ќе биде", носат до тоа две релативно силни репрезентации (и женската) и некои фантастични играчи (Бојана Поповиќ, Ален Муратовиќ) да не играат во Хрватска и Македонија. Најавите за создавањето на нови ракометни центри (Подгорица, Будва) можеби се најави дека нешто се менува, но нека ни го покаже тоа времето.

БиХ - Унгарија. Втор дел од приказната за "сите нас". Во тој момент кога ќе сфатиме дека и победата, поразот и понекогаш (за жал) и неправдата се дел од спортот и дека ни треба за "толку" да бидеме подобри од ривалот, ќе бидеме подготвени не само да се појавуваме туку (како Хрватска) да бидеме таму каде што се решава и за медалите. Мене лично жал ми е што работата на еден добар тренер, (Демировиќ) и неговите момци (Тахировиќ, Стојановиќ, Торомановиќ) е фрлена под нога.

С$ освен победата на Русија над "браќата" Белоруси или на Шпанија над Грција или Норвешка над Украина или, пак, на Полска над Швајцарија ќе беше повеќе отколку изненадување. Така што, само попатен коментар дека Шпанија без Рутенка и Штербик не е екипа за голем дострел иако се добар тим. Дека моите момци (Швајцарија) на последниот меч на кој ги предводев покажаа одлична 3:2:1, која е за жал се помалку играна, дека со големо срце и контранапади може и еден тим каков што е денеска Полска да остане 13 минути без постигнат гол.

МАКЕДОНИЈА ГИ ДОБИ ПРОТИВНИЦИТЕ ЗА ПРЕЛИМИНАРНАТА РУНДА НА МУНДИЈАЛОТ КОЈ ЌЕ СЕ ОДРЖИ ВО ХРВАТСКА

Македонија во најсилната група!

Актуелниот светски првак, Германија, актуелниот светски вицепрвак, Полска, африканскиот вицепрвак, Тунис, селекцијата на Алжир и екипата која веројатно никој никогаш не ја сакал за противник - Русија, се противниците на Македонија на 21. Светско првенство во ракомет.

Секоја ждрепка си има свои правила, по секоја од нив еден дел од учесниците завршува со насмевки, другиот со стиснати заби. Во секое натпреварување по правило се издвојува една група. Група која учесниците ја нарекуваат група на "смртта", а другите се задоволни со фактот дека не се таму.

Македонија на своето второ учество на светско првенство влетува директно во групата на "смртта". Тешко дека можеше потешко од оваа група да се падне, иако лесно нема. Место да се гледа на ова како на лоша ждрепка, подобро е да се гледа како на можност да се докаже квалитетот.

Но, за да бидеш "голем" треба да играш и да ги победиш поголемите од себе. Единствено тоа се вреднува на вистински начин. С$ друго е маскирање, затскривање.

Македонски ракометари покажаа дека можат да им парираат на големи и познати. Не само што го елиминираа Исланд, туку со ред имаат победено на последните три натпревари, три учесника на следните Олимписки игри (Бразил, Египет, Исланд).

Во јануари ќе ги дочекаат нови противници, против кој е секогаш посебна мотивација да се игра на мундијал.

Легендарниот "бркајлија" Хајнер Бранд и неговата Германија се најзвучното име во моментов во групата "Ц". Актуелен светски првак, тим кој во Хрватска ќе брани и ќе брка злато.

Добро позната екипа, со тоа што се очекува по Пекинг, конечно, панцирот да го соблечат Маркус Баур, Кристијан Шварцер, Хенинг Фриц и да им ја остават контролата над тимот на играчите кои важат како исклучително квалитетни, но не докажале дека можат сами да ја носат Германија. Имињата се познати, тоа ќе бидат Паскал Хенс, Холгер Гландорф, Михаел Крауз... За нивната игра не мора премногу да се коментира. Всушност и брзиот центар беше практично измислен за натпреварите во нивното првенство да станат поинтересни.

Покрај актуелниот светски првак, Македонија ќе мора и против актуелниот светски вицепрвак, тоа е Полска.

Тим кој практично "експлодира" во 2007 година, под водство на Богдан Вента. Тој конечно успеа да ги вклопи Полјаците, да им го најде вистиското место и вистинската игра. Дел од овој тим е мошне добро познат на македонските ракометари. Посебно нивниот најдобар играч, Карол Биелецки. Тој беше дел од полската јуниорска репрезентација која стана европски првак. Тоа им успеа откако во полуфиналето ја победија Македонија по две продолженија и тоа откако двапати утнувавме пенал во последната секунда. Тогаш, на нивни терен не беа подобри од нас, но разликата од играњето во Бундес-лигата и во македонското првенство доведе до тоа тие да се светски вицешампиони, а ние како историски успех да славиме пласман на мундијал.

Единствената репрезентација која има освоено с$ што може да се освои и која веројатно никој и никогаш не ја посакувал за противник е Русија. Но, за тоа во каква група сме доволно кажува фактот што сега Русија изгледа како противник против кого се може. Навистина, Растворцев и Игропуло не се Кудинов и Тучкин, ниту, пак, Костјугов е Лавров, но оваа руска репрезентација е с$ само не противник за потценување.

Најавената оставка на Максимов може да донесе олеснување кај нивните противници. Најмногу затоа што тој е творецот на овој тим и тој најдобро знае како треба да се постапува со играчите.

Кога ќе се спомене Тунис веднаш едно име отскокнува од с$ друго. Висем Хмам, левиот бек на францускиот Монпеље. Хмам е најдобриот стрелец од СП кое се одржа 2005 година и е ракометар кој не го сака ниту една одбрана. Африканците се традиционално незгодни противници поради нивниот стил на игра. Таканаречена "дива" одбрана, длабока формација, агресивни до раб (па и преку него) на грубост, одлични шутери - напаѓачи. Сеедно, на хартија послаби од претходните три и добро е што со нив играме на првиот натпревар, кога условно ќе бидеме најсилни.

Единствено убаво во врска со противникот од шестиот шешир, Алжир, се нивните резултати од олимписките квалификации. Порази од 39:12 од Русија, 37:26 од Хрватска и 38:27 од Јапонија. Тоа ги прави аутсајдери и веројатно единствениот противник против кого ќе можеме да се опуштиме и да запишеме сигурна победа.

Р. Ѓамовски

ГРУПА "А"

Франција

Унгарија/БиХ

Словачка

Романија

Пан Америка 2

Австралија

ГРУПА "Б"

Хрватска

Шведска

Шпанија

Ј. Кореја

Кувајт

Пан. Америка 3

ГРУПА "Ц"

Македонија

Германија

Полска

Русија

Тунис

Алжир

ГРУПА "Д"

Данска

Норвешка

Египет

Пан. Америка 1

Србија

С. Арабија

РУСИЈА БЕЗ СЕЛЕКТОР ПО ОИ ПЕКИНГ

Максимов поднесе оставка!

Легендарниот руски тренер Владимир Максимов го информираше ракометниот сојуз на Русија дека по завршувањето на Олимписките игри во Пекинг ќе поднесе оставка на позицијата селектор.

Причина за овој потег не се презаситеноста или неамбициозноста, туку едноставно парите.

"Јас како селектор добивам плата од 11 000 рубљи (нешто повеќе од 20 000 денари), а во клубот толкава плата имаат мојот помошник, докторот и физиотерапевтот. Во современиот свет тоа е малку. Четиригодишниот договор истекува и по завршувањето на ОИ ја напуштам репрезентацијата", стои во изјавата на Максимов објавена на официјалниот сајт на рускиот ракометен сојуз.

ХАЈНЕР БРАНД (СЕЛЕКТОР НА ГЕРМАНИЈА)

Првакот не смее да се жали

"Не е убаво што толку рано ќе мораме да играме со Полска. Русија исто така е силен тим. Но, ние сме прваци и не смееме да гледаме на тоа кој колку е силен. Едноставно, кој и да е, ние ќе мораме да се пласираме во следната рунда", е коментарот на Хајнер Бранд за епилогот од ждрепката.

Потпретседателот на германската федерација, Хорст Брендмајер, со ист став.

"Групата не е тешка само на прв поглед. Полска и Русија се репрезентации во налет. Македонија ја сметам за силна штом го елиминираше Исланд. Освен тоа тие ќе можат да сметаат во Хрватска и на голема поддршка од навивачите", изјави Брендмајер.

ГОРАН ЃОРГОНОСКИ

Можеме до вториот круг

"Добивме тешки противници во групата, но тоа впрочем и се очекува кога се оди на светско првенство. Најнезгодно ќе биде со Тунис и Алжир поради начинот на игра, со длабоки одбрани и многу трчање. Мислам дека најдобро ќе играме со Германија и се надевам дека ако сме сите здрави и максимално подготвени можеме да поминеме во вториот круг.

Фаворити се знае, Германија и Полска, а ние Русија и Тунис ќе го бркаме третото место", изјави Ѓоргоноски.

Ѓоргоноски инаку имаше успешна операција на менискус и за околу три недели, ако е с$ како што треба, би требало да почне со тренинзи.

ВАНЧО ДИМОВСКИ

Сe се решава во првото коло

"Да биравме најтешка група пред ждрепката, веројатно ова ќе беше помалку или повеќе тоа. Позитивен е распоредот. Првите две средби ги играме со Тунис и Алжир. Така може да се случи да бидеме единствената репрезентација која во 3. коло ќе влезе со 4 бода. Тогаш с$ ќе биде можно. Сега мораме да се фокусираме за тој дуел со Тунис. Мораме да бидеме максимално подготвени и да победиме за да можеме подоцна да бркаме пласман во втората рунда", изјави Димовски.

ИЛИЈА ТЕМЕЛКОВСКИ (СЕЛЕКТОР НА МАКЕДОНИЈА)

Ќе имаме што да кажеме

Добро познати имиња, тешка група. Играме со првиот и вториот од последното првенство, Германија и Полска. Русија е Русија, иако малку заостанува во резултатски поглед зад неколку репрезентации во последниве години. Но, за нас е Русија е си е и име и квалитет, иако веројатно можеби токму таму ни е шансата. Тунис и Алжир. Мораме да ги совладаме нив и да дојдеме до позиција да играме за пласман во втор круг. Нема кукање, нема плачење. Тешка група, нормално, светско првенство е, нема лесно. Овие играчи покажаа дека имаат квалитет, дека можат да се носат со позвучни репрезентации. Со добри подготовки, добри спаринг натпревари, мислам дека ќе имаме што да покажеме во Хрватска", изјави селекторот Темелковски.

ПРОМОВИРАНА МАСКОТАТА НА МУНДИЈАЛОТ

"Гасеницата" заштитен знак

Заштитниот знак на хрватската ракометна репрезентација, познатата "гасеница" , потегот кој го прават по секоја (важна) победа нивните е официјалната маскота на мундијалот.

Гасеницата беше за првпат официјално промовирана на денот на извлекувањето на групите.

ПРЕЛИМИНАРНЕН РАСПОРЕД НА НАТПРЕВАРИТЕ

Стартуваме со Тунис

Веќе е објавен прелиминарниот распоред на натпреварите на првенството. Македонија првиот меч ќе го игра со Тунис, последниот со Русија. Сето ова, нормално, треба да биде и официјализирано и потврдено од ИХФ, исто како и градот во кој ќе се игра. Засега се знае само дека тоа нема да биде Сплит. Таму ќе игра Хрватска, која е во групата "Б".

Распоред на натпреварите

17.01.09 Македонија - Тунис

18.01.09 Македонија - Алжир

19.01.09 Македонија - Полска

21.01.09 Македонија - Германија

22.01.09 Македонија - Русија

СЕ УШТЕ НЕ СЕ ДОГОВОРЕНИ ГРАДОВИТЕ ДОМАЌИНИ

Најверојатно во Вараждин

Иако се уште не е одредено која група во кој град ќе игра (освен група "Б" во Сплит), неофицијално се зборува дека групата "Ц" во која ќе игра Македонија ќе се игра во Вараждин. Градче од околу 60.000 жители кое се наоѓа во северозападниот дел на Хрватска.

Салата е во изградба, засега се вика "градска сала", а ќе има капацитет од 4000 седишта. Тоа е една од помалите Сали во кои ќе се игра првенството, поточно помала од неа е единствено спортскиот центар во Пореч, кој има може да прими 3.500 гледачи.

ЖЕНСКАТА ЈУНИОРСКА РЕПРЕЗЕНТАЦИЈА НА МАКЕДОНИЈА ПО НАПОРНАТА СЕДМИЦА ВО НЕГОРСКИ БАЊИ

Формата допрва ќе се темпира

По вчерашниот ден одмор, јуниорските репрезентативки и денеска ќе имаат можност да одморат по напорната недела која ја имаа во Негорски бањи. Ракометарките се подготвуваат за она што ќе следува во текот на следните денови кога тренинзите продолжуваат, но темпото полека ќе се засилува бидејќи до почетокот на Светското првенство останува помалку од еден месец.

"Веќе утре ќе продолжиме со тренинзите, а планот е да тренираме три дена, пред репрезентативките да добијат уште два дена за одмор. Ќе работиме во Скопје, а потоа од понеделник се селиме во Виница каде што ќе ја имаме втората фаза од главните подготовки за Светското првенство", вели селекторот на нашата јуниорска селекција, Новко Георгиевски.

Во досегашниот дел од тренинзите јуниорките одработија повеќе од еден месец во Скопје каде што имаа вовед за овие подготовки кои стартуваа минатиот понеделник во Негорски бањи. Таму се тренираше една недела и беа одработени вкупно 12 тренинзи.

"Девојките полека влегуваат во форма. И на овие тренинзи се виде дека многу недостигаше работата во клубовите. Затоа, темпото со коешто работевме не беше најсилното туку трениравме со доволно силен ритам за да може да го одработиме тоа што го планираме. Сепак, сметам дека ќе имаме доволно време до почетокот на Светското првенство да го постигнеме она што го сакаме и да ја постигнеме посакуваната форма".

Од целиот претстој во Негорски бањи и од условите коишто се имаа за работа во стручниот штаб се максимално задоволни. Тоа беше показател дека се имаше сето она што е потребно за нормална работа.

"Ги имавме сите услови за да можеме да работиме онака како што имаме замислено. С$ што посакавме и го добивме, така што с$ беше на ниво. Во последните 2-3 дена времето не ни беше наклонето бидејќи беше премногу топло, но успеавме да го пребродиме и тоа и да ги одработиме планираните тренинзи. Покрај одличните услови, имавме и голема помош од медицинскиот центар каде што ракометарките можеа да одат на прегледи, а воедно и да бидат правени терапии, кај оние девојки кај кои беше потребно тоа", заврши Георгиевски.

