Поучни случки

Изменето од KINGDAVID - 03.Мај.2013 во 03:44

                                    ПРИКАЗНА ЗА ПЕПЕРУТКАТА

Еден човек гледал како некоја пеперутка се мачи неколку часови да излезе од својот кожурец .

Не можејќи повеќе да гледа како пеперутката се мачи и се бори, одлучил да и' помогне. 

Земал ножици, го расекол кожурецот и пеперутката конечно излегла.

Човекот бил многу радосен што и' помогнал на пеперутката да излезе и сакал да види како пеперутката ќе почне да лета.

Но, тоа не се случило. Крилјата на пеперутката биле неразвиени, а телото и' било слабо.

Човекот продолжил да ја надгледува пеперутката , очекувајќи дека сепак некако крилата на пеперутката ќе се отворат, зголемат и рашират, и дека некако телото на пеперутката сепак ќе зајакне.

За жал, тоа не се случило.

Пеперутката целиот свој живот го поминала лазејќи наоколу со своето слабо тело и неразвиени крилја. 

Тогаш човекот сфатил дека иако имал добра намера, и' одмогнал на пеперутката. 

Тој не знаел дека тешкотиите со кои пеперутката се соочувала додека се мачела да излезе од кожурецот и' биле потребни , затоа што кога таа се борела, крвта од телото и' преминувала во крилјата така да кога ќе се ослободи ќе може да биде способна да лета.

Така е и во животот на луѓето.

 За да можеме да бидеме силни и издржливи во животот, понекогаш ни се потребни тешкотии и борби за да можеме духовно да раснеме и да станеме посилни и поспремни да се соочиме со  сите предизвици кои ни ги донесува животот. 

 

Изменето од KINGDAVID - 03.Септември.2012 во 23:34

     Селски   Муабети 

Амин!

Моментот на смртта е последната шанса за човековото просветлување...

... пред да почине татко ми, осознавајќи ја илузијата на световниот живот во кој тој толку многу веруваше, ми рече - "животов бил лук и вода".

Блажени се оние кои тоа го осознале уште додека се млади.

МОЈАТА НОВА КУЌА


„Животот на човекот не зависи од изобилието на неговиот имот“ Лука 12:15.Тајната на задоволството е да бидеш задоволен таму каде што си и со тоа што го имаш. Самото богатство никогаш не носи среќа. Јаков вели дека Бог „ги избра сиромасите од овој свет да бидат богати во верата и наследници на царството“ (Јаков 2:5).
Павле бил среќен човек, бидејќи научил да биде задоволен од сè (Фил. 4:11). Тој, натаму вели: „Голема печалба е да биде човек благочестив и задоволен...“ (1Тим. 6:6). Тој не барал многу, зашто вели: „Кога имаме храна и обле-ка, со тоа да бидеме задоволни“ (1Тим. 6:8). Натаму, во Библијата се вели: „Бидете задоволни со она што го имате“ (Евр. 13:5).
Еден свештеник минувал низ сиромашно црнечко предградие и на покривот на една шупа, во која, очигледно, живеело некое семејство, го забележал домакинот како ја чита Библијата. Го прашал која книга ја чита, на што старецот му одговорил: „Добрата книга!“ А на прашањето што чита од „Добрата книга“, старецот одговорил: „Читам за новата куќа што се гради за мене и моето семејство, горе на небото. Господине тоа ќе биде куќа, вистинска куќа!“ Како да сакал да каже дека не се грижи што уште малку време ќе живее во шупа, наскоро го очекува небесна палата во Божјиот Дворец. На лицето на старецот се огледувало задоволство и среќа.
Свештеникот раскажува како си заминал засрамен, но и благодарен за оваа необична проповед за задоволство и во најголема сиромаштија.

„НЕЗАДОВОЛСТВОТО НЕ ДОАЃА ЗАТОА ШТО МНОГУ НИ ТРЕБА, ТУКУ ЗАТОА ШТО МНОГУ БАРАМЕ“.

