пожарот не Ја изгоре вистината

Вангел Ајановски-Оче, познат македонски револуционер, му го подарил букварот на Архивот на Македонија пред триесетина години

Во Република Македонија има само еден зачуван примерок од оригиналното издание на „Абецедар“, првиот буквар за македонските деца отпечатен пред 81 година во Грција. Книгата се чува во посебно депо во Архивот на Македонија и најверојатно тој примерок е еден од трите зачувани при уништувањето на целиот тираж во 1925 година. Учебникот е зачуван благодарение на грижата на Вангел Ајановски-Оче, познат македонски револуционер од Егејска Македонија, кој му го подарил букварот на Архивот пред триесетина години.

Ајановски ја добил книгата при крајот на Втората светска војна од еден македонски учител од Егејска Македонија, кој успеал да ја спаси од уништувањето. Кон крајот на седумдесеттите години на минатиот век тој решил да и' ја подари целата своја лична архива на државната институција, откако повеќе од четири децении ја чувал во своето семејство. Ајановски беше создавач на Македонската антифашистичка организација (МАО) и на Тајната ослободителна македонска организација (ТОМО) во Воденско во текот и по Втората светска војна.

Другите два примерока на букварот, како што дознаваме, се во Градската библиотека на Виена, Австрија, односно во Националната библиотека во Атина, Грција. Оригиналниот примерок од Атина беше искористен од Македонците од Грција за да се направи копијата на „Абецедар“ чија промоција неодамна беше одржана во грчката престолнина. Букварот, наменет за описменување на македонските деца, претставува еден од најзначајните докази за постоењето на Македонците во Грција, кое грчките власти упорно го негираат.

Книгата беше отпечатена во Атина, во 1925 година како резултат на барањето на Друштвото на народите за да се обезбеди заштита на македонското малцинство во Грција. На 10 август 1920 година Грција потпиша договор пред Друштвото на народите за давање малцински права на граѓаните во Грција што не се етнички Грци. Договорот е потпишан во францускиот град Севр и во него пишува дека во Грција живеат припадници на повеќе народи, на кои грчката влада се обврзува да им ги даде основните национални права.

Но, судбината на букварот „Абецедар“ беше трагична - целиот печатен тираж бил запален и уништен во исцениран напад на возот со кој бил пренесуван кон местата во Грција каде што живеат Македонци.

Георги Ајановски, познат македонски новинар, посочува дека неговиот татко Вангел сосема случајно го добил букварот „Абацедар“.

- Тоа се случи во 1944 или во 1945 година, при една негова средба со еден од учителите што предаваше во македонските училишта. Татко ми ми раскажа дека желбата на учителот била букварот да послужи за описменување на најмладите македонски генерации и во другите краишта на Македонија. Познато е дека во тие години немаше никаков учебник од кој децата можеле да се описменуваат - вели Ајановски.

Тој додава дека овој примерок на букварот најверојатно го спасиле луѓето што први пристигнале до запалениот воз во чии вагони се наоѓал целиот тираж на изданието.

Букварот е одлично заштитен

Петар Зајковски, раководител на Одделението за заштита на архивскиот материјал во државниот архив, вели дека букварот се чува во посебни услови.

- Благодарение на условите во Архивот, букварот е во мошне добра состојба. Неговите корици се заштитени и со посебна хартија, која е отпорна на надворешните влијанија - вели Зајкоски.

Бранко Горгевски

Овој документ е од извонредна голема важност како за дефинирањето на посебноста на македонската националност уште во средината на 20-те години од минатиот век, така, уште повеќе и за фактот што тогашната грчка влада за прв пат официјално го признала постоењето на македонска националност во рамките на тогашната грчка држава. Имено, во 1920 година Грција пред Друштвото на народите Грција го потпишала Севрскиот договор со кој се обврзала да им даде малцински права на сите народности во Грција што не се етнички Грци. Четири години подоцна, во 1924 година, повторно по сугестија на Друштвото на народите, меѓу Грција и Бугарија бил потпишан познатиот Протокол Калфов-Политис со кој врз реципрочна основа Бугарија се обврзуваше на грчкото малцинство во Бугарија да му обезбеди малцински права (јазик, училиште и друго), додека Грција, Македонците од егејскиот дел на Македонија ги признаваше како ,,бугарско" малцинство, на кое би му признале, исто така, малцински права.