Во следниот период сите тренинзи ќе се насочуваат кон создавањето на играта за Светското првенство. Веќе се почна со ова и во Негорски бањи, но се очекува во Виница да бида вистинското бидејќи за следната недела се предвидени и првите контролни натпревари.

Првиот меч треба да се одигра на 4 јуни, а вториот два дена подоцна. Тоа ќе се случува во седмицата кога ракометарките ќе тренираат во Виница, а противник треба да биде екипата на Роман од Романија. Дури тогаш ќе може да се дадат првите вистински коментари за тоа колку јуниорките се подготвени бидејќи досега само тренираше.



ПО МАГНЕТНАТА РЕЗОНАНЦА КАПИТЕНОТ ДОБИ ПОЗИТИВНИ ВЕСТИ

Мала повреда кај Георгиевска

Капитенот на женската јуниорска репрезентација, Елена Георгиевска, по обновената повреда на тетивата вчера изврши снимање со магнетна резонанца. Наодите по прегледувањето на снимките даваат позитивни вести според кои таа ќе може да им се приклучи на тренинзите на своите колешки веќе за неколку дена. Се работи само за мала повреда бидејќи од ударот има воспалување на тетивата. Тоа е стара повреда која, за среќа, предизвика само мал проблем, па капитенот продолжува да тренира.

Играњето на Георгиевска е од голема важност бидејќи таа во овој состав има најголемо искуство. Зад себе веќе има настап на неколку големи натпреварувања во сениорска селекција што ќе биде од голема помош за средбите кои ќе претстојат на Мундијалот од 21 јули до 3 август.

Николовска ќе одмори уште некој ден

Десното крило Симона Николовска и натаму има проблеми со повреденото колено. Таа доби повреда при тренинг уште додека се работеше во Скопје, па мораше да мирува.

Сепак, не се работеше за нешто посериозно, па таа продолжи со работа во Негорски бањи. Таму одново почувствува болки, па вчера беше направено снимање со магнетна резонанца и кај неа. Наодите покажуваат дека ќе мора да мирува барем уште една седмица во која ќе бидат правени терапии за да може во вистинско време да се врати во составот пред почетокот на Мундијалот.

КОНЕЧНО, УБАВИ ВЕСТИ ОД ТАБОРОТ НА ЖЕНСКИОТ ШАМПИОН

Крижанац потпиша за Кометал

НАЈДОБРИОТ СТРЕЛЕЦ ВО НАЦИОНАЛНИОТ ШАМПИОНАТ ЗАМИНУВА ВО БЕЛГИЈА

Тасевски потпиша за Тонгерен

МАКЕДОНСКИОТ ИНТЕРНАЦИОНАЛЕЦ ЈА СМЕНИ СРЕДИНАТА ВО ПОТРАГА ПО МИНУТАЖА

Петровски позајмен во Рингстед

ДЕСНОКРИЛНИОТ РАКОМЕТАР ОСТАНУВА ВО БИТОЛА

Марковски се договори со Пелистер

ДЕНЕСКА, СО ЖДРЕПКАТА ЗА КВАЛИФИКАЦИИТЕ, ПОЧНУВА ЕВРО-СЕЗОНАТА ЗА МАКЕДОНСКИОТ ПРВАК

Само еден непосакуван, Бенфика

Металург денеска ќе го дознае противникот во квалификациите за Лигата на шампиони. Во петок, одново ждрепка за ЛШ, за прватат фаза, натпреварите по групи. Противниците за ЛШ, во петок ќе ги дознае и Кометал Ѓ. П.

Евро-сезоната за двата македонски шампиони, Металург и Кометал Ѓ. П., стартува неделава.

За Металург, веќе денеска, со ждрепката за квалификациите за пласман во прелиминираната фаза на натпревари по групи. За Кометал во петок, тогаш ќе ги дознае имињата на противниците во групата женскиот првак, додека Металург, истиот ден (4 јули) ќе знае што ќе го чека во рундата "групи" во случај да избори пласман.

Првите работи, прво, а тоа е денешната ждрепка. Металург, осносно, Македонија во вкупниот ранкинг за Лигата на шампионите за сезонава се наоѓа на 27 место. Три места подоле од крајната граница за директен пласман во фазата на групи.

Според последната поделба која ја направи ЕХФ, во квалификациите ќе играат 16 екипи, кои се поделени во 4 т.н. шешири. Металург е во првиот заедно со екипите Брегенц од Австрија, Стеауа од Романија и тимот кој влезе со вајлд карта (по откажувањето на Бањик), Рајн Некар Ловен од Германија. Металург ќе добие противник од четвртиот шешир. Таму се наоѓаат четирите екипи кои имаат најнизок ранкинг во Лигата на шампионите, но таму се и две имиња кои ја прават оваа четворка посилна отколку на пример екипите од третиот.

Се би било далеку поубаво денеска доколку во последниот шешир не е сместен првакот на Португалија, Бенфика од Лисабон. Португалците се исклучително незгоден противник, силна екипа и единствената причина што Португалије е толку ниско рангирана се должи на проблемите, односно, судирот кој пред некоја година го имаа португалските екипи со португалската федерација. ЕХФ тогаш ги суспендираше, тоа се одрази на нивниот рејтинг и оваа е трета година што играат како едни од најслабо рангираните.

На двапати веќе се обидоа да се пласираат во групите на ЛШ и на двапати не успеаја. Пред две сезони Металург ја елиминираше Брага во нивниот прв обид за кам-бек по суспензијата, а следната сезона одново Брага се обиде, но налета на Барселона. Тогаш Каталонците влегоа со вајлд карта во ЛШ затоа што Грците (Панелиниос) се повлекоа. Беа пратени во квалификациите (исто како и Рајн Некар годинава) а најголем малер во ждрепката беше спомената Брага.

Доминацијата на Брага во португалскиот шампионат заврши, Лисабон, односно Бенфика сега е главнот центар, откако со 3:1 во плеј оф доигрувањето го симнаа бранителот од тронот. Лани играа во Челенџ Купот и стигнаа до полуфиналето, каде беа елиминирани од актуелениот освојувач Ресица од Романија.

Три релативно познати имиња можат да се сретнат во нивниот состав. Ги гледавме во дресот на Португалија на квалификациите со Македонија. Тоа се нивниот најдобар играч и стрелец Карлос Карњеиро (најдобар играч во португалското првенство), по тоа Луис Нуњеш и Педро Џеронимо. Засилени се со тројца странци, Павел Цинчук, Белорусин кој има и португалски пасош, по тоа Украинецот Артем Кубида и Русинот Георги Зајкин. Овие шестмина ја прават Бенфика исклучително незгодна и најубаво би било денеска некој друг, а не Металург, ја добие за противник.

Измир од Турција го немаше на ракометната карта досега, но сезонава со само три порази во националниот шампионат, ги минаа Мерсин, Мили Пјанго, Бешикташ, Трабзон и другите далеку попознати имиња.

Во нивниот состав за следната сезона (засега) нема странски имиња, но има неколку добро познати турски репрезентативци. Ченгиз Хатирназ е нивниот предводник, ракометар кој неколкупати има играно против Македонија и со репрезентација и на клупски натпревари.

Измир не е противник од кого Металург би требало да се плаши, во никој случај не смее да ги потцени. Сеедно, далеку подобар избор би бил од Банфика, но последните два клуба во шеширот се тие кои би било најубаво да се добијат за противник.

Иако од лани зад името на Дуделанж стои еден "голем" резултат, тимот од Луксембург е еден од најпосакуваните екипи. Минатата година оваа екипа го елиминираше Ловќен од Цетиње во првото коло од Купот на ЕХФ! Навистина, Црногорците беа екипа која се распаѓаше на секој чекор, но сепак, името си е име, а Дуделанж имаше и што да запише во клупската историја. Веднаш по тоа налетаа на Мадеира од Португалија (каде играше Горан Кузманоски) и беа приземјени, иако на реваншот и нив ги совладаа со 6 разлика (двете средби се играа во Луксембург, а на првиот меч загубија со 11 гола разлика). Имаат дури пет интернационалци. Французинот Камел Амеда, Словаците Петер Затко и Љубош Зас, Португалецот Фабио Мачадо и Исланѓанецот Бјорн Холмторсон. Но, тоа се интеранционалци кои немаат вистинско педигре и овој тим може да смета на сигурна елиминација со кого и да треба да игра во квалификациите. Се надеваме, дека тоа ќе биде Металург.

Ако за луксембуршкиот Дуделанж можеме да кажеме дека е лесен противник, тогаш Сашја би требало да биде вистинско "мезенце" за Металург во квалификациите. Шампионот на неракометна Белгија би бил најубавото загревање за Металург пред стартот на сезоната. Македонија неколкупати има игра со Белгија во квалификациите, а од нивниот национален тим во дресот на Сашја од "позвучните" се крилата Класенс и Ламури и нивниот најдобар играч, десниот бек Иван Копљар. Тим кој по сите параметри би требало да биде (пре)лесен за минување. Немаат (засега) странци во екипата, освен Копљар кој има хрватско потекло.

Ждрепката ќе се одржи денеска во Виена, со почеток во 11:00 часот. Натпреварите од квалификациите се предвидени да се играат на 6/7 септември и една недела подоцна.

Металург би можеле мирно да го прогласиме за патник во фазата по групи, ако добие кого било освен Бенфика. Затоа и ќе му биде поребна среќа денеска на македонскиот шампион.

ЕХФ останува многу слаб кога е во прашање информирањето, па дури ни на ден до ждрепката немаше детално (формално) објаснување за тоа како ќе биде извршена. Германските медиуми во меѓувреме го проширија списокот на можни противници (за Рајн Некар) и на третиот шешир. Таму се за потсетување Ц. Звезда од Србија, Гранитас (Литванија), Полва Сервити (Естонија) и Кипрус Колеџ од Кипар. Ако се случи денеска место четири, сепак, да бидат само два шешири, тогаш и овие екипи се можни противници на Металург. Генерално, според имињата ништо битно не се менува дури да биде и вака. Бенфика и натаму останува најнезгоден противник, а сите други би биле поволна ждрепка.

Добие ли Металург што посакува од ждрепката во Виена, тогаш ќе може да се фокусира на далеку поинтрересниот настан, ждрепката која во петок ќе биде извршена во Гетеборг.

Тогаш изборот ќе биде многу поинаков, но на прв поглед, се избегне ли Портланд од третиот шешир Металург би бил во најмала рака рамноправен во бтиката за третото место во група. Се добие ли на пример уште еднаш Цимос Копер (годинава е без голманот Тахировиќ) од вториот шешир или ослабениот Целје од првиот, тогаш амбициите би можеле да значително да пораснат и дури и да се брка најдобриот резултат во историјата на настапи на македонските екипи во најсилната конк*ренција.

Но, тоа веќе е во доменот на "кога би бирале", па така останува прво да се види исходот на лотаријата која ќе биде одржана денеска, а по тоа да се ќе се размислува за следната ждрепка.

Р. Ѓамовски

ЗВОНКО ШУНДОВСКИ, ТРЕНЕР НА МЕТАЛУРГ

Ако можам да бирам, би ја избегнал Бенфика

Тренерот на Металург, Звонко Шундовски, не очекува големи проблеми во квалификациите.

"Кој и да биде противник, со овој играчки кадар што го имаме, сме поквалитетни. Сепак, ако би можел јас да изберам, би ја одбргнал Бенфика. Другите три тима, се екипи кои секако би ги минале. Не знам, што друго да кажам. Да видиме што ќе се случи денеска, па ќе коментираме", изјави тренерот на Металург, Звонко Шундовски.

(Ждрепка, 4 јули)

Лига на шампиони

1. Носители

Сиудад Реал Шпанија

Кил Германија

Веспрем Унгарија

Монпеље Франција

Целје ПЛ Словенија

ФЦК Данска

Ч. Медведи Русија

Кроација О. Хрватска

2. Носители

Барселона Шпанија

Флензбург Германија

Пик Сегед Унгарија

Шамбери Франција

Цимос Копер Словенија

ГОГ Данска

Адемар Леон Шпанија

3. Носители:

Портланд СА Шпанија

Амичитија Швајцарија

Запорожје Украина

Висла Плок Полска

Хамарби Шведска

Босна БиХ

Татран Прешов Словачка

Драмен Норвешка

(Ждрепка, денеска)

Квалификации за ЛШ

1. Шешир:

Рејн Некар Ловен Германија

Стеауа Романија

Металург Македонија

А1 Брегенц Австрија

2. Шешир:

Хаукар Исланд

Дукас Грција

Брест Мешково Белорусија

Касарано Италија

3. Шешир:

Ц. Звезда Србија

Гранитас Каунас Литванија

Полва Сервити Естонија

Кипрус Колеџ Кипар

4. Шешир:

Измир Турција

Бенфика Португалија

Сашја Белгија

Дуделанж Луксембург

МЕТАЛУРГ ВО ПРВИТЕ ДВЕ КОЛА ЌЕ ИГРА СО ФАВОРИЗИРАНИТЕ ПРОТИВНИЦИ

ЛШ стартува со Кил во Скопје!

Доколку Металург го елиминира турскиот Измир во квалификациите за Лигата на шампионите, во групната фаза, на премиерното издание би го имал за противник Кил. Според "бергер" Металург во првото коло ќе игра дома. Веднаш по тоа гостува во Барселона.

Распоредот на македонскиот права не му оди од рака, затоа што на решавачките натпревари, со норвешкиот Драмен, прво ќе игра дома, во третото коло, а во последното гостува во Драмен.

Во женската Лига на шампиони, Кометал на стартот го пречекува Ѓер, а веднаш по тоа оди на непријатното гостување во Звенигород, каде што ќе се сретне со актуелниот европски првак, Звезда.

Доаѓањето на Кил не ги остава рамнодушни во Металург и без разлика што го имаат Измир пред себе, веќе се размислува за организацијата на натпреварите од групата.

"Пријавени се две сали, "Борис Трајковски" како главна и "Кале" како резервна варијанта. Веќе побарав средба со раководителите на новата сала, да видиме како тоа би се реализирало. Наша желба е да играме таму, но и "Кале" е опција", изјави потпретседателот на Металург, Филип Христов.

За ракометарите на Металург, исто така е голем предизвик со најпознатите европски ракометни екипи да играат во новата сала.