Вистински настан


Ова е вистински настан за осмогодишно девојче кое знае-ло дека љубовта може да биде чудна.
Нејзиниот мал брат морал да умре поради туморот на мозокот. Родите-лите биле сиромашни, но го заложиле целиот свој имoт се со цел да го спасат.
Една вечер таткото и кажал на натажената мјка: „Вака повеќе не може. Мислам дека дојдовме до крајот, него може само чудо да го спаси.“
Девојчето сето тоа го слушало прикриена зад вратата. Потрчала во својата соба, ја скршила својата мала каса и тивко отишла во најблиската аптека,трпеливо чекала, а кога дошла на ред, се издолжила на нејзините прсти и пред аптекарот ги истурила сите ситни пари што ги имала.
„Што би ти сакала, душо?“ „Тоа е за мојот брат, господине, многу тешко е болен. Дојдов да купам чудо.“ „Не те разбрав доволно“, рекол аптекарот.
„Се вика Андрија. Има нешто што му расте на главата, тато рече дека е готов, дека може само чудо да го спаси. Јас многу го сакам мојот брат, затоа ги донесов сите пари да купам чудо.“ Аптекарот тажно се насмевнал и рекол: „Но ние не продаваме чуда.“ „Ако немам доволно пари, можам уште да побарам. Колку чини едно чудо?“ Во аптеката се затекнал висок и посебен човек со озбилнио лице кој со интерес го слушал разговорот. Додека аптекарот немоќно ги ширил своите раце, девојчето си ги собирало своите пари.
Високиот човек и пришол и ја запрашал: „Зошто плачеш? Што се случило?“ „Господинот аптекар не сака да ми продаде чудо и не сака да ми каже колку чини тоа чудо. Тоа е за мојот брат Андрија, кој е многу тешко болен. Мајка ми вели дека треба да оди на операција, а тато вели дека немаме пари да ја плати операцијата и затоа тој рече дека само може чудо да го спаси брат ми.
Јас донесов се што имам.“ „Колку имаш?“ „Еден долар и единаесет центи ... Но знаете“, прозборела тивко, „јас можам да побарам уште...“
Човекот се насмевнал.. „Мис-лам дека нема да треба.Чудото за твојот брат чини точно еден долар и единаесет центи!“ Со едната рака ги собрал ситните пари а со другата рака нежно ја загрлил и ја повеле со себе.
„Одведи ме дома кај твоите“, рекол, „сакам да го видам твојот брат и да разговарам со татко ти и мајка ти. Можеби ќе најдеме чудо што им е потребно.“ Девојчето се насмевнало не кажувајќи ништо., таа знаела дека тоа чудо чини еден долар и единаесет центи.
Овој човек бил најпознатиот хирург во тоа место. Детето било успешно оперирано. Секако, и љубовта и верата на сестра му на Андрија се засметани во цената...

ГОЛЕМО ЧУДО НА МАЈКАТА БОЖЈА

Декември 2004 година, Саудио-арабиец, муслиман, се појави пред неколку новинарски агенции, за да ја раскаже следнава неверојатна приказна, која ја доживеал и која го променила неговиот живот (Оваа приказна е пренесена преку ТВ и радио-станици, интернет и е раширена преку сите медиуми ширум цела Саудиска Арабија, Сирија, Палестина и се разбира, во сите соседни држави.
Пред неколку години овој човек се оженил со многу богата муслиманка, но неплодна. Како што минувале годините, и покрај сите нивни напори и големи медицински трошоци (со многу лекари), тие останале бездетни. Неговите родители го советувале да се ожени со друга жена (бидејќи локалниот закон дозволувал четири брака). Иако изморен од сè, загрижен и скршен тој не го прифатил родителскиот совет, туку со својата жена, отпатувал на одмор во Сирија. Таму изнајмиле автомобил со возач кој воедно бил и водач по местата кои планирале да ги посетат. Како што одминувал одморот, возачот забележал дека парот е полн со горчина, страдање и жалост. Зближувајќи се со нив, тој плашливо ги прашал зошто изгледаат така потиштено – да не е тоа, затоа што се незадоволни од неговата услуга? Парот му се доверил на возачот, дека причина за нивната тага е тоа што не можат да имаат деца. Тогаш возачот им рекол, кој исто така бил муслиман, дека во Сирија православните христијани, имаат манастир на Пресвета Богородица и многу луѓе кои немаат деца наоѓаат прибежиште кај Нејзината чудотворна икона. Тие одат во манастирот и добиваат масло од кандилото кое гори пред чудотворната икона. А потоа „Марија“ им дава на христијаните според нивната вера, сè што тие сакаат.