Меѓутоа, кога идната 1925 година грчката влада презеде конкретни мерки за објавување на првиот буквар (Абецедарот) за потребите на тоа малцинство, таа јасно и ставила до знаење на бугарската страна дека нема никаква основа Бугарија да се интересира за некакво „бугарско малцинство" во Грција, а уште помалку букварот да биде на бугарски јазик. Грчката страна ,,словенското малцинство” во Егејска Македонија го дефинирала како посебна етничка група различна од Бугарите и Србите. Значи не се ниту Коминтерната ниту Тито првите кои ја признале посебноста на македонската нација. Парадоксално но вистинито – тоа е Кралството Грција.

Оттука Букварот т.е. Абецедарот не бил издаден ниту на бугарски ниту на српски јазик туку на леринско-битолското наречје. По неговото издавање тој бил дистрибутиран во некои околии од Западна Егејска Македонија (Костурска, Леринска и Воденска) со што соодветните грчки владини училишни власти започнале со подготовките за негово воведување во употреба и организирање на соодветна настава за македонските деца до четврто одделение на мајчин јазик.

Сепак Кралството Грција никогаш искрено не пристапило кон решавање на ова прашање. Имено, уште на почетокот властите настојувале да изнајдат било каков повод за одлагање на воведувањето на Абецедарот во училишниот систем на Грција. Па така, додека се преземале привидни мерки за отворање македонски училишта, бил инсцениран судир на грчката војска со бугарската кај Петрич, а потоа и организиран масакр врз недолжното македонско население во селото Трлис, Серско. Овие инциденти биле искористени во функција на создавање на несигурност кај Македонците со крајна цел тие самите да се откажуваат од задоволување на нивните малцински права, односно да бараат сигурност преку иселување во Бугарија. Значи главната цел на овие притисоци било да се продуцира иселување на македонското население од Егејска Македонија како би се сменила етничката карта. Со тоа сите напори за задоволување на малцинските права на македонското население би станале безпредметни, што од денешна дистанца се гледа дека ваквата грчка владина политика дала успешни резултати. Поради колонизацијата во 20-те години на XX век, а посебно по егзодусот на македонското население за време на Граѓанската војна од 1949 година, денес етничката карта во Егејска Македонија е значително изменета.

Грција треба да ги обештети протераните Македонци со 10 милијарди евра

Стоилова

Имотот од еден милион и 400 илјади метри квадратни, за кој прогонетите Македонци од Егеј тврдеа дека е во нивна сопственост, е проценет на 10 милијарди евра.

Тоа е вкупната сума на пари со која Република Грција треба да ги обештети Македонците кои пред 60-тина години беа протерани од нивните огништа.

„Тоа е богатство големо, кое нам ни одземено, јас ја кажувам цената. Да беше нашата Влада на право место досега ќе го имаше поставено прашањето за репарација“, изјави Ѓорѓи Доневски, Здружение на деца бегалци од Егејска Македонија.

Присутните на вчерашното годишно изборно собрание на штипското здружение „Егеј“ имаат вакви дилеми:

„На кого да ја продаваме таа земја ние, на нашите Македонци или на Грците“, изјавија присутните.

Раководството на овој сојуз ги посоветува своите членови во иднина во Грција да влегуваат групно.

„Не сме за продавање, оти тоа го сакаат Грците, тие би сакале да платат ама да не нема“, вели Доневски.

По шпанскиот и хрватскиот пример за враќање на имотите на протераните граѓани, Европа истото и го сугерира и на Грција, велат од ова здружение.