"Се надевам дека салата ќе биде полна и за нашите натпревари, исто како што беше и за дуелот на репрезентацијата со Исланд. Во таков амбиент, ќе можеме да се носиме со секого. Не најавувам изненадувања, но се надевам дека ќе успееме да ги израдуваме љубителите на ракометот во Македонија. Групата е таа, ќе играме со двете најпознати ракометни имиња, а за третото место ќе решаваме со првакот на Норвешка. Имаме шанси, ќе треба да го одработиме нашето", вели тренерот на Металург Звонко Шундовски.

Играчки, Металург останува во моментов на тоа што го има. Четири нови имиња ќе има во тимот. Тоа се голманот Данило Брестовац, крилото Владо Недановски и двата десни бека, Сергеј Погорелов и Милан Ивановиќ.

Р. Ѓамовски

ГИГАНТИТЕ НЕ РАЗМИСЛУВААТ ЗА ИЗНЕНАДУВАЊЕ

Задоволни и Барса и Кил

Претставниците на двата фаворити во групата "Ц", Барселона и Кил изразија задоволство од ждерпката.

"Не сакавме да играме со Кил толку рано, но сеедно. Пласманот во следната рунда не е загрозен, не очекуваме проблеми од Металург и Драмен", е изјавата на тренерот на Барселона, Маноло Каденас.

Сличен е контекстот на изјава на менаџерот на Кил, Уве Швенкер, со тоа што "зебрите" изразуваат задоволство што ќе играат во "супер-атрактивна" група.

БИТОЛЧАНИТЕ ЌЕ ДОБИЈАТ ТРЕНЕР

Пелистер решава денеска

Денеска ќе биде официјализирано кој ќе биде новиот тренер на Пелистер. Два дена состанчат членовите на управниот одбор на клубот, разговарано е и денеска само треба да биде соопштено името на тренерот.

Цанце Крстевски, Михајло Силјанов и Борче Марковски беа во најтесниот круг на кандидати. Можни се и комбинации (Крстевски и Силјанов), можно е да нема работа во дуо.

ПОДГОТОВКИ ЗА ОИ

Германија минимално со Египет

Германија, која е противник на Македонија во групата на мундијалот кој во јануари ќе се одржи во Хрватска, одигра контролен меч со Египет.

Победија Германците, минимално, 26:25. Египет кој пред нешто повеќе од еден месец беше поразен од Македонија, настапи засилен со Хусаин Заки кој не беше во Скопје. Најдобар стрелец за "фараоните", беше Ал Ахмар (6 гола) кој се уште е во комбинација за трансфер во Металург.

За Гермаците Јенсен со 7 погодци ја предводеше листата, а Гландорф и Климовец по 4 пати беа прецизни.

СЕ ОСТВАРИЈА НАЈАВИТЕ, СМЕНЕТ ЖЕЉКО КАВРАН

Хрватска со нов претседател

Хрватскиот ракометен сојуз има нов претседател, Санди Шола. Тој доаѓа на местото на Жељко Кавран кој 13 години успешно си ја вршеше својата работа. Но, во пресрет на мундијалот, дојде до судир на интереси внатре во федерацијата и УО реши да го смени и да постави нов човек.

Шола во своето прво интервју изјави дека нема да биде "фикус" во федерацијата. Останува да потврди дека нема да трпи притисоци.

ЛИГА НА ШАМПИОНИ - МАЖИ

Распоред група "Ц"

01/05.10.2008

1. Коло

Металург - Кил

Драмен - Барселона

08/12.10.2008

2. Коло

Барселона - Металург

Кил - Драмен

15/19.10.2008

3. Коло

Металург - Драмен

Барселона - Кил

05/09.11.2008

4. Коло

Металург - Барселона

Драмен - Кил

12/16.11.2008

5. Коло

Кил - Металург

Барселона - Драмен

19/23.11.2008

Кил - Барселона

Драмен - Металург

ЛИГА НА ШАМПИОНИ - ЖЕНИ

Распоред група "А"

29.10/02.11.2008

1. Коло

Кометал Ѓ. П. - Ѓер

Квалификант - Звезда

05/09.11.2008

2. Коло

Звезда - Кометал Ѓ. П.

Ѓер - Квалификант

12/16/11.2008

3. Коло

Квалификант - Кометал Ѓ. П.

Ѓер - Звезда

02/04.01..2009

4. Коло

Кометал Ѓ. П. - Звезда

Квалификант - Ѓер

05/07.01. 2009

5. Коло

Ѓер - Кометал Ѓ. П.

Звезда - Квлификант

14/18.01.2009

Кометал Ѓ. П. - Квалификант

Звезда - Ѓер

МАКЕДОНИЈА СО ТРИУМФ ОД 2:0 НАД КИНА ГО ПОЧНА НАСТАПОТ НА 3. СП ВО РАКОМЕТ НА ПЛАЖА ВО КАДИЗ

Победуваме и со позајмена опрема

Откако опремата на нашите репрезентативки не стигна во Шпанија, ракометарките добија опрема од организаторот, но и тоа не ги спречи да ја совладаат Кина.

МАКЕДОНИЈА - КИНА 2:0
(18:14; 18:13)

Кадиз. Судии: Ал-Нофли и Ал-Шаик од Оман. Делегати: Јоргстад од Норвешка и Чианг од Тајпех.

МАКЕДОНИЈА: Андрејева 6, Радуловиќ 10, Црвенкоска, Пецевска 18, Славковска, Платон 2, Боева, Ацковска

КИНА: Цанг 1, Гонг 6, Цао 10, Цанг 2, Цу 4, Ли, Си 4, Ху

Со победа од 2:0 женската репрезентација на Македонија во ракомет на плажа стартуваше на успешен начин на Светското првенство. Триумфот потврди дека нашата селекција има шанси на Мундијалот да обезбеди висок пласман така што беше многу важно да се дојде до првиот триумф.

И во двата сета Македонија беше поквалитетниот противник. Во првиот сет одигравме доволно добро за да стигнеме до предност, а сетот беше добиен со резултат од 18:14.

Во вториот само се продолжи во ист стил. Се играше во исто темпо така што немаше никаков проблем за да се дојде одново до солидна предност со која се оствари разликата која беше доволна за да се освои и овој сет.

Тоа значеше дека Македонија ги освојува првите бодови и по првиот ден може да се пофали со добар резултат.

На првата средба најдобра игра демонстрираше Драгана Пецевска. Таа беше незадржлива за противничкиот состав бидејќи успеа да собере дури 18 поени. Покрај неа на овој меч во листата успеа да се запише и Радуловиќ, која мечот го заврши со десет поени. Андрејева, која е голман, имаше шест, а дебитантот Анжела Платон на крајот имаше два поена.

Оваа средба заврши без поголеми проблеми, а денеска добрата игра ќе мора да се потврди и против Уругвај и против Русија.

За денешните натпревари се очекува Македонија да настапи со својата опрема. Откако багажот на нашите репрезентативки не пристигна заедно со нив тие на првиот меч играа со опрема која им ја даде организаторот. Доцнење на опремата поради проблеми со летовите и трансферите се случува вторпат на една наша селекција бидејќи и лани имаше вакви проблеми кога се патуваше за Франција на Светското првенство. Инаку, се очекуваше доцна синоќа багажот да пристигне, па ракометарките да можат без проблеми да настапат на денешните натпревари.

РУСИЈА ЗАГУБИ НА ДУЕЛОТ СО УРУГВАЈ

Аутсајдерот со голема победа

Селекцијата на Уругвај, која на овој шампионат се сметаше како аутсајдер во групата "Б", изненади уште на стартот на првенството во Кадиз. Успеа да ја надигра репрезентацијата на Русија и во тај-брек дојде до победа од 2:1 така што по првото коло е хитот на овој шампионат.

Добро е што ваквото изненадување се случи уште на стартот на првенството бидејќи токму Уругвај е следниот противник на Македонија и ова ќе делува трезвено за нашите репрезентативки да нема потценување кон оваа селекција.

Денеска против Уругвај и Русија

Според програмата за натпреварување, следни противници на Македонија се селекциите на Уругвај и Русија. По вчерашното изненадување Уругвај денеска ќе игра против Македонија, а мечот почнува во 12:30 часот. Тоа е шанса за нашата селекција да успее да стигне до својот втор триумф со кој ќе остане во трка за едно од двете места кои водат во полуфинале.

Покрај овој меч нашите репрезентативки ќе играат и против Русија во рамки на 3. коло. Доколку успееме да дојдеме до победа тогаш утре ќе ни остане против европскиот шампион Хрватска и домаќинот Шпанија да се бориме за полуфинале. Двете селекции синоќа го одиграа својот прв дуел.

Илиева и Карбеска почнаа со судење

Нашата судиска двојка на Светското првенство, Марија Илиева и Силвана Карбеска почна со делење на правдата. Тие вчера ги имаа првите натпревари на Мундијалот. Во утринската програма Илиева и Карбеска судеа на средбите во машка конк*ренција. Беа дел од натпреварот меѓу Унгарија и Иран, а немаа воопшто тешка задача бидејќи Унгарците го решија дуелот со 2:0.

РАСПОРЕД И РЕЗУЛТАТИ

ЖЕНИ

ГРУПА "А"

1. КОЛО

Бразил - Србија 2:0 (23:13; 23:17)

Норвешка - Дом. република 2:0 (24:1; 23:5)

Италија - Украина 2:0 (17:16; 17:16)

2. КОЛО

Србија - Норвешка 2:1 (11:16; 16:10; 7:6)

Украина - Бразил 0:2 (7:18; 14:18)

Дом. република - Италија 0:2 (11:16; 9:15)

ЧЕТВРТОК (10.07.2008)

3. КОЛО

09:30 Бразил - Дом. република

13:30 Норвешка - Италија

20:00 Србија - Украина

ГРУПА "Б"

1. КОЛО

Македонија - Кина 2:0 (18:14;18:13)

Русија - Уругвај 1:2 (10:6; 4:10; 2:6)

Хрватска - Шпанија 2:1 (20:18; 14:22; 9:5)

ЧЕТВРТОК (10.07.2008)

2. КОЛО

10:30 Шпанија - Русија

11:30 Кина - Хрватска

12:30 Уругвај - Македонија

3. КОЛО

17:00 Хрватска - Уругвај

18:30 Русија - Македонија

19:30 Шпанија - Кина

МАЖИ

ГРУПА "А"

1. КОЛО

Русија - Србија 1:2 (18:22; 14:11; 4:7)

Хрватска - Уругвај 2:0 (20:8; 22:10)

Унгарија - Иран 2:0 (14:10; 18:12)

ГРУПА "Б"

1. КОЛО

Египет - Либан 2:0 (14:11; 20:8)

Пакистан - Турција 0:2 (17:19; 10:18)

В ПОНЕДЕЛНИК ПОЧНУВА 16. СВЕТСКО ПРВЕНСТВО ЗА ЈУНИОРКИ НА КОЕ 20 СЕЛЕКЦИИ ЌЕ СЕ БОРАТ ЗА ТИТУЛАТА

Светот ќе добие нов јуниорски првак

Прилогот го подготви:

Дејан Михајловски

Од 21 јули до 3 август Македонија одново ќе биде домаќин на најдобрите женски селекции во јуниорска конк*ренција. Вторпат во пет години нашата земја има чест да ги пречека најдобрите 20 репрезентации од целиот свет во категоријата до 20 години.

Јуниорските првенства редовно се отскочна штица за многу млади ракометарки. Ова е шанса за секоја од нив да успее да се докаже и да си обезбеди место во сениорските репрезентации на својата земја.

На ваквите натпреварувања редовно се случуваат изненадувања. Фаворитите секогаш и има, но тие не победуваат бидејќи редовно се случуваат промени во формата, па тоа знае да донесе до непредвидливи резултати.

Во групата на селекции од кои се очекува да обезбедат место во полуфиналето или се наоѓаат најблизу до место меѓу најдобрите четири, секако, се носителите на четирите групи: Данска, Романија, Кореја и Шпанија. Тоа е главната група на фаворити за медалите на овој шампионат, а другите ќе имаат таква можност да им ги помрсат сметките и да ги напаѓаат во текот на целиот шампионат. Секој што ќе успее да освои бодови против овие репрезентации ќе може да каже дека направил добра работа бидејќи секој поен против овие четири селекции значи и чекор поблизу до следната рунда.

На овој шампионат за многумина Данска е фаворитот број еден. Ова се однесува пред с$ на добрите резултати кои оваа генерација ги бележи веќе три години наназад. Кореја пред две години во кадетска конк*ренција играше во финалето на Светскиот шампионат, но времињата се менуваат, а во Македонија ќе има неколку селекции кои тогаш не играа и сега имаат многу поквалитетен тим, така што никој нема загарантирана позиција во завршните борби за трофеите.

Зад носителите во втората група има поголем број селекции кои имаат еднакви шанси за да изненадат, па дури и да се најдат пред четирите главни фаворити. Словенија, Црна Гора, Хрватска, Франција, Унгарија, Германија се репрезентациите од кои ќе се чека да изненадат. Квалитетот кој го демонстрираа при игрите во квалификациите покажуваат дека тие имаат сили да дојдат до победа и против посилните од нив.

Тешко е да се каже која од овие шест селекции отскокнува во однос на квалитетот со оглед на фактот што досега немаат многу заеднички натпревари, па тука се нијанси во прашање.

Доколку Македонија имаше повеќе контролни средби тогаш сигурно нашата репрезентација ќе беше во оваа група заедно со шесте селекции. Вака останува отворено прашањето дали имаме сили за да одиме многу погоре од сите очекувања.

Другите селекции остануваат во последната група. Многу е тешко да се верува дека некоја репрезентација од оние кои беа рангирани во последните два шешири пред ждрепката ќе може да изненади и да се пласира меѓу најдобрите осум на првенството.

Во секој случај светот ќе добие нов првак во јуниорска конк*ренција бидејќи Русија која ги освои последните три титули нема да игра во Македонија. Прашањето е кој ќе се најде на тронот на 3 август.

Недостигаат Русија, Норвешка....

Овој шампионат ќе биде осиромашен за неколку селекции кои редовно имаат добри јуниорски тимови. Русија, која е сопственик на последните три титули, немаше среќа во квалификациите и загуби во Црна Гора така што не успеа да се најде меѓу 20 репрезентации кои ќе играат на овој шампионат.

Порак Русинките ќе недостигаат и Норвежанките, Србинките, Швеѓанките така што првеството сигурно ќе биде осиромашено без нив, но сигурно ќе понуди квалитетни игри и со оние состави кои успеаја да си обезбедат место меѓу најдобрите 20 во светот.

