Capital Gate (Abu Dhabi, UAE)

Новиот планетариум на Шангај

11 необични градби пред своето време

Со својот необичен дизајн, остри агли, искривени линии и слоеви на стакло, модерната архитектура често изгледа неверојатно.

Некои објекти имаат толку футуристички изглед што се чини дека доаѓаат директно од некој научно-фантастичен филм, иако имаат конвенционална цел како станбени згради, трговски и културни центри, образовни установи...

Ова се 11 необични градби пред своето време!

Cardedeu црква, Ел Салвадор

Младински хостел, Шенжен, Кина

Hiroshi Senju музеј, Каруизава, Јапонија

Фултон Мол, Њујорк

Историски музеј, Шангај, Кина

Shunde основно училиште, Гуангдонг, Кина

Penleigh и Essendon гимназија, Мелбурн, Австралија

100PP деловна зграда, Сингапур

Broadgate комплекс, Лондон, Велика Британија

Viking by Crown зграда, Сиднеј, Австралија

Вертикално соединение на станови, Сингапур

Најфасцинантните градби на кои човештвото работи во моментов

Секоја година има по неколку десетици планови „од иднината“ на кои човештвото работи. Повеќето ќе ве натераат да се чувствувате како да сте отпатувале во времето.

Ова се 11-те на кои моментално најактивно се работи:

1. The Cobra Towers

Двете кули во форма на преплетени кобри треба да се изградат во Кувајт. Нивната изградба беше предвидена да започне уште во 2008-ма година, но беше ставена во мирување заради финансиската криза. Едно од интересните прашања наметнато при проектирањето на градбата беше како да се направат лифтови кои ќе се движат низ спирална структура.

2. Kingdom Tower

Кулата на Кралството која после завршувањето ќе биде повисока и од Бурџ Калифа (моментално највисоката зграда во светот), се гради во Саудиска Арабија. Предвидено е да содржи деловни простории, луксузни апартмани, опсерваторија, хотел и највисока платформа за набљудување. Согласно плановите изградбата треба да заврши до 2019-та година.

3. Shanghai Tower

Изградбата на оваа 121-катна кула е започната во 1993-та, а е завршена оваа година. Иако сè работи на нејзино внатрешно доопремување, погледот од врвот е спектакуларен. За тоа треба да им се заблагодариме на двајцата руски зависници од адреналин кои минатата година незаконски влегоа во зградата и направија извонредни фотографии од врвот.

4. Dubai Pearl

Меѓу планирањето на најголемиот трговски центар и највисоката зграда на светот, некој во Дубаи решил дека земјата мора да има и барем една луксузна зграда која која ќе наликува на вообичаена станбена зграда. Овој „град во градот“ ќе биде составен од четири згради кои ќе бидат поврзани со мост на самиот врв, а ќе вклучува и театар со капацитет од 1.800 посетители.

5. Agora Garden Tower

Неговата изградба треба да започне веќе со почетокот на следната година. Станува збор за проект кој ќе претставува симбиоза меѓу човештвото и природата. Извртената градба треба да биде еколошка во секоја смисла на зборот: секој балкон ќе има сопствена градина, предведено е користење на сончевата енергија и рециклирање на дождовната вода.

6. World One Tower

Со предвидените 117 ката оваа зграда би требало да стане најголемата станбена зграда во светот. Исто така ќе претставува и највисока градба во градот Мумбаи. Предвидено е да содржи 300 луксузни апартмани дизајнирани од познатиот Џорџо Армани.

7. King Abdullah Petroleum Studies and Research Center  

Можеби не може да се пофали со својата височина, но тоа не го прави помалку фасцинантен од другите. Оваа градба сместена во Саудиска Арабија плени со футуристичкиот дизајн заснован на испреплетени шестаголни клетки.  

8. Suzhou Zhongnan Center

Пред некое време Кина започна со изградбата на оваа 730-метарска кула која ќе чини 4,5 милијарди долари. Иако е предвидено изградбата да трае долго, се смета дека истата ќе биде завршена во 2020-та година, при што во тој момент би била највисоката зграда во Кина и трета по висина во светот.

9. Lotte World Tower

Значително повисока од сите останати згради во Сеул, Јужна Кореја, 556-метарската кула би требало да биде завршена во 2016-та година. Предвидено е да содржи продавници, канцеларии, апартмани, хотели и платформа за набљудување на самиот врв.

