Франческо Тоти е суспендиран на еден дуел во Серија А и ќе го пропушти римското дерби против Лацио, откако Италијанската фудбалска федерација го санкционираше за црвениот картон заработен на дуелот со Лече изминатиот викенд...

Капитенот на Рома заработи исклучување поради вербален дуел со противничкиот фудбалер Рубен Оливеира. Расправијата се случи откако при акцијата за постигнување на вториот гол за "римската волчица", Тоти беше сопнат од Оливера.

Постоеа и стравувања дека Тоти ќе добие поголема казна со оглед на тоа дека по исклучувањето, играчот се стрча кон тунелот што води до соблекувалните за физички да се пресмета со Оливеира. Освен црвен картон Тоти ќе мора да плати и парична казна од 20 000 евра.

Интер играше како домаќин, го имаше најголемиот дел од публиката на своја страна, но Рафа Бенитез не успеа да ја најде добитната тактика за овој голем натпревар.

Дербито не понуди многу возбудувања, без ниту една 100% шанса и на двете страни, голот падна уште на стартот.

Марко Матераци направи прекршок за пенал врз Ибрахимовиќ, Швеѓанецот го изведе ударот од белата точка, погоди и му нанесе пораз на својот поранешен тим.

Горан Пандев го одигра вториот дел од натпреварот, беше главниот "виновник" што Интер последните 30 минути ги одигра со фудбалер повеќе откако изнуди втор жолт картон за Абате.

Но, Интер не успеа да ја искористи предноста од фудбалер повеќе, не го загрози сериозно голот на Абиати, Милан беше тимот кој се радуваше на голема победа.

Во ова коло се одигра и големото дерби помеѓу Јувентус и Рома кое заврши без победник 1-1.

Јакинта во 35та и Тоти од пенал десет минути подоцна беа стрелците на погодоците.

Дерби се одигра и во Рим каде што Лацио со 2-0 го победи тимот на Наполи.

Зарате и Флокари погодиција за Лацијалите враќајки го неколку саати тимот на врвот во лигата, се до миланското дерби.

Сицилијанското дерби помеѓу Палермо и Катанија го реши Хавиер Пасторе кој постигна хет-трик во натпревар кој го добија домаќините со 3-1.

Фиорентина со 1-0 ја победи Чезена, идентично како и Болоњ над Бреша, Сампдорија одигра само 0-0 против Киево.

Парма славеше гостинска победа над Бари со 1-0, Џенова со истиот резултат победи кај Каљари, најубедлив беше Удинезе славејќи над Лече со 4-0.

Мизеријата на Интер продолжува, нов пораз на Нероазурите!

Шампионот се соочува со огромен број на повредени фудбалери, но и оние кои ги има на располагање Рафа Бенитез се доволно силни за да слават против тим како Киево, сепак тоа не се случи.

Интер тргна добро во овој натпревар, Пандев ја имаше првата голема прилика, но ја погоди само стативата од голот на Киево.

Резултатот беше отворен во 29та минута кога Пелисие со глава реализираше за водство на Киево од 1-0.

Во продолжението од натпреварот Интер јалово се обидуваше да го израмни резултатот, Киево создаваше шанси од контра напади.

На осум минути пред крајот на натпреварот, Москардели постигнува погодок и ги решава сите дилеми.

Пред последниот свиреж на судијата, Интер преку Ето успеа само да го намали резултатот на 2-1.

Горан Пандев ги одигра сите 90 минути, но беше под нивото исто како и целиот тим на Интер.

Јувентус славеше на гостувањето кај Џенова, Красиќ уште еднаш ги покажа своите квалитети.

Јуве поведе со автоголот на Едуардо во 18та минута, Красиќ ги постави конечните 2-0 пет минути подоцна.

Лацио одигра без победник на гостувањето кај Парма, натпреварот заврши 1-1.

Креспо во 23та минута постигна гол за водство на Парма, Лацио израмни преку Флокари во 45та.

Палермо забележа гостинска победа кај Чезена, славеше со 2-1.

Иличиќ во 11та минута му донесе водство на Палермо, но 13 минути подоцна Чезена израмни преку Богдани.

Во 51та минута, Миколи биеше прецизно за победа на Палермо од 2-1.

Сампдорија со 3-2 славеше на гостувањето кај Лече.

Пацини со хет-трик беше играчот на натпреварот за гостите, головите кај Лече ги постигнаа Ди Микеле и Диамотене.

Во останатите натпревари Катанија го победи Бари со 1-0, Каљари славеше кај Бреша со 2-1.