Данска со три злата

Селекцијата на Данска важи како прв фаворит пред с$ поради фактот што оваа генерација веќе има освоено три титули. Данките победија во 2005 година на кадетското Европско првенство, а една година подоцна и на Светското.

Покрај тоа и во јуниорска конк*ренција се европски шампионки, па овде ќе се обидат да ја комплетираат колекцијата.

СУДИИ

ГРУПА "А"

Матија Губица/Борис Милошевиќ (Хрватска)

Кијоши Хизаки/Томоказу Икебучи (Јапонија)

Ким Андерсен/Пер Мортен Содал (Норвешка)

ГРУПА "Б"

Ѓорѓи Начевски/Славе Николов (Македонија)

Клодоалдо Паз/Сержо Соуза (Бразил)

Валериа Гушева/Стела Вартањан (Русија)

Малгоржата Голус-Счубелак/Моника Новак (САД)

ГРУПА "Ц"

Хенри А. Ахифон/Ерик Џ. М. Ниот (Камерун)

Андерс Бирх/Денис Стенранд (Данска)

Анис Беји/Сами Фарах (Тунис)

Татјана Ракитина/Ирина Ткачук (Украина)

ГРУПА "Д"

Петер Хорват/Балаш Мартон (Унгарија)

Ахмед Ал Мутава/Хосем Ал Суваилем (Кувајт)

Ненад Николиќ/Душан Стојковиќ (Србија)

ДЕЛЕГАТИ

ГРУПА "А" - СКОПЈЕ

Маноел Луиз Оливеира (Бразил)

Карин Нилсон Грин (Шведска)

Саид Боуамра (Алжир)

Неделко Неделковски (Македонија)

ГРУПА "Б" - ГЕВГЕЛИЈА

Марио Гарсиа де ла Торе (Мексико)

Фабиано Фереира М. Редондо (Бразил)

Роналд Бурги (Швајцарија)

Мајкл Д. Кавануг (САД)

ГРУПА "Ц" - ОХРИД

Бадер Ал - Тејаб (Кувајт)

Д-р Францоис Гнамиан (Б. С. Коска)

Франтишек Таборски (Чешка)

Манфред Праузе (Германија)

ГРУПА "Д" - ВИНИЦА

Насер Абу Марзок (Кувајт)

Гунал Енсари (Турција)

Душан Поповиќ (БиХ)

Драган Начевски (Македонија)

ИСТОРИЈАТ

ГОДИНА ДОМАЌИН ЗЛАТО СРЕБРО БРОНЗА

1977 Романија Југославија СССР Романија

1979 Југославија СССР ДДР Југославија

1981 Канада СССР Југославија СР Германија

1983 Франција СССР ДДР Кореја

1985 Кореја СССР Кореја Полска

1987 Данска СССР Данска ДДР

1989 Нигерија СССР Кореја Бугарија

1991 Франција СССР Кореја Данска

1993 Бугарија Русија Бугарија Кореја

1995 Бразил Романија Данска Норвешка

1997 Б. С. Коска Данска Русија Романија

1999 Кина Романија Литванија Данска

2001 Унгарија Русија Унгарија Германија

2003 Македонија Русија Унгарија Норвешка

2005 Чешка Русија Норвешка Кореја

2008 Македонија ? ? ?

ДЕН ПОСЛЕ ЖДРЕПКАТА ПРЕТСТАВНИЦИТЕ НА ЕХФ ОДРЖАА ПРЕС-КОНФЕРЕНЦИЈА

Античкиот амфитеатар, полн погодок

По одлично организираната ждрепка која се одржа во неделата во Охрид на античкиот амфитеатар, вчера во просториите на хотелот Метропол се одржа прес-конференција на која челниците на ЕХФ и РФМ се обратија со впечатоците од она што беше прикажано.

Задоволството е евидентно. Вестите се позитивни и с$ е во најдобар ред засега. Посебно позитивни беа коментарите за организацијата на ждрепката на отворено бидејќи ова е првпат да се одржи ждрепка за едно ЕП на отворено, но и на таков објект кој е изграден пред повеќе од 20 века.

"И честитам на РФМ за одлично организираната ждрепка. Идејата да ни ја покажат историската позадина за спортот беше одлична, каде што видовме комбинација на спорт и култура. Првпат видов ваква организација на ждрепка и беше едно одлично искуство од наша страна. Првпат сум во Охрид и можев да се уверам колку е прекрасен овој град. Мислев дека сум во Медитеранска земја, а впечатокот беше зголемен со ноќната прошетка со бродот", рече на почетокот на пресот, претседателот на ЕХФ, Тор Лиан.

Покрај тоа, Лиан говореше и за тоа што треба да се сработи во следниот период за да може на првенството да се има максимална посетеност.

"Ова првенство е едно водечките. Кога мислиме на гледачи имаме максимално позитивен развој. Ова е голем настан за Македонија. Имаме многу добра соработка со РФМ, а се надевам дека ќе имаме успешно првенство бидејќи ова е навистина потребно. Луѓето во Македонија се компетентни, посветени и искусни организатори. Се радуваме да ја поканиме Европа во Македонија. Сигурен сум дека знаете дека многу овие еипи ќе оимаат навивачи со нив. Имаше поплаки да се донесат навивачи по воздушен пат, се надевам дека ќе поработите на тоа да се направат салите поживи. Мислам дека секој кој го искусил македонското гостопримство ќе сака да се врати уште еднаш. Задоволни сме. Се радуваме и ги броиме деновите до 2 декември", заврши Лиан.

Инаку, вчерашниот прес пред с$ беше за да се потенцира дека Македонија одлично ја сработи својата задача и дека идејата да се организира ваква манифестација на отворено и во историски објект е одлична.

Што се однесува до салите каде што е планирано да се играат средбите с$ е во најдобар ред. За салата во Скопје беше кажано дека тоа е прекрасен спортски објект, додека за во салата во Охрид постои задоволство од тоа што досега е сработено.

МИХАЕЛ ВИДЕРЕР

Датите за првиот меч веќе познати

Генералниот секретар, Михаел Видерер објасни како ќе течат натпреварите во првата фаза на првенството.

"Македонија покажа дека е одличен организатор на вакви манифестации. Се виде дека подготвеноста е одлична и дека може веднаш да се каже која група во кој град ќе игра. Покрај тоа веднаш го изработивме и распоредот, а се знае и на кои дати ќе се одиграат средбите. Според тоа натпреварите од групите "Ц" и "Д" ќе почнат на 2 декември, а ќе се играат со ден одмор. Додека групите "А" и "Б" ќе почнат на 3 декември. Исто така и овде средбите се играт со ден одмор", рече Видерер.

ТРИФУН КОСТОВСКИ

Голем ден за Македонија

Претседателот на РФМ, Трифун Костовски имаше пофални зборови за тоа како се одвиваше ждрепката.

"Ова е голем ден за Македонија посебно за Скопје и Охрид. Спортот припаѓа на сите. Задоволен сум од групата во која се најдовме. Сепак, најмногу ќе зависи од девојките и нивната мотивираност. Би посакал на сите натпревари да ги бодриме максимално девојките. Да ја почувствуваат поддршката, додека на другите тимови им посакувам да имаат добар прием и во Скопје и во Охрид. Да го почувствуваат духот на Македонија".

Почнуваме против Германија

Според распоредот кој веќе е направен за првата фаза, Македонија ќе стартува против селекцијата на Германија, а средбата ја игра на 2 декември. Потоа се продолжува против Хрватска, а последниот дуел во групата "Д" го имаме со селекцијата на Србија.

РАСПОРЕД НА НАТПРЕВАРИТЕ

ГРУПА "А" (СКОПЈЕ)

1. КОЛО (03.12.2008)

Франција - Данска

Унгарија - Романија

2. КОЛО (05.12.2008)

Романија - Франција

Данска - Унгарија

3. КОЛО (07.12.2008)

Франција - Унгарија

Данска - Романија

ГРУПА "Б" (ОХРИД)

1. КОЛО (03.12.2008)

Норвешка - Шпанија

Португалија - Украина

2. КОЛО (05.12.2008)

Украина - Норвешка

Шпанија - Португалија

3. КОЛО (07.12.2008)

Норвешка - Португалија

Шпанија - Украина

ГРУПА "Ц" (ОХРИД)

1. КОЛО (02.12.2008)

Русија - Австрија

Шведска - Белорусија

2. КОЛО (04.12.2008)

Белорусија - Русија

Австрија - Шведска

3. КОЛО (06.12.2008)

Русија - Шведска

Австрија - Белорусија

ГРУПА "Д"

1. КОЛО (02.12.2008)

Германија - Македонија

Хрватска - Србија

2. КОЛО (04.12.2008)

Србија - Германија

Македонија - Хрватска

3. КОЛО (06.12.2008)

Германија - Хрватска

Македонија - Србија

Семинари во септември и октомври

За да може организацијата на првенството да мине во најдобар ред во септември и октомври ќе бидат организирани и семинари. Според планот во септември ќе има состанокот со екипата која ќе ги работи ТВ преносите, а од 2 до 4 октомври ќе се одржи семинар со водачите на делегаците на сите 16 селекции што ќе биде вовед за Европското првенство.

МАКЕДОНИЈА СО ПОБЕДА ОД 33:16 ПРОТИВ АВСТРАЛИЈА СТАРТУВАШЕ НА СВЕТСКОТО ПРВЕНСТВО СО ОЧЕКУВАНИ БОДОВИ

Успешен старт на Мундијалот

МАКЕДОНИЈА - АВСТРАЛИЈА 33:16 (16:9)

Сала: СРЦ "Билјанини извори" во Охрид. Гледачи: 1000. Судии: Гушева и Вартањан од Русија. Делегати: Праузе од Германија и Таборски од Чешка.

МАКЕДОНИЈА

Крстевска 12

Срњакова 4/5

Георгиевска 0/1

Илиоска 4/4

Стојковска 5/7

Штериова 3/3

Когој 2/5

Стојановиќ 6

Гроздановска 6/7

Николовска 1/2

Анчева 0/2

Петковска 7/12

Беба 0/2

Серафимовска 1/2

Седмерци: 0/2

Исклучувања: 2

Тех. грешки: 23

АВСТРАЛИЈА

Луис 6, 1 с

Перинс 1

Ван Бусел 1/3

Мекдоналд

Најдовски

Кејт

Поточки 4/9

Лукас 1/3

Ван дер Мерве 0/2

Смиљаниќ 7/19

Блондел 1/3

Томас 2/4

Паркер 0/1

Седмерци: 2/2

Исклучувања: 8

Тех. грешки: 31

Јуниорската селекција на Македонија стартуваше со победа од 33:16 на Светското првенство откако против Австралија очекувано се одигра доволно, колку што беше потребно за да се забележи овој убедлив триумф.

Тремата која што се очекуваше да биде присутна на почетокот на средбата беше надмината со првите два напади. Ивана Петковска, а потоа и Кристина Илиоска беа стрелци на првите два гола за Македонија. Голманот Стојановиќ запре три топки во само три минути игра, така што немаше многу проблеми за да се направи предност од два гола разлика.

Австралија успеа да се врати во игра и во 5 минута од мечот резултатот беше 3:2.

Следните пет минути од мечот не донесоа премногу новости во играта на теренот. Македонија и покрај грешките кои ги имаше во нападот успеваше да го зголемува водството и да се одржува во ритам. Во 10. минута водеше веќе со 6:3, а само три минути подоцна на семафорот стоеше резултат од 8:3 што до тој момент беше највисокото водство.

Место да се продолжи по ова водство да се игра во ист ритам и да се оди до крајот со сите сили, се дозволи противникот да наметне своја игра. Неколку напади во коишто не успевавме да постигнеме гол не ставија во незгодна ситуација бидејќи Австралија направи серија од 5:2 со што во 20 минута намали на два гола разлика, 10:8.

Откако после ова Австралијките останаа без најдобрата ракометарка работите им станаа далеку покомплицирани и потешки и на теренот не одеше с$ како што се посакуваше. Тоа значеше дека Македонија полека успева да воспостави контрола на резултатот, а полека но сигурно се одеше и кон сигурна предност која даваше шанса за многу посмирена игра во продолжението.

До крајот на првиот дел Македонија успеа да зголеми на седум гола и на паузата да замине со седум гола предност, 16:9. Користејќи го отсуството на Георгиевска лидер во нападот беше левиот бек Петковска, додека помош имаше и од другите свои колешки.

Второто полувреме и двете репрезентации го почнаа во грч. Имаа дури по три технички грешки, така што првиот гол беше постигна Гроздановска по четири минути игра.

Сепак, продолжението од средбата донесе многу поефикасна игра. Се играше нешто послободно во нападот, па првпат водевме со десет гола разлика во 41. минута. Тоа беше најава дека, сепак, ќе дојдеме до двоцифрена победа. На семафорот стоеше резултат од 21:11, после кој се очекуваше разликата постојано до расте за убедлив триумф на стартот на шампионатот.

Она што се претпоставуваше почна да се случува бидејќи девојките продолжија со слободната игра. Полесно наоѓаа решение во нападот, па разликата од минута во минута растеше, што значеше шанса за сите ракометарки кои беа во составот да покажат колку можат.

До крајот немаше проблеми за да зачува разликата и да биде уште повеќе зголемена. Меѓутоа кога се мислеше дека позитивата оди над 20 разлика тогаш дојде до мало опуштање, па застанавме на 17 разлкика и конечни 33:16.

Поточки заработи црвен

Левиот бек на репрезентацијата на Австралија и дефинитивно најдобрата ракометарка во оваа селекција, Сали Поточки на почетокот на 21 минута мораше да го напушти теренот. Судиите од Русија престрого и го покажаа патот кон соблекувалната по еден прекршок кој го направи над Марија Когој. До тој момент таа беше најдобрата и најефикасна ракометарка на Австралија.

Градоначалниците говореа на отворањето

Пред одигрувањето на мечот меѓу Македонија и Австралија имаше кратка церемонија во која како што е обичај на ваквите настани беше отворен шампионатот. Свој говор одржаа градоначалниците на Скопје, Трифун Костовски и Охрид, Александар Петревски. Како претставник од ИХФ, на ракометарките коишто ќе играат им се обрати делегатот од Брегот на Слоновата Коска, Д-р Гнамиан.