10. Dawang Mountain Resort

Ова ремек-дело на човештвото треба да биде отворено во 2016-та година. Предвидено е да вклучува затворен лизгачки комплекс составен од лизгалишта, воден парк и висечки градини.

11. The Songjiang Hotel

Лоциран во Кина, хотелот треба да биде изграден помеѓу два гребени под кои се простира прекрасно езеро. Согласно плановите, предвидено е хотелот да содржи водопад кој ќе тече буквално по неговите надворешни ѕидови. Ако се плашите од височина и не сакате да гледате нагоре, тогаш само продолжете кон најниските катови и уживајте во подводниот свет, бидејќи долните катови се наоѓаат под вода.

Проект за хотел на остров во Охридско езеро

Креирање на вештачки остров со хотел во Охридското езеро беше една од темите кои ги разработуваа студентите по архитектура во рамки на предметот „Архитектонско студио“ на Факултетот за архитектура во Скопје. Целта беше да се понуди архитектонско решение на овој сложен проект, кое ќе нуди и програмски концепт за островот, односно што би понудил хотелот, како и начинот на кој тој ќе биде поврзан со градот и ќе понуди уште еден јавен простор за Охриѓани и тамошните туристи. Објектот кој би имал современа архитектура треба да има природен дијалог со градот и истовремено да се вклопи без премногу да отскокнува во постоечката архитектура на градот.

Студентите по архитектура, Димитар Петровски и Борјан Овезовски кои работеа на оваа тема во рамки на зимскиот семестар на факултетот како решенија понудија  современ висококатен хотел, со форма на цвет, кој нуди плејада од јавни, приватни и комерцијални простори. Хотелот е замислен да биде поставен во близина на кејот во центарот на Охрид, поврзан со мост до градот и да со својот изглед да биде нова, вертикална скулптура во градот. Посетителите на хотелот и неговите барови имаат панорамски поглед кон стариот дел на Охрид. Објектот има модерни содржини, како транспарентен подводен кат кој на посетителите ќе им нуди поглед на езерската флора и фауна, фитнес центар и галериски простор за културни и општествени активности  или само релаксирано уживање далеку од туристичката врвулица на самиот врв на хотелот.

На Архитектонскиот факултет уште денес ќе може да се погледне изложбата на студентски проекти. Во продолжение прочитајте го описот на Петровски и Овезовски за нивниот проект за хотел на кејот на Охридското езеро.

Проект: Хотел на кејот на Охридското езеро
Локација: Охрид
Студенти/автори: Димитар Петровски и Борјан Овезовски
Година: 2015/16
Педагошки тим: Проф. д-р Минас Бакалчев, Викторија Богданова, Саша Тасиќ, Александар Петановски, Гордан Петров

Опис од авторите:

Појдовна точка во изработката на овој проект беше поставување на вертикална аксијала која ќе се издигне од површината на Охридското езеро и ќе создаде остров околу неа. Таквата вертикала ќе има улога на светилник и ќе создаде нова вертикална скулптура во силуетата на градот.

Локацијата на хотелот е на местото на старото пристаниште, на кејот на Охридското езеро во Охрид. Пешачкиот пристап до хотелот е овозможен преку мост со кој се пристигнува до кружна платформа која го обиколува објектот и создава јавен простор кој се протега пред самиот објект. Кружната геометрија е задржана и во обликувањето на хотелот бидејќи таа е најповолна и овозможува непречен поглед од 360 степени како кон езерото, така и кон самиот град.
Во лобито на хотелот е сместен лоби бар коj се отвора кон платформата и самото езеро, додека под нивото на лобито е сместено казино, од кое преку ѕидовите од стакло е овозможен визуелен контакт на посетителите со подводниот свет на езерото. Хотелскиот ресторан кој се наоѓа на првиот кат им овозможува на посетителите да уживаат во панорамски погледот на стариот дел на градот Охрид и Охридското езеро.

Карактеристичниот кат на хотелот е составен од 6 соби и една сервисна просторија, кои се радијално поставени околу средишен атриум кој се протега по целата висина на хотелот.

Содржините кои се наменети за рекреација и релаксација на посетителите се наоѓаат на најгорните нивоа на хотелот, така што вежбањето во финтес центарот или пливањето во базенот овозможуваат и уживање во глетката на Охрид од една поинаква перспектива. На највисокото триесетто ниво на хотелот се наоѓа целосно застаклена просторија од која се отвораат визури кон градот и езерото и истата може да се користи како опсерваторија, галерија или како простор за одмор и релаксација.