ФОТО: Најатрактивните костими за капење од модната недела во Мајами 2013

Дизајнерите на костими за капење избираат совршен тајминг и идеална локација за презентирање на најновите колекции – во екот на летната сезона Мајами станува домаќин на најжешката модна недела.

Вчера заврши петдневниот моден спектакл кој ги постави трендовите кај костимите за капење за сезоната лето 2013. Излевајќи ја креативноста врз минијатурни парчиња од различни ткаенини, истакнатите дизајнери го пресоздадоа стилот карактеристичен за 50-тите, 60-тите, 70-тите и 80-тите години, па ретро костимите за капење и наредната година ќе доминираат на плажите.

Микс од принтови, експлозија од бои, реси и набори, ленти преку телото, отсечоци, егзотични детали, диско мотиви... претставените костими можеби не беа толку практични, но затоа пак не ги изневерија очекувањата за сексапилен гламур и впечатливост.

Luli Fama презентира колекција инспирирана од „La Dolce Vita“, филмскиот хит од 1960 година. Италијанското влијание можеше да се види речиси во секој од моделите. Тенки врвки, романтични цветни принтови и живи бои преовладуваа во женствената колекција. Aqua Di Lara ги постави на пиедестал едноделните костими кои беа неодолива комбинација од пастелни и силни бои. Mara Hoffman црпеше инспирација од пустината и ја зачува традицијата на создавање костими со уникатни принтови во „бохо“ стил. Дизајнерката на Caffe, Паула Саведра, ги пренесе тропските принтови и боите на скапоцени камења на секси бикини, но и на провидна облека за на плажа. Моника Вајс од L*Spacе повторно им дозволи на ресите да дојдат во преден план, но доста забележливи беа и костимите инспирирани од корсети.

Погледнете ги најдобрите колоритни колекции од модната недела во Мајами:

Caffe

Luli Fama

Aqua Di Lara

White Sands Australia

Suboo

Vitamin A by Amahlia Stevens

Red Carter

Poko Pano

Nicolita

Mara Hoffman

L*Space

Gottex

Dolores Cortes