МАКЕДОНИЈА ВЕЧЕРВА ГО ИГРА РЕШАВАЧКИОТ МЕЧ ЗА ПЛАСМАН НА 3. МЕСТО ВО ГРУПАТА И ЗА МЕСТО ВО ВТОРАТА РУНДА НА МУНДИЈАЛОТ

Победа за Охрид или пат за Гевгелија

Вечерва е денот "Д" за Македонија, кога на мечот против Бразил ќе се бориме за пласман во втората рунда и за продолжение на шампионатот меѓу најдобрите 12 селекции.

Од 21 часот вечерва во СРЦ "Билјанини извори" репрезентацијата на Македонија ќе има голем предизвик против составот на Бразил да надомести за пропуштеното во претходните средби. Денеска нема избор и можност за тактизирање. Единствениот избор за Македонија е победа бидејќи само така може да се дојде до место во следната фаза.

Македонија се наоѓа на 4. позиција, па затоа денеска ќе мора да бидат вложени сите напори за да се успее во намерите и да се дојде до победа. Единствено два бода против Бразил н$ носат во следната рунда и за нас значат место во втората фаза.

Денеска се решава едно многу важно прашање за нас. Вечерва ќе падне одлука каде Македонија ќе игра од понеделник. Постојат две опции. Првата е да продолжиме со настап во Охрид, што посакуваат сите. Втората е Гевгелија и таа е во опција само доколку се случи нешто што ќе делува поразително за сите.

После двата порази, кои може да се каже дека на некој начин беа и очекувани прашање е дали ќе се успее во намерите девојките да се вратат на психолошки план. Нема да биде воопшто лесно и тоа е потполно јасно. Посебно поради играта која беше демонстрирана на натпреварот одигран во четвртокот против Хрватска кога цели 12 минути се мачевме за да ја сместиме топката во голот на противникот.

"Ништо не може да кажеме предвреме. Еден Исланд дојде на екск*рзија во Македонија, а успеа да ја совлада Германија која ја вбројуваа меѓу фаворитите за прво место. Ние ќе се обидеме да направиме с$ за да дојдеме до победа, а нема да биде ништо чудно и да загубиме од Бразил. С$ е можно на оваа средба. Јас верувам во девојките дека тие имаат сила за да стигнат до победа на натпреварот против Бразил, а самиот пласман во вториот круг ќе биде големо искуство за сие ракометарки", вели селекторот Георгиевски пред одигрувањето на денешната средба.

Факт е дека денеска ќе биде денот "Д" за репрезентацијата на Македонија. Нема избор и тоа го прави мечот посебно интересен и максимално предизвикува за уште еднаш салата СРЦ "Билјанини извори" да биде исполнета до последното место.

Подготовките веќе се направени. Играта на Бразил е простудирана на три средби и според тоа се очекува на теренот да се види квалитетот на Македонија. Тактиката е подготвена и вистинското треба да го очекуваме што судиите ќе означат почеток на средбата.

"Бразил игра чудна одбрана за сите нас. Игра некаков полупресинг постојано 3-3 и го бркаат противникот по теренот. Затоа за нас е потребно да играме еден на еден на овој дуел и секој играч ќе мора да покаже колку е подготвен на технички план. Ќе мора и пикерите да прават повеќе блокади, крилата да се уфрлаат за да добиеме и на простор. Ќе мора оние работи коишто ќе ги договориме пред мечот и да ги спроведеме на теренот".

За да се случи сето ова кое го посакуваме ќе мора да го надминеме сето она што го направивме на мечот против Хрватска. Имавме премногу лошо отворање на мечот, а потоа само на моменти игравме како што сите посакуваат што во никој случај не беше доволно за да се оствари добар резултат.

Грешките коишто беа правени ќе бидат можност за анализи. Можност да се види зошто девојките одиграа премногу неодговорно. Шутираа од сите позиции без да размислуваат. Токму поради тоа имаше премногу промашувања коишто влијаеја и на резултатот на крајот од средбата.

"Хрватска има фантастична генерација и игра модерен ракомет, па нашите девојки имаат што да научат. И на овој меч одново кикснавме пред с$ од нашето неискуство. Пред полна сала самите девојки во желба да постигнат некаков максимум одеа од грешка во грешка. Пробавме да направиме с$ за да ги смириме, но тие само продолжија со грешките. На овој меч не можеше да настапи ниту Ивана Петковска која се повреди, а Елена Георгиевска игра со пола сила. Нивното време допрва доаѓа и од овие селекции имаат можност само многу да научат. Би и се заблагодарил на публиката која многу им помага на девојките. И кога нема да можат и кога ќе губиме десет разлика ние играме како да е нерешено".

Во секој случај секој меч е ново искуство за нашите репрезентативки. Меѓутоа, после три средби не може повеќе да се каже дека тремата го прави своето. Искуството можеби и може да се кажува како причина за ваквата игра, но тремата, сепак, не е оправдание бидејќи првенството е веќе на пола и тоа треба да е надминато.

Веројатно од сите работи коишто се случија на теренот во четвртокот најдоброто беше тоа што тренерите и дадоа шанса на најмладата, Наташа Антиќ да може да настапи на овој дуел и да дебитира со можеби идниот носител на некој од медалите.

"Ние сме тим и кога ќе погреши една сите грешат. На почетокот ништо не ни одеше од рака. Разликата меѓу нас и Хрватска беше во голманите. Кај нас, пак, голманите беа далеку од потребното ниво. Затоа, одлучив да и дадам шанса на малата Наташа Антиќ која има само 15 години бидејќи денеска немавме воопшто помош од голманите", заврши Георгиевски.

Петковска повторно неизвесна

Левиот бек, Ивана Петковска и за последниот меч од групата "Ц" е неизвесна за настап. Повредата на зглобот може да ја спречи да игра и на овој дуел. С$ уште има оток и тоа беше причината поради која не настапуваше на мечот против Хрватска. Сепак, се прават напори таа да може да игра на последниот дуел од групата и да помогне да дојдеме до победа и пласман во втората рунда.

ЗОРАН МЛИНАРИЌ (СЕЛЕКТОР НА ХРВАТСКА)

Ќе навиваме за Македонија

Селекторот на Хрватска, Зоран Млинариќ рече дека ја посакува Македонија во групата за вториот круг и вели дека тоа е остварливо.

"Отсега ќе почнеме со срце да навиваме за Македонија бидејќи доколку успее да помине во втората фаза тогаш ќе имаме одново полна сала. Се надевам дека и ќе бидат во комплетен состав и ќе можат да ни помогнат да дојдеме до што подобар пласман бидејќи чекаме да дојдат до победа против некој од противниците кои доаѓаат од Виница".

Што се однесува до средбата одиграна во четвртокот, за тој дуел вели дека е изненаден од развојот на настаните, но важно е што неговиот тим го оствари планот.

"Овој натпревар беше важен за нас бидејќи овие бодови се пренесуваа во следниот круг. Затоа сакавме да прокнижиме два нови поени. Мислам дека овој меч беше големо искуство за нашите девојки. Не знам дали досега имале можност да играат во ваков амбиент и пред полна сала. Сметам дека за сите нив ова ќе биде вистинско искуство за некој друг пат да не се плашат ниту од публиката ниту од навивањето. Знаевме дека Македонија има проблеми со повредите и дека нема да настапи во комплетен состав. Штета за натпреварот бидејќи така ќе беше далеку подобра средба. Ние сме задоволни од нашата игра посебно во првото полувреме".

МАРТА ЖДЕРИЌ (ХРВАТСКА)

Игравме со 120 посто од силите

Една од подобрите во составот на Хрватска на дуелот против Македонија, голманот Марта Ждериќ имаше свој коментар за настаните на теренот.

"Влеговме 120 посто. Знаевме што не очекува. Не е исто да се игра против Кореја или против Македонија. Македонија има добри ракометарки и поединци. Ние влеговме подобро како тим. Игравме сите за една. Немаше разлика. Кога дававме голови се веселевме и тоа пресуди на крајот", рече Ждериќ.

СИМОНА ГРОЗДАНОВСКА

Данок на неискуството

На почетокот на средбата Македонија одигра неверојатно и ништо не одеше како треба бидејќи беа примени многу голови, а првиот го дадовме дури во 12 минута.

"Првите десетина минути се случуваше чудо на теренот. Тоа е резултат на неискуството. Ние сме млада репрезентација, па кога еден ќе почне да греши другите продолжуваат. Место да ја смириме играта и да продолжиме со поорганизирана игра во напад, ние бевме далеку од ова туку влагавме во с$ поголеми грешки. Одбраната на Хрватска е над 180 сантиметри, а ние некогаш шутиравме и од десетина метри па не можевме да пробиеме", вели Гроздановска.

БЕЛМА БЕБА

Подготвени сме за Бразил

Пред дуелот против Бразил, во таборот на Македонија се размислува максимално позитивно и покрај тоа што се случи со Хрватска.

"Подготвени сме посебно за дуелот против Бразил. Знаеме што не очекува и ќе мораме да покажеме дека знаеме како да дојдеме до победата. Против Хрватска одигравме неверојатно лошо и ниту една девојка не одигра како што треба. Имавме премногу грешки и во напад и во одбрана, а немавме решение за голманите на противникот", вели Беба.

РАСПОРЕД И РЕЗУЛТАТИ

ПРВА ФАЗА

ГРУПА "А" (СКОПЈЕ)

1. ДЕН

Унгарија - Исланд 23:23 (10:10)

Словенија - Германија 26:29 (13:15)

2. ДЕН

Исланд - Словенија 26:26 (13:10)

Романија - Германија 30:38 (17:15)

3. ДЕН

Унгарија - Романија 27:26 (14:12)

4. ДЕН

Германија - Исланд 23:24 (13:11)

Словенија - Унгарија 24:33 (12:16)

5. ДЕН

Исланд - Романија 28:32 (13:15)

26.07.2008

19:00 Германија - Унгарија

21:00 Романија - Словенија

ТАБЕЛА

1. Унгарија 3 2 1 0 83:73 5

2. Германија 3 2 0 1 67:56 4

3. Исланд 4 1 2 1 101:104 4

4. Романија 3 1 0 2 88:93 2

5. Словенија 3 0 1 2 76:88 1

ГРУПА "Б" (ГЕВГЕЛИЈА)

1. ДЕН

Црна Гора - Ангола 31:23 (15:13)

Казахстан - Јапонија 27:31 (13:13)

2. ДЕН

Јапонија - Црна Гора 30:31 (16:13)

Данска - Ангола 32:25 (16:17)

3. ДЕН

Казахстан - Данска 22:33 (10:16)

4. ДЕН

Ангола - Јапонија 26:24 (15:11)

Црна Гора - Казахстан 30:28 (18:15)

5. ДЕН

Јапонија - Данска 28:34 (10:16)

26.07.2008

19:00 Ангола - Казахстан

21:00 Данска - Црна Гора

ТАБЕЛА

1. Данска 3 3 0 0 99:75 6

2. Црна Гора 3 3 0 0 82:81 6

3. Јапонија 4 1 0 3 113:118 2

4. Ангола 3 1 0 2 74:87 0

5. Казахстан 3 0 0 3 77:94 0

ГРУПА "Ц" (ОХРИД)

1. ДЕН

Хрватска - Бразил 33:25 (16:11)

Македонија - Австралија 33:16 (16:9)

2. ДЕН

Австралија - Хрватска 18:53 (8:24)

Кореја - Бразил 37:32 (22:9)

3. ДЕН

Македонија - Кореја 27:35 (10:19)

4. ДЕН

Бразил - Австралија 34:12 (18:6)

Хрватска - Македонија 34:20 (16:6)

5. ДЕН

Австралија - Кореја 12:39 (7:18)

26.07.2008

19:00 Кореја - Хрватска

21:00 Бразил - Македонија

ТАБЕЛА

1. Хрватска 3 3 0 0 120:63 6

2. Кореја 3 3 0 0 111:71 6

3. Бразил 3 1 0 2 91:82 2

4. Македонија 3 1 0 2 80:85 2

5. Австралија 4 0 0 4 58:159 0

ГРУПА "Д" (ВИНИЦА)

1. ДЕН

Франција - Тајван 39:22 (21:11)

Аргентина - Алжир 31:18 (13:13)

2. ДЕН

Алжир - Франција 18:34 (8:15)

Шпанија - Тајван 27:19 (14:10)

3. ДЕН

Аргентина - Шпанија 14:22 (8:11)

4. ДЕН

Тајван - Алжир 28:18 (14:6)

Франција - Аргентина 28:16 (12:9)

5. ДЕН

Алжир - Шпанија 14:22 (8:13)

26.07.2008

19:00 Тајван - Аргентина

21:00 Шпанија - Франција

ТАБЕЛА

1. Франција 3 3 0 0 101:56 6

2. Шпанија 3 3 0 0 71:47 6

3. Аргентина3 1 0 2 61:68 2

4. Тајван 3 1 0 2 69:84 2

5 . Алжир 4 0 0 4 75:108 0

КАРИН НИЛСОН ГРИН, СУПЕР ВИЗОР НА СВЕТСКАТА ФЕДЕРАЦИЈА ЗА СВЕТСКОТО ЈУНИОРСКО ПРВЕНСТВО

Македонија стана модерен организатор

ИХФ и на третото светско првенство во јуниорска конк*ренција како набљудувач ја испрати Швеѓанката Карин Нилсон Грин, претседател на седумчлената комисија на ИХФ за промоција и односи со јавност.

За Грин, како и да е, ова не е трето службено патување во Македонија, била и претходно и со задоволство реши да направи споредба околу тоа како е сега и како било порано на ракометните случувања во Македонија.

"Можам да кажам дека Македонија стана модерен организатор на првенствата и многу ми е мило затоа што тоа е така. Се води сметка на сите детали кои се важни за учесниците и с$ функционира како што треба", вели Грин.

Деталите се всушност оние ситници кои на организаторот му задаваат многу главоболки, а не се видливи за гледачите.

"Тоа е сместувањето, превозот, медиа центрите и сите работи кои се јавуваат како тековни. За Македонија ова е трето првенство и одлично знае да се снајде во сите ситуации", вели Грин.

- Вие не сте првпат во Македонија, бевте во улога на официјален претставник на ИХФ и на претходните две првенства.