Во напната атмосфера, промоторите на букварот со помош на аргументи ги одбија вербалните нападите на дел од насилната публика. На демократски начин им дадоа и простор на противниците на македонската нација, да ги кажат своите аргументи.

Надвор грчката полиција спречи директен судар меѓу левичарски групи кои го поддржаа „Виножито“ и националистите, кои протестираа против букварот.

Дел од нив влегоа во салата и за малку ќе предизвикаа инцидент, кавгата меѓу грците ја прекинаа активисти на „Виножито“.

Откако, поради страв од инциденти беше откажана конференцијата во хотелот „Капсис“, букварот беше претставен во работничкиот дом во Солун.

На чист македонски јазик, пред десетина грчки медиуми, промоторите ја кажаа неговата историја која во исто време е приказна за македонците во Грција.

„Ние сметаме дека во Грција, последните децении имаме два света, како во општеството, така и во политиката“, изјави Павле Воскопулос, „Виножито“.

Јавната дебата за македонското прашање, е знак дека Грција се менува. Можноста македонскиот буквар да се најде во книжарниците во Солун е уште еден добар знак, но треба време за работите целосно да се промената, велат грчките интелектуалци.

„За жал уште не ни е зацврстена демократијата во Грција како што треба, иако се смета дека оваа држава беше лулката на демократијата, сепак треба да кажеме дека ова е и еден дефицит и сеуште не ги има надминато оние предрасуди од минатото“, рече Јоргос Стамакос, писател.

И покрај огромниот успех, во промоцијата на македонското прашање, сепак учесниците на промоцијата се скептици, совеста што ја има Грција за прогонот на македонците во дваесеттиот век предизвикува страв, а тој ќе постои уште долго време, велат тие.

Не држе не си во право не ради тоа. Туку Процес бил демолиран од страна на војската составена од Антички Македонци по директна наредба на Александар Македонски зашто таму било собиралиште на турко-монголски племиња који ја имаат асимилирано Македонија

грците никогаш нема да не признаат а и не ми е гајле и  не се замарам со тоа,цел свет не знае како Македонија а грците може да не викаат како сакаат тоа е нивно право

На следниов линк:

http://www.primeminister.gr/gr/lang/en/contact.asp - http://www.primeminister.gr/gr/lang/en/contact.asp

можете да му пратите порака на Караманлис.

БРАВО!!!!!!!!!!!!!!!

Па така ти е тоа, кога нашиве идиоти следат се што прават западњаците. Катастрофа невидена...

Така велат бројни пророштва, и од Египет, од Камбоџа, Маја индијанците, Нострадамус, дури и српските пророци Тарабиќи, а за Библијата и да не кажувам.

Ослободителна пресуда за кондовецот Агим Красниќи и неговата дружина. Немале воени вежби над Кондово и не подготвувале тероризам. Ова е одлуката на судијката Снежана Бајлозова во Основниот суд Скопје 1.

На Агим и неколкумината негови пријатели им се судеше во отсуство, беше распишана потерница, но Красниќи не беше уапсен. Денеска сам се појави во судот. По судењето и тој и Јавниот обвинител одбија да дадат изјави.

Кондовската група беше обвинета дека се заканувала со терористички акции, вежбале пукање од топ, а тоа било снимено на лентата на протераната албанска новинарка Рејмонда Малечка.

„Доказите што беа понудени од страна на Обвинителството беа спротивни на законот за кривична постапка, бидејќи материјали што се изработени од професионални новинари и што се користени од страна на нив лични или на редакциите каде што работат не можат да претставуваат доказ во кривична постапка“, изјави Владо Пешликовски, адвокат.

Пешликовски негира дека појавувањето на Красниќи во судот и ослободителната пресуда се дел од политички договор. Амнести интернешнал минатата година токму во политички процеси го вброи судењето против кондовецот.

Замина насмеан од судот. На почетокот од годинава беше осуден на година и половина затвор за киднапирање. Се уште не е полноважна оваа пресуда.