Очигледно возбудени Саудио-арабиецот и неговата жена го замолиле возачот да ги однесе во манастирот „Владичица на христијаните“ во Сајданај и му ветиле: „Ако добиеме дете, потоа ќе се вратиме овде и ќе ти дадеме тебе 20.000 долари, а на манастирот 80.000 долари.
Тие отишле во манастирот и направиле како што им било кажано. Подоцна, се вратиле во својата татковина и по некое време, жената останала бремена. Неколку месеци подоцна таа родила прекрасно момче. Тоа е вистинско чудо на нашата Владичица Богородица!

Набрзо, бидејќи неговата сопруга се породила, Саудио-арабиецот се вратил во Сирија за да го исполни ветувањето кое го дал. По неговото доаѓање тој му се јавил на истиот возач и го замолил да се најдат на аеродромот во Дамаск. Но, возачот, лукав и расипан, убедил двајца свои пријатели да дојдат со него на аеродромот, да го пречекаат богатиот Саудио-арабиец, да му ги земат парите и да го убијат. Додека го возеле, не знаејќи дека планираат да го убијат, им ветил на пријателите на возачот дека ќе им даде по 10.000 долари. Тие незадоволни од тоа, свртеле од патот кој води до манастирот, отишле на едно пусто место и го убиле Саудио-арабиецот, му ја отсекле главата и ги исекле на парчиња останатите делови од телото (раце и нозе). Заслепени од страв и совладани од ужасниот чин, кој штотуку го извршиле, тие ги ставиле неговите телесни остатоци во багажникот на автомобилот, плашејќи се да ги остават таму. Откако ги зеле неговите пари, часовник, и сè што имал, тие барале уште поосамено место за да го фрлат телото.

На главниот пат, среде патување, нивниот автомобил се изгасил. Тројцата мажи излегле да утврдат зошто се изгаснал моторот. Еден поминувач застанал да им помогне, но тие, уплашени да не се открие нивното страшно злосторство, се направиле дека не им треба никаква помош. Поминувачот заминувајќи забележал дека капе крв на задната страна од автомобилот и повикал полиција да провери бидејќи целата таа ситуација, со тројцата мажи, му изгледала многу сомнителна.
Пристигнала полицијата и видела крв под автомобилот на патот, и им наредила да го отворат багажникот. Кога го отвориле багажникот, што ќе видат: Саудио-арабиецот излегол надвор, повеќе од очигледно и чудесно, жив и полн со сила и им рекол: „Токму сега, ПРЕСВЕТАТА заврши со шиењето на мојот врат, овде десно (покажувајќи им го местото на своето Адамово јаболко), откако претходно заврши со останатите делови од телото“.
Гледајќи го ова, тројцата криминалци веднаш го изгубиле разумот – полуделе. Полицајците ги привеле, а криминалците почнале да пелтечат како е можно Саудио-арабиецот, кого што го убиле, му ја отсекле главата, повторно да биде жив.

Саудио-арабиецот дошол на клиника да ги помине испитувањата на лекарите, кои потврдиле и посведочиле дека шевовите кои биле направени се многу совршени и нови, па тоа го потврдило чудесниот настан. Шевовите биле, а и уште се видливи!
Кога Саудио-арабиецот излегол од багажникот тој се видел себеси буквално, повторно составен, и тој непрестајно го тврди и исповеда тоа – дека ПРЕСВЕТАТА го вратила неговото тело и го воскреснала со помош на Нејзиниот Син.

Веднаш потоа, ги повикал своите роднини да дојдат во Сирија, и тие отишле заедно во манастирот „Пресвета Сајданајска“ и принеле молитви, пофалби и славословија, и наместо првичниот дар од 80.000 долари (како што ветил), сега дал 800.000 долари на Пресвета Богородица.
Денес, кога овој човек зборува во детали за ова огромно чудо, тој ја почнува својата приказна со зборовите: „Кога бев муслиман, ми се случи ова…“ што покажува дека тој веќе не е муслиман, ниту било кој во неговото семејство.
Ова чудо го вчудовиди целиот арапско-муслимански свет и целиот Блиски Исток.
ОЖИВУВА ГОСПОД НАШИОТ БОГ, И ДАВА СЕКОМУ СПОРЕД НЕГОВАТА ВЕРА!