"Да, но јас сум била и претходно во Македонија. Ова е мој петти пат да сум овде. Првпат во квалификациите за женското сениорско првенство во 1997 година. Тогаш бев шеф на делегацијата на Шведска, игравме квалификации со Македонија. Морам да забележем дека има огромна промена од тогаш до сега. Тогаш, ако смеам така да се изразам, а да не навредам никого, Македонија беше многу 'источна' земја. Условите во кои игравме беа навистина лоши. Салата беше валкана и несредена, паркетот беше нерамен. Се сеќавам дека нашите девојки беа многу исплашени што доаѓаат да играат во Македонија. Публиката беше нервозна, летаа и предмети кон нашите играчи. Паметам дека имавме шанса и да победиме, но не успеавме во последниот напад, па Македонија замина на СП", вели Грин.

- Следниот пат?

"По тоа бев во 1998, значи една година подоцна. Повторно со репрезентацијата. Ништо посебно не беше променето. Безмалку беше идентично како и претходната година, разликата беше во тоа што знаевме помалку-повеќе што да очекуваме", изјави Грин.

- Вашето наредно гостување беше во 2003, на светското јуниорско првенство...

"Тогаш бев навистина пријатно изненадена. С$ беше поинаку. Салата беше средена, публиката пријатна, с$ функционираше како што треба. Многу ми беше мило што е така, затоа што јас го сакам и го сфаќам македонскиот народ. Овде има голема ракометна публика, луѓе кои го разбираат и го сакаат ракометот", вели Грин.

- 2007, па сега 2008...

"Се оди напред. Реков Македонија стана модерен организатор и сега е вистинско задоволство да се доаѓа овде. Сите луѓе вршат одлична работа. И претставниците на федерација и медиумите. Условите се одлични и во салите. Со нетрпение чекам да видам како ќе изгледа сето тоа во новата сала... Би сакала да се заблагодарам за работата што ја работите. С$ е одлично и сите треба да се задоволни. Јас сега заминувам во Охрид, но се враќам! За натпреварите од завршницата одново ќе бидам во Скопје", изјави Грин.

РФМ и Шведска имаат одлични односи

"Морам да кажам дека односите меѓу македонската и шведската ракометна федерација се одлични и дека одлично соработуваме. Би издвоила само дека Македонија се откажа од организацијата на ЕП 2006 во корист на Шведска кога ние добивме организација. По тоа Шведска се откажа во корист на Македонија за 2008 и вие добивте. Не се сомневам дека и тоа првенство ќе биде перфектно организирано и дека наскоро одново ќе имаме шанса да соработуваме", вели Грин.

ШУНДОВСКИ ТРЕТ ДЕН ГО ПОДГОТВУВА ТИМОТ ЗА СТАРТОТ НА ЛИГАТА НА ШАМПИОНИТЕ

Металург зема залет од Маврово

Екипата на Металург во полн состав ги почна подготовките за наредната сезона во која ќе имаат комплицирана задача во битката со засилениот Вардар Про да ја одбранат титулата и уште покомплицирана, во Лигата на шампионите да парираат на двете најпознати европски екипи, Кил и Барселона. Нормално, со услов да го елиминираат турскиот шампион Измир во квалификациите за Лигата на шампионите.

Металург на Маврово работи на физичката подготвеност, по што ќе замине на гостување во Словенија каде се планирани неколку натпревари.

Нема да имаат многу време ракометарите на Металург за подготвување. Првенството почнува по еден месец, а тоа што ја прави незгодна целата работа е што веќе на стартот, прво ќе мораат да играат со споменатиот Измир и веднаш по тоа со Вардар Про. Исто како и лани, веќе во првото коло од националното првенство.

Екипата претрпе неколку измени сезонава. Замина Гоце Макалоски, тој ќе игра во Вардар, а во обратна насока стигна Владо Недановски. Замина голманот Славиша Стојиновиќ, а на неговото место пристигна добро познатото име, Данило Брестовац.

Уште во текот на сезоната заминаа Иван Телепњев и Левко Наумоски. Место нив нема нови играчи. Филип Шчепановиќ веќе потпиша за Ц. Звезда, а на неговата, односно позицијата десен бек дојдоа Милош Ивановиќ и Сергеј Погорелов.

Последниот новитет беше доаѓањето на десното крило Александар Јовиќ од Вардар.

"Засега сме во овој состав, но ќе видиме како ќе биде. Нормално дека нема да прогласиме крај на преодниот рок. Ќе видиме како ќе течат подготовките и ќе реагираме навреме доколку за такво нешто се покаже потреба", вели претседателот на клубот, Ристо Чокрев.

Металург и натаму во комбинација ги има двата бека на репрезентацијата на Египет, но дали ќе има можност тие да дојдат, ќе се знае по завршувањето на Олимписките игри во Пекинг. И двата ракометари се дел од тимот на "фараоните" кој ќе игра на Олимпијдатата.

"Засега с$ си оди нормално. Работиме главно на физички план. Знаеме колку искушенија н$ чекаат и свесни сме дека мораме уште веднаш, на стартот да достигнеме топ форма", вели пикерот Горан Ѓоргоноски.

Тимот засега тренира по двапати на ден. На Маврово ќе остане вкупно 10 дена.

СО НОВА ОПРЕМА ВО ЛШ

Ереа место Најк

Металург следната сезона ќе биде облечен во опремата на италијанската фирма "Ереа". Досега суперлигашот од "Автокоманда" носеше опрема на познатиот "Најк", но годинава ќе ги носи продуктите на фирмата која ги снабдува фудбалските тимови на Мидлсброу, Аталанта, националниот тим на Шкотска итн. Поголемиот дел од опремата веќе е пристигнат и се користи на подготовките, с$ ќе биде комплетирано наскоро, кога веројатно и официјално ќе бидат промовирани.

ЖЕНСКАТА ЕКИПА ГИ ПОЧНА ПОДГОТОВКИТЕ

И Металург Скопје во погон

Паралелно со машкиот тим и женската екипа на Металург Скопје ги почна подготовките за следната сезона.

Оваа екипа сезонава се враќа во Супер-лигата и има план во следните неколку години да стане тим за почит, пред с$ во поглед на начинот на кој ќе биде организиран, а соодветно со тоа треба да доаѓаат и резултатите.

"Не сакаме да се излетуваме премногу. Клубот мора да се развива чекор по чекор. Играчкиот кадар за оваа сезона ќе биде комплетиран до крајот на неделава. Подготовките ќе се одвиваат во Скопје. Натпревари ќе играме во втората фаза од подготовките. Сигурно ќе заминеме во Србија, но уште немаме дефинирано каде и со кои екипи ќе имаме контролни натпревари", вели Крсто Петрушевски.

Најавите околу женскиот тим беа далеку поамбициозни, но главно темелени на чаршијата.

"Оваа сезона целта е да бидеме стабилни во првенството. Нормално, секое место погоре ќе биде поубаво. Но, главно е организациски с$ да биде поставено на свое место, за да може подоцна клубот правилно да се развива. Немаме намера веднаш да се залетуваме со бркање резултати. Доколку се работи правилно, тие сами ќе дојдат", вели Томе Треневски, претседателот на спортското друштво Скопје.

СТАРТУВАШЕ ЖЕНСКИОТ ВИЦЕПРВАК

Кале почна со подмладен тим

Женскиот вицепрвак, екипата на Кале Кичево, почна со подготовките за наредната сезона. За кичевскиот клуб, кој во минатиот период за кратко имаше финансиски проблеми, најважно беше да се почне.

Играчкиот состав беше познат помалку или повеќе уште пред да стартуваат. Измени има на голманската позиција. Дијана Наумоска замина во Грција, а на нејзиното место доаѓа Билјана Николовска, која лани беше член на Фон Универзитет од Струга.

МАШКИОТ ТУРНИР НА ОЛИМПИСКИТЕ ИГРИ ВО КИНА ЌЕ БИДЕ НЕВЕРОЈАТНО СИЛЕН, А КОНк*рЕНЦИЈАТА ЗА ЗЛАТОТО Е ГОЛЕМА

Шест селекции со еднакви шанси

Вкупно 12 репрезентации од недела ќе почнат со трката за златниот медал на Олимписките игри во Пекинг во машка конк*ренција каде што трофејот го брани селекцијата на Хрватска.

На оваа Олимпијада постои голема израмнетост меѓу репрезентациите, а дури шест од нив имаат состав кој може да дојде до златниот медал на крајот на турнирот. Многу е тешко да се процени кој состав има поголеми шанси, но факт е дека се работи за шест селекции од Европа и сите се во кругот на кандидати за највисокото место на тронот.

Финалето од пред четири години во коешто играа Хрватска и Германија с$ уште е во сеќавањата на сите вљубеници во ракометот. Неизвесниот дуел кој се решаваше при крајот го разубави целиот турнир кој донесе квалитетна игра.

Сепак, она што беше тогаш сега сигурно ќе биде уште посилно и поквалитетно бидејќи има многу посилни репрезентации. Покрај финалистите од пред четири години големи надежи за место во финалето има и кај составите на Данска, Франција, Шпанија, Полска...

Сите шест селекции имаат медали на големите натпреварувања од Олимписките игри во 2004 година наваму. Сите имаат и состави во кои има голем број ѕвезди. Сето тоа покажува дека овој турнир ќе биде на рамниште на Европските и Светските првенства и токму поради тоа заслужува да се следи во текот на целиот шампионат.

Репрезентациите се поделени во две групи од по шест селекции. По секое коло ќе има по ден одмор, а по завршувањето на средбите по групи ќе се игра четвртфинале така што за да се стигне до златото ќе биде потребно да се одиграат по осум натпревари.

ГРУПА "А"

Хрватска

Шпанија

Франција

Бразил

Полска

Кина

ГРУПА "Б"

Русија

Исланд

Германија

Кореја

Данска

Египет

ДОСЕГАШНИ ПОБЕДНИЦИ

1936 Германија

1972 Југославија

1976 СССР

1980 Германија

1984 Југославија

1988 СССР

1992 ЗНД

1996 Хрватска

2000 Русија

2004 Хрватска

Бронзените од Атина, во споредна улога

Пред четири години Русите успеаја да завршат на 3. место, но по тоа формата на оваа селекција редовно се движеше по надолна линија. Токму поради ова Русија не е репрезентација која се смета како фаворит за врвот и затоа се наоѓа во групата на селекции кои ќе се обидат да изненадат. Во таа група се и: Исланд, Бразил, Египет, Кина и Кореја.

ХРВАТСКА

Светското првенство во прв план

Ако кажеме дека Хрватска има редица на повредени ракометари нема да кажеме ништо ново бидејќи тоа е нешто кое веќе сме навикнале да го слушаме пред големите натпреварувања за оваа селекција. На малиот Иван Чупиќ му беше ампутиран прст на левата рака. Џомба и Метличиќ имаа операции пред почетокот на подготовките. Балиќ доби незгодни удари на последните контролни средби...

Едноставно, селекцијата која ја брани титулата од пред четири години има многу проблеми. Селекторот Лино Червар не може да смета на 100% подготвени ракометари и тоа е причина да не може со сигурност да се каже какви се шансите на овој состав на игрите.

Сепак, предноста на Хрватска е тоа што оваа репрезентација во ист состав игра заедно веќе подолг период. Токму поради тоа кога е во прашање овој тим ништо не може да се предвиди туку најдобро е да се почека и да се види како ќе тргнат работите.

"Нашата главна цел е Светското првенство на кое сме домаќини на почетокот на следната година. Олимписките игри се дел од тој проект и затоа главното од нас ќе следи во јануари", вели Гобац, инаку одговорниот за машките селекции во Хрватска.

ГЕРМАНИЈА

Тешка задача за ново финале

Хајнер Бранд смета на најсилниот состав за игрите, но има еден проблем кој се случи прет тргнувањето за Кина. Ларс Кауфман го поврди мускулот на левата нога и поради тоа мора да мирува извесен период.

Неиграњето на Кауфман секако ќе измени дел од тактиката на германскиот селектор бидејќи тој е еден од оние коишто имаат квалитет да помогнат и во одбраната и во нападот. Воедно беше еден од подобрите на последните контролни средби.

И покрај повредата на овој ракометар, Бранд има одличен тим кој на овие игри ќе биде предводен од голманите Фриц и Битер, а во тимот ги имаат и искусните Шварцер и Керман така што Германија има голема шанса да успее да стигне барем до финалето.

Инаку, Германците почнаа лошо на контролните средби, а потоа продолжија во добар стил и постојано го креваа квалитетот на играта. Тие се освојувачи на среброто од пред четири години и затоа за очекување е на овој шампионат да стигнат до нов висок пласман.

ДАНСКА

Атак на уште едно злато

Составот кој на почетокот на оваа година успеа да дојде до титулата на Европското првенство, сега ќе се обиде да стигне до нов пехар, но од Олимписките игри.

Каспер Хвидт е главниот адут на Данците на игрите во Кина бидејќи тој е еден од најстандардните во оваа репрезентација. Данска има и одлична предна линија. Пивотот Кнудсен е еден од најдобрите во светот, но и еден од специјалистите за одбранбени задачи. Крилото Ларс Кристиансен веќе со години е меѓу подобрите на својата позиција.

Бековската линија ги има истите ракометари како и на шампионатот од јануари. Тука се: Спелерберг, Боесен, Болдсен... како и специјалистите за одбрана Јоргенсен и Нилсен. Сето ова го прави тимот на Данска еден од фаворитите за трофеј и секоја селекција која ќе игра со овој состав ќе има потешкотии.

ФРАНЦИЈА

Карабатиќ ги предводи "триколорите"

Селекцијата на Франција на Олимписките игри ќе биде предводена од двајцата најдобри ракометари: бекот Никола Карабатиќ и голманот Тиери Омејер. Тоа се главните адути на "триколорите" коишто и во Пекинг гледаат свои шанси да дојдат до првото место.

Според многу оценки токму Французите заедно со Данците треба да го водат главниот збор на теренот и од нив ќе се очекува да дојдат до пласман во финалето на игрите. Неизвесно е дали ова ќе може да се оствари бидејќи можно е овие две селекции да се сретнат и пред финалето, но факт е дека од нив ќе се очекува многу.

Победата над Шпанија од 33:29 пред некој ден е само показател дека Франција е во добра форма и на теренот во Пекинг ќе има што да покаже.

ШПАНИЈА

"Фуријата" чека на искусните

Баруфет, Хомбрадос, Ромеро, Ентрериос, Лозано, Гарабаја... Тоа се само дел од имињата на ракометарите коишто ќе играат на Олимписките игри за "црвената фурија".

Имаа слаба форма во последните неколку натпревари и не го прикажаа она што сите го очекуваа. Токму поради тоа е неизвесно каква е силата на Шпанците пред одигрувањето на средбите на игрите во Пекинг.