Експертите: Ослободителната пресуда за Красниќи е нелогична

Сомнителна, контрадикторна, до нелогична. Ова се најчестите коментари на правните експерти по ослободителната пресуда за Агим Красниќи и неговата дружина. Падна обвинението дека подготвувале тероризам.

Експертите не коментираат јавно без да ја прочитаат пресудата. За А1 велат дека е нелогично тоа што албанските државјани Бујар и Рејмонда Малечка одлежаа една година затвор за снимките кои што ги направија со дружината на Агим Красниќи, а тој да е ослободен.

Ги снимија над Кондово како демонстрираат пукање од автоматско оружје и топ и се закануваат со терористички акции.

Доколку ослободителната пресуда за кондовецот стане и правосилна, Малечка лесно може да ја тужат Македонија за времето минато во затвор. Сега токму снимениот материјал не бил доволен доказ за подготвувањето тероризам.

„Доказите што беа понудени од страна на Обвинителството беа спротивни на законот за кривична постапка, бидејќи материјали што се изработени од професионални новинари и што се користени од страна на нив лично или на редакциите каде што работат не можат да претставуваат доказ во кривична постапка“, изјави на 16 февруари 2007-ма Владо Пешликовски, адвокат.

Дали станува збор за политички договор меѓу коалиционите партнери? Полицијата не можеше да го уапси Красниќи и да го донесе на судење, иако имаше потерница по него.

Дури предизвика и криза во владината коалиција, која негираше дека кондовецот како единка може да предизвика такво нешто.

Во судот се појави, за многумина ненадејно, со сите обвинети. Истиот ден беше соопштена и пресудата. Јавното обвинителство најавува жалба пред Апелација.

Красниќи замина насмеан од судот, подоцна виден на кафе со Мендух Тачи во центарот на Скопје.

Едмонд Темелко

Едмонд Темелко од „Македонската алијанса за европска интеграција“ е новиот градоначалник на општината Мала Преспа лоцирана на границата со Македонија, во близина на Ресен.

Темелко, кој е основач на невладината организација „Друштво Мала Преспа“ е првиот избран функционер на Партијата на Македонците од нејзиното регистрирање пред 20 месеци.

„Ние излеговме со конкретна програма, проблемите на Мала Преспа се познати, се работи за многу сиромашна општина“, изјави на 18 февруари 2007-ма Едмонд Темелко, „Македонска алијанса за европска интеграција“.

„Многу труд и напори ќе треба да вложиме за да ја извлечеме Преспа од оваа економска катастрофа и Македонците да се чувствуваат послободни, да добијат повеќе права“, додаде Темелко.

По пребројувањето на гласовите, новиот градоначалник во Пустец се сретнал со неговиот ривал Панде Костовски, кој иако кандидиран од Демократската партија, вчера повика на листата на советници да се гласа за Македонската алијанса.

Еден од приоритети, по изборите е да се надминат поделбите меѓу Македонците во регионот и во цела Албанија, велат во партијата.

„Сето ова нас не става пред голема одговорност, треба да се работи ако сакаме да имаме позади нас маса на луѓе, Македонци кои гледаат кај нас една вистина и таа вистина треба да ја реализираме со остварување на нашата програма“, рече Ефтим Митревски, „Македонска Алијанса-Европска интеграција“.

И покрај постојаните притисоци и закани до гласачите, забраната за емитување на спотови на македонски јазик и бришењето на името на партијата од избирачките списоци, партијата на Македонците во конк*ренција со 13 други партии успеа да добие градоначалник и четири советници во општината Мала Преспа.

Иако кандидирани од различни партии, сите членови на новиот совет на Мала Преспа се Македонци. Советници се очекуваат и во Тирана, Корча и Голо Брдо и неколку други места.

Ova go moze samo vo Albanija ... ,se prasuvam dali vakvo nesto moze da se sluci vo Grcija ,Bugarija ili pak Srbija?