Факт е дека никој нема да може да се наигра против нив, но и дека нема да можат лесно да дојдат до место во завршницата и борбата за медалите.

Шпанците овој пат ќе се обидат со искуството да дојдат до што е можно повеќе бодови во првата фаза, а потоа и до пласман во полуфиналето.

Во секој случај тоа што селекторот може да смета на сите ракометари е доволен показател дека Шпанија има сили за највисок дострел.

ПОЛСКА

Состав кој може да изненади

Селекцијата која во јануари 2007 година на Светското првенство дојде до сребрениот медал е подготвена за настап на игрите во Кина. Речиси истиот состав со мали измени е повторно на теренот.

Билецки, двајцата Лијевски, но и двајцата Јурецки заедно со Ткачик и Јурасик се адутите на Полска на овој шампионат. Сите погледи се свртени кон овие ракометари кои доколку успеат да ја повторат играта која ја прикажаа пред нешто повеќе од 18 месеци ќе можат да се надеваат на место во завршницата.

Во споредба со другите пет селекции Полска најниско на скалилото заедно со Шпанците, но тоа не мора да значи ништо бидејќи прогнозите се едно, а вистинската слика на теренот нешто сосема друго.

"ЦРВЕНО-ЦРНИТЕ" ПРЕЗАДОВОЛНИ ОД УСЛОВИТЕ НА ЗЛАТИБОР

Првата фаза е полн погодок

Екипата на Вардар Про е единствената екипа од Македонија која првата фаза од подготовките ја реализира во странство. "Црвено-црните" од 2 август се на Златибор и таму се подготвуваат за претстојните предизвици.

"Овде е прекрасно. Изненаден сум од сите услови, од салата, од сместувањето, од приемот. Временските услови се одлични, овде е 23 степени, идеално за работа, за оваа фаза од подготовките", коментира тренерот на скопскиот тим, Веселин Вујовиќ. "Доаѓањето овде го сметам за полн погодок и можам уште сега пријателски да му препорачам на директорот на репрезентацијата на Македонија да го има предвид кога ќе ја подготвува репрезентацијата", вели Вујовиќ.

Вардар во Србија отпатува со 18 ракометари, а единствен кој остана во Македонија е голманот Никола Митровски, кој треба да заврши со терапијата на колената.

"Имавме мал пех на стартот, Немања Прибак го исчанчи зглобот, но веќе почна да тренира и наскоро ќе биде во полн ритам. Мали проблеми имаат и Ракчевиќ и Симовиќ, но ништо сериозно. Друго... умор, тоа е. Но, сосема нормално е во оваа фаза од подготовките играчите да се жалат на умор. Договоривме контролен меч со Ц. Звезда и тоа ќе биде првата контрола за екипата", вели Вујовиќ.

Вардар по комплетирањето на базичната фаза на подготовките продолжува во БиХ и Словенија и ќе учествува на четири турнири, меѓу кои централното место го зазема турнирот во Добој, каде ќе игра со Нордхорн и Иври во рамките на групата.



ВАРДАР ПОБЕДИ НА ПРВАТА КОНТРОЛА

Денот, по утрото се познава

ВАРДАР ПРО - Ц. ЗВЕЗДА 29:27 (14:15)

Екипата на Вардар Про ја забележа својата прва победа во новата сезона. На контролниот натпревар кој го одигра со белградска Ц. Звезда, Вардар победи со два разлика. Минимална предност на полувремето, имаше белградскиот тим.

РУСКИОТ ИНТЕРНАЦИОНАЛЕЦ СЕ ВРАЌА НАЗАД БЕЗ ДОГОВОР

Погорелов заминува од Металург!

Не им требаше многу време во Металург за да видат дека Русинот Сергеј Погорелов е далеку од тоа што некогаш бил. Веќе на прв поглед беше јасно дека ќе му треба многу време за да се врати пред с$ во физичка форма. Му беа дадени неколку дена на Маврово да се адаптира, да почне со вистински тренинзи, но во меѓувреме веднаш почна потрагата по замена во случај тој да не може да остане.

Како што беше најавено, Погорелов беше испратен на лекарски прегледи, а резултатите кои ги добија во Металург, за жал, беа очекуваните. Погорелов покрај тоа што не е физички подготвен има и здравствени проблеми и тука некаде завршува приказната за неговиот ангажман во македонскиот шампион.

Деновиве и официјално ќе биде потврдено заминувањето на Погорелов од Металург и веројатно ќе биде објавен нов трансфер, име на играч кој ќе дојде во Македонија.

Од Металург разбирливо не сакаат премногу да ја комантираат ситуацијата со рускиот бек. Велат само дека им е жал што ова не успеало. Сергеј Погорелов е дефинитивно најголемото име кое дошло да игра во некој македонски тим. Но, се чини дека само името е и останато. Погорелов е многу далеку од своите најдобри денови и во ваква состојба нема да може да му помогне на Металург ниту во битката со Вардар уште помалку во натпреварите од Лигата на шампионите.

Но, не очајува македонскиот првак по Погорелов, уште од моментот кога им стана јасно дека постои можност да не се реализира договорот со Русинот почна да бара алтернативно решение.

Хрватот Даниел Џоно, Босанецот Ковач и уште неколку имиња беа и се во комбинација за трансфер во Металург.

Наскоро би требало да биде објавено името на играчот кој ќе ја пополни десно-бековската позиција во клубот.

Металург во меѓуврме ги продолжува подготовките на Маврово. Таму остануваат вкупно 13 дена, а клубот очекува на 15 август да им се приклучи Милош Ивановиќ, десниот бек кој се рахабилитира од повреда и ќе работи под посебен третман. Но, за разлика од Погорелов, Металург свесно влезе во "дил" со Ивановиќ, сметајќи на тоа дека тој би бил подготвен најмалку до крајот на годинава.

ПРИЛЕПЧАНИ И СТРУМИЧАНИ (НАЈВЕРОЈАТНО) ЌЕ ОСТАНАТ ПРВОЛИГАШИ

Никој не одговорил на барањето за проширување

Екипата која со години беше позната како Т. К. Бренд од Прилеп и тимот на Струмица побара на конференцијата на клубови одржана на 3 август согласност од суперлигашите за проширување на Супер лигата и на тој начин да се пресели во најсилното натпреварување и условно кажано да ги спаси овие два ракометни центри од пропаст.

Клубовите треба писмено да се изјаснат до денеска, на пладне. Во случај некој клуб да не прати одговор, ќе се смета дека не го поддржува барањето за проширување на Супер лигата.

Струмичани и прилепчани би требало да почнат да се подготвуваат да ја одиграат оваа сезона како прволигаши. Договорот на конференцијата на клубовите беше до денеска на пладне да стигнат одговори, но доколку само еден клуб не прифати, тогаш пропаѓа целиот проект на овие два тима за враќање во елитата.

До вчера ниту еден суперлигаш немаше пратено одговор!

Дури и да соберат потписи со поддршка од сите суперлигаши, овие два клуба, сепак, нема да можат да влезат во Супер лигата. Одлука за проширување на лигите носи собранието на клубовите. Така, ова барање на двата споменати клуба фактички претставува барање за свикување на собрание на кое, доколку се согласат суперлигашите не би требало да имаат проблем да дојдат до посакуваното проширување.

Ваквото проширување не беше можно до пред некоја година. Имено, собранието може да донесе одлука за проширување на Супер лигата, но не за оваа туку за наредната сезона. Ова беше сменето во 2001 година, на собранието кое се одржа во Прилеп, во времето кога претседател на РФМ беше Душко Кадиевски. Тогаш беше сменето ова правило и лигата се прошири. Поточно беше направен компромис со екипите кои во тоа време штрајкуваа и тие кои играа.

Сеедно, прилепчани и струмичани денеска ќе знаат дали нивниот проект пропаѓа или дали ќе имаат шанса да играат во Супер лигата.

КОМЕТАЛ Ѓ. П. НЕ УСПЕВА ДА АНГАЖИРА ЗАСИЛУВАЊА ОД МУНДИЈАЛОТ

Ништо од трансферот на Потоцки, тешко и за Гвон

Дефинитивно нема да има "дил" меѓу Кометал и Австрлијката Потоцки. Сe помали се шансите за ангажман на Корејката Гвон и сe помалку време за Кометал да ангажира засилувања за следната сезона.

Обидите на Кометал Ѓ. Петров да ангажира ракометарки кои беа во Македонија на јуниорскиот мундијал се со с$ помали шанси да бидат реализирани.

Вториот стрелец на првенството, Сали Потоцки од Австралија, требаше да биде едно од засилувањата, но тоа дефинитивно нема да се случи. Младата Австралијка останува во својата татковина. Не добила дозвола од нејзините родители да реализира ваков трансфер. Македонија, сепак, е далечна дестинација, а австралијските ракометарки се далеку од професионалци, ако ништо повеќе тогаш во сфаќањата и амбициите врзани за ракометот.

Така Потоцки се враќа назад и овој трансфер е дефинитивно "аут". Тоа го потврдија и од канцеларијата на Кометал Ѓ. Петров.

Кометал сигурно нема да жали што нема да ја има Потоцки во тимот, но ќе има за што да жали доколку не успее да ја ангажира Корејката Хана Гвон.

Гвон е ракометарката која беше прогласена за најкорисен играч на мундијалот. И статистички беше на самиот врв на ранкингот на играчите според индивидуалните остварувања.

Кометал стапи во контакт со неа, но нешто повеќе од една недела по крајот на мундијалот шансите таа да се пресели во Македонија се помали отколку што беа.

"Нема ништо ново по тоа прашање. Направивме еден контакт, но тешко оди реализацијата. Ќе видиме што ќе биде", изјави претседателот на клубот, Иван Бојков, без претеран оптимизам или очекувања дека нешто набрзо и на подобро ќе се промени во тој поглед.

Дунафер, екипата која веројатно ќе се распадне и која им даде одврзани раце на своите ракометарки доколку сакаат да заминат, би можел да е интересен за Кометал. Посебно на голманската позиција каде брани Хрватката Санела Кнезовиќ. Има и пар други ракометарки кои би донеле новини во овој тим на Кометал Ѓ. П.

"Следиме што се случува во Дунафер, веќе анализиравме каков профил на играчи имаат и дали може тука нешто да се стори. Имаме некое свое мислење и став, но не можам сега да кажам дали ќе има нешто од тоа. Ние сме во контакт со неколку менаџери и се работи на ангажман на играчи. Но, во моментов немаме ништо конкретно за објавување", вели Бојков.

Кометал во меѓувреме ја заврши фазата на подготовките на Маврово. Ракометарките во редуциран број ја одрабореа оваа фаза и сега се во Скопје, во очекување на првите контролни натпревари.



КОМЕТАЛ И ГОДИНАВА НА ЗИКА КУП

Контроли со Звезда, Хипо, Рулментул ...

Кометал Ѓ. Петров и годинава ќе оди на турнирот "Зика куп", кој се одржува во Германија. Од 28 до 31 август, во Бад Урах ќе се сретне со дузина одлични екипи меѓу кои се и финалистите на ланската сезона од Лигата на шампионите, Звезда Звенигород и Хипо.

Кометал со Звезда ќе мора да се соочи и во натпреварите по групи, а во Бад Урах ќе биде уште еден можен противник - Рулментул Брашов од Романија.

Баер Леверкузен, каде што игра Наташа Коцевска, исто така е учесник. Шпанската Бера Бера од Сан Себастијан, норвешкиот Бјасен и германскиот Гепинген ја заокружуваат листата од осум учесници на ова издание на традиционалниот турнир.

САМО ЕДЕН ПОТВРДЕН ОДГОВОР НА БАРАЊЕТО ЗА ПРОШИРУВАЊЕ НА СУПЕР-ЛИГАТА

Вип и Струмица останаа прволигаши!

Единствена екипа која го поддржа барањето на двата клуба кои сакаа проширување на Супер-лигата е В.В. Тиквеш од Кавадарци.

МАКЕДОНСКИОТ ПРВАК ЗАИНТЕРЕСИРАН ЗА ХРВАТСКИОТ ПИВОТ

Кометал ја бара Бошњак

ОД ФРАНЦИЈА ЛЕВИОТ БЕК СЕ СЕЛИ НА ЕМИРАТИТЕ

Ангеловски во Ал Али

ВЧЕРА СТАРТУВАШЕ ЈУБИЛЕЈНИОТ 40. ТУРНИР НА ШАМПИОНИТЕ

Добој ужива во врвен ракомет

Македонскиот вицешампион Вардар Про е претставник од Македонија на турнирот со најдолга традиција на Балканот.

Добој од вчера е во центарот на вниманието на ракометните збиднувања на Балканот. 40. издание на традиционалниот турнир собра на едно место 8 екипи од седум држави, а меѓу нив е и македонскиот вице-првак Вардар Про.

За скопскиот тим ова е главниот дел од подготовките за наредната сезона. Досега "црвено-црните" одиграа неколку натпревари, ги совладаа Ц. Звезда, Коњух, Металопластика и Зеница и го освоија турнирот чиј домаќин беше споменатата Зеница.

ТВ турнирот на шампионите, кој е со најдолга традиција на Балканот, е сепак нешто друго. За јубилејното 40. издание на овој турнир собрани се звучни имиња, екипи кои се познати во Европа, вклучувајќи го и актуелниот победник на Купот на ЕХФ, германскиот Нордхорн. Германците, кои во моментов настапуваат без олимпијците Холгер Гландорф и Горан Шпрем годинава решија да се подготвуваат на овие простори, па покрај учеството на турнирот во Добој, ќе се појават и на турнирот во Блаце, каде годинава ќе нема македонска екипа.

Токму бундеслигашот беше првиот противник на Вардар. Македонскиот тим се сретна со Германците синоќа. Денеска "црвено-црните" ќе одмораат, а по тоа ќе играат со домаќинот на турнирот Слога и со францускиот Иври.

Во групата "Б", сараевската Босна ќе се обиде да изненади некого од фаворитите. Репрезентацијата на Тунис е во Добој, исто како и ланскиот противник на Вардар во Лигата на шампоните, Адемар Леон од Шпанија. Унгарскиот вице-првак Пик Сегед го комплетира списокот на учесцници на турнирот од кого "слободно" би можела да се формира една група за Лигата на шампионите на ЕХФ.

Партизан Бјеловар е екипата која има најмногу триумфи на овој турнир. Шест пати оваа екипа триумфирала, последен пат во 1978. Македонскиот Пелистер има два триумфи во Добој. 1996 и 1997 година триумфираа битолчаните. Последен победник е Адемар Леон. Шпанците лани го совладаа Чеховски Медведи и го добија преодниот пехар кој го доделува ЕХФ, со оглед на тоа дека овој турнир е влезен во календарот на натпреварување на европската федерација.



Распоред на натпреварите

1. Коло

Слога - Иври

Нордхорн - Вардар Про

Босна- Адемар Леон

2. Коло (среда)

Слога - Нордхорн

Тунис - Босна

Пик Сегед - Адемар Леон

3. коло (четврток)

Тунис - Пик Сегед

Вардар Про - Слога

Нордхорн - Иври

4. коло (петок)

Иври - Вардар Про

Пик Сегед - Босна

Адемар Леон - Тунис

Сабота:

Финале и мечеви за пласман

ВАРДАР ОСИГУРУВАЊЕ ЗАМИНУВА ЗА СРБИЈА

Од денеска во Врњачка бања

Металург - Драмен  37-30

 слики од уткамицата

В ЧЕТВРТОК, ВО СКОПЈЕ ДОАЃА КИЛ, ЕКИПАТА КОЈА ПОСЛЕДНИВЕ ДВЕ СЕЗОНИ ИГРАШЕ ВО ФИНАЛЕТО НА ЛИГАТА НА ШАМПИОНИТЕ

Кавтичник: Металург може секого да победи дома

ЧЕТВРТОК, 13.11.2008

МЕТАЛУРГ - КИЛ            18:00

Скопје, сала: Борис Трајковски"

Судии: Милан Сивак и Петер Дворски од Словачка

Делегат: Оле Кристијансен од Данска

Иако с$ уште е актуелен натпреварот кој во саботата го играше со Барселона, Металург мора веднаш да се фокусира на тоа што следи. А следи гостувањето на еден од двата најсилни и без двојби најатрактивниот тим во моментов - Кил.

"Зебрите" во Скопје доаѓаат ослабени. Но, да не се добие погрешен впечаток, "ослабени" во Кил, по с$ изгледа, е збор кој има поинакво значење отколку кај другите екипи.

Отсуство на играчи како Никола Карабатиќ, по тоа Борге Лунд итн. секаде би било оквалификувано како огромен хендикеп, можеби решавачки момент и слично. Но, Кил и без нив во последното првенствено коло го совлада (дотогаш) второпласираниот во Бундес-лигата, Лемго, со 10 гола разлика!

Предводен од вонсерискиот Тјери Омејер (17 одбрани), пикерот Маркус Алм (10 гола) и ветеранот Штефан Ловгрен (7 гола), Кил навидум лесно и повеќе од убедливо победи (33:23).

Сега доаѓаат во Скопје да го одиграат и вториот меч со македонскиот шампион. На првата средба победија со 8 гола разлика (37:29), без сомнеж и овде ќе бидат огромни фаворити.

Тоа што ситуацијата во групата "Ц" од Лигата на шампионите е решена, за Кил не значи ништо. Едноставно тие играат исто на секој натпревар, секогаш. А тоа го прават на многу високо ниво и затоа и резултатите им се такви (единствениот пораз сезонава го имаат доживеано од Сиудад Реал во полуфиналето на "Трофејот на шампионите" во Веспрем. А имаат одиграно над 15 натпревари, што во Бундес-лигата што во Лигата на шампионите.

Кил доаѓа некомплетен, но со доволен број имиња кои ги почитува цела ракометна Европа.

Во квалитетите на Словенецот Вид Кавтичник и начинот на кој тој функционира во машинеријата на Кил можеа да се уверат и ракометарите на Металург и љубителите на ракометот кои го следеа натпреварот преку малите екрани.

Станува збор за еден од најкорисните ракометари во "стадото на зебрите", екстремно брз и безмалку перфектно воигран исто толку и реализаторски способен, посебно кога се работи за типичните додавања преку цел терен со кои се прослави Кил, посебно во казнувањето на противничките грешки.

На тој меч постигна 5 гола од исто толку обиди, а сигурно многу мака ќе им создава на одбранбените играчи на Металург и в четврток.

Тој одново се согласи за Македонски спорт да ги искоментира последните случувања и да пренесе дел од атмосферата во германскиот табор до македонската публика.

"Очекуваме амбиентот во Скопје да биде добар, салата полна и сигурно ќе биде тежок натпревар. Не се залажуваме, знаеме дека Металург има добра екипа и дека на домашен терен ќе биде тешко да ги победиме. Се потпираме на нашиот квалитет, а квалитетот на Кил налага да се оди на секој натпревар на победа, па така и во Скопје. На тој натпревар, најверојатно, нема да играат Никола Карабатиќ, Борге Лунд и Андрас Паличка. Така нашата екипа ќе биде прилично ослабена и мораме да бидеме посебно внимателни", вели Кавтичник.

- Сега кога ситуацијата во групата е практично решена, како успева Кил да ја задржи мотивацијата на дуелите со послабите противници?

"За нас секој натпревар е посебна приказна, па така како што ќе играме со Металург, така ќе играме и со Вецлар и мораме на секој натпревар да дадеме с$ од себе за да победиме. Така мораме ако сакаме повторно да станеме прваци во Германија или прваци на Европа. Во нашиот спорт не смее да има калкулации во играта. Мора секогаш да се дава 100 % на теренот".

- Скептиците велат дека на првиот меч Кил играл со "пола" сила.

"Хе-хее.. Можеби така изгледа. Лесно е да се игра дома пред 10 250 гледачи. Но, затоа, пак, во Скопје сигурно ќе биде исклучително тешко".

- Уште една компарација на Металург со екипите во групата "Ц"

"Металург има добра екипа, но нема голем број вонредно квалитетни играчи како што имаат Кил и Барселона. Но и покрај тоа Металург би можел на домашен терен секого да победи. Драмен е млада екипа и нив најмногу им недостига искуство, па Металург е тука во предност", изјави Кавтичник.

Средбата е закажана за в четврток, во 18:00, тоа термин кој го одреди ЕХФ, а кој е на барање на Германците заради ТВ преносот. Распоред кој е утврден уште на почетокот на сезоната. Металург прес-конференција ќе одржи утре на пладне.



КИЛ АНГАЖИРАШЕ НОВ ГОЛМАН

Лусау место Паличка

На натпреварот во Скопје, Кил ќе допатува со својот нов голман, 21-годишниот Хердерио Лусау. 193 сантимери високиот Лусау е од Ангола, а во Кил доаѓа од шведската екипа Гуиф Есклиструна.

Тој доаѓа на местото на Швеѓанецот Андреас Паличка, кој мора на операција на менискусот. Нема многу информации за квалитетите на младиот голман од Ангола, освен што веќе неколку години брани во Шведска (Сканела, Ѓургарден, Гуиф) и има шведско државјанство. Сепак, штом Кил се решил за него, сигурно станува збор за голман кој е вонсериски талент. Тој потпиша за Кил договор со кој останува до јуни следната година.  Тој веќе дебитираше за Кил, на мечот со Лемго. Влезе во последните 4 минути, кога натпреварот веќе одамна беше решен и успеа за тој период да запише две одбрани, а да не прими ниту еден гол.

Кил и натаму е во потрага по дефанзивец, играч кој ќе го замени сезонава Борге Лунд. Норвежанецот се повреди (Ахилова тетива) на натпреварот во Барселона и ќе паузира меѓу 4 и 6 месеци. Практично, сезоната за него е завршена.

Повреден е и Никола Карабатиќ, повторно повреда на рамето и тој, најверојатно, нема да доаѓа во Скопје.

ЛИГА НА ШАМПИОНИ

Портланд на "тенок" лед

Екипата на Стеауа од Романија се наоѓа на прагот да го направи најголемото и веројатно единственото изненадување во Лигата на шампионите, во оваа прва фаза од натпреварите.

Романците на две кола до крајот имаат два бода предност пред Чеховски Медведи и Портланд Сан Антонио, кои се на второто и третото место со ист број бодови, но Русите имаат подобар меѓусебен скор од памплонците.

Во следните две кола Стеауа игра на гости во Чехов и дома со Портланд. Победат или одиграат нерешено на една од тие две средби, тогаш Стеауа ќе оди во главната рунда, а еден од фаворитите се сели во КПК. Како стојат работите, таква "среќа" му се насмевнува на некогашниот еврошампион Портланд Сан Антонио. Ќе имаат пеколно тешка задача Шпанците да ја совладаат Стеауа пред најмалку 5000 нивни навивачи во последното коло.

Во другите групи, главно с$ е познато. Шамбери и Целје ќе одат во главна рунда, Хамарби во КПК, а Гранитас се збогува со Европа.

Во групата "Б", Сиудад Реал и Гог продолжуваат во Лигата на шампионите, Босна во КПК, а Дукас ја заврши сезоната.

Во групата "Ц", Кил и Барселона остануваат во елитата, Металург треба да одбрани седум разлика во последното коло или да чепне бод од Кил за да остане во КПК, а Драмен да ја чека следната евро-сезона за подобар резултат.

Хамбург и ФЦК од групата "Д" остануваат во ЛШ, Татран сега е сигурен патник во КПК, а Ц. Звезда се посрамоти и веројатно без освоен бод ја завршува оваа сезона.

Во групата "Ф", Флензбург е сигурен, посебно ако го совлада вториот фаворит Веспрем во следното коло. Хаукар се дружи со теоријата, додека Запорожје е елиминиран.

Реале Адемар во групата "Г" и Монпеље се екипите кои ја продолжуваат дружбата со најсилните, Амичитија има цели 10 гола предност во однос на Брегенц од меѓусебната средба и извесно се сели во КПК.

Во последната група, Загреб и Рајн Некар ќе играат во ЛШ, прашање е само кој ќе биде прв а кој втор. Ќе одлучи пресметката во Манхајм, првиот меч заврши нерешено. Пик Сегед ќе го направи КПК поинтересен, а полската Висла Плик е елиминирана.

ПРЕТСТАВНИКОТ НА МАКЕДОНИЈА ВО КПК, ВАРДАР ПРО, ПОВТОРНО ИСПАДНА ОД ШВАЈЦАРЦИТЕ

Кадетен и годинава подобар

КАДЕТЕН - ВАРДАР ПРО 33:25 (19:14)
Спортска сала во Шафхаузен. Гледачи: 1500. Судии: Денц и Реибел до Франција.
Кадетен: Квадрели, Подпечан, Раух 2, Петро, Грубнер, Патраил 6, Олтманс, Старцан 3, Марчинкевичиус 1, Пунгартник 6, Ларсон, Бухер 1, Уршиќ 3, Линигер 9.
Седмерци: 6/8, Исклучувања: 12 мин.
Вардар Про: Косановиќ, Митревски, Ракчевиќ 5, Кисил, Макалоски, Прибак, Симовиќ 5, Радуловиќ 3, Ивановиќ 2, З. Мојсовски 1, Алушевски, Н. Мојсовски 2, Кукрика 7, Маркоски
Седмерци: 1/2, Исклучувања: 16 мин.

Тимот на Вардар Про е единствениот од трите македонски претставници во европските купови во машка конк*ренција кој не се пласираше во осминафинале откако против Кадетен во Шафхаузен загуби со 33:25. Поради само шесте гола предност од првиот дуел Вардар Про синоќа мораше да се прости со настапите во европските купови сезонава.

Уште на стартот на средбата се виде дека домашниот состав се има подготвено многу подобро за реваншот и дека ракометарите се решени и оваа година да го остават Вардар Про без презимување во Европа. Кадетен поведе со 6:1 и овој резултат беше актуелен на средбата во 9. минута.
Во следните осум минути "црвено-црните" како да ја најдоа формулата за да го загрозат голот на противникот, па на тој начин успеаја да фатат резултатски приклучок и да дојдат до резултат од 9:8. Меѓутоа, сето она што се сработи во овој период го снема во продолжението од натпреварот бидејќи следните седум минути донесоа нова серија за домашните кои одново дојдоа до посакуваната позитива. Во 24. минута поведоа со 16:10 и најавија возбудливо продолжение на средбата.
На 16:11 "вардарците" не искористија три напади со играч повеќе и тоа беше шанса за Кадетен да ја зачува предноста од пет гола и по завршувањето на првото полувреме.
Второто полувреме имаше неколку различни периоди за двата тима. Вардар намали по пет минути игра на три разлика и се обидуваше да дојде до уште подобар резултат. Немаше шанси да направи нешто повеќе бидејќи во 33. минута Вардар Про остана без Маркоски, а во 39. минута и без Ивановиќ, кои добија директни црвени картони. Сето тоа им помогна на домашните во 40. минута да дојде до осум гола предност и водство од 26:18.
По ова с$ беше многу потешко. Вардар мораше да брка одново резултат, но тоа одеше тешко и немаше сили за одново да се дојде до разлика која го води тимот во следната рунда. На 30:22 беа утнати зицер и седмерец, па веќе стануваше јасно дека на овој дуел "вардарците" нема да успеат да стигнат до подобар резултат и дека нема да можат да стигнат до пласман во осминафиналето.
Точка на средбата стави Линигер, кој со својот деветти гол стави до знаење дека и оваа сезона Кадетен продолжува понатаму, а Вардар Про долгот ќе го враќа во некоја друга година.

Тројца "поцрвенеа"

Дури тројца ракометари не го дочекаа крајот на средбата одиграна синоќа. Во 33. минута при еден дуел Маркоски и Пунгартник паднаа на земјата, а од искусниот ракометар на Кадетен имаше обид за удар. По сето тоа настана мешаница од која најдебелиот крај го извлекоа двајцата ракометари кои и ја почнаа целата ситуација. Добија директни црвени картони и се преселија на трибините. Шест минути подоцна на Маркоски му се придружи и десното крило Ивановиќ, но овој црвен картон остана чуден за сите бидејќи е доделен без објаснување и за прекршок за кој најмногу би требало да се доделат две минути.

КПК, 3. РУНДА
Нордхорн (Гер) - Будивелник (Укр) 23:21/28:21
Кадетен (Шва) - Вардар Про (Мкд) 27:33/25:33
Каустик В. (Рус) - Алпла Хард (Аут) 31:34/36:26
Париз (Фра) - Филинген (Нор) 32:27/32:21
Партизан (Срб) - КИФ Колдинг (Дан) 27:41/31:35
Ваљадолид (Шпа) - Коњух (БиХ) 25:16/34:20
АБЦ Брага (Пор) - Констанца (Ром) 18:21/24:28
Дунафер (Унг) - Плер (Унг) 32:30